ஞாயிறு, 17 ஜனவரி, 2021

 கணித மேதை ராமானுஜனின்

நினைவு நூற்றாண்டில் (2020) 

அவரின் நினைவைப் போற்றும் அறிவியல் ஒளி!

--------------------------------------------------------------

நியூட்டன் அறிவியல் மன்றம் 

------------------------------------------------------

2020 என்பது கணித மேதை ராமானுஜனின் 

நினைவு நூற்றாண்டு. இதையொட்டி 

அறிவியல் ஒளி ஏட்டின் ஆசிரியர் திரு 

நா சு சிதம்பரம் அவர்கள் இந்த ஆண்டு 

முழுவதும் ராமானுஜன் பற்றிய 

கட்டுரைகளை அறிவியல் ஒளியில் 

பிரசுரிக்கிறார்.


12 இதழ்களிலும் சேர்த்து 12 கட்டுரைகள் 

வெளியாகும், மாதம் ஒன்று என்ற கணக்கில்.

இது அரிய வாய்ப்பு.ராமானுஜன் பற்றி 

ஒவ்வொரு இதழிலும் ஒரு கட்டுரை என்பது 

மிகப்பெரிய விஷயம். அவ்வளவும் தமிழ்க் 

கட்டுரைகள். கணிதத்தில் பெரும் புலமை 

பெற்றவர்களிடம் இருந்து கட்டுரைகள் 

பெறப்படுகின்றன.


எனவே அறிவியலில் ஆர்வம் உடைய 

அன்பர்கள்  அறிவியல் ஒளி ஏட்டுக்குச் 

சந்தா செலுத்துங்கள்.


ஆண்டுச் சந்தா = ரூ 240

ஆயுள் சந்தா = ரூ 3000.


கிறிஸ்டோபர் நோலனின் டெனட் படத்தின் 

அறிவியல் விளக்கம் இவ்விதழில் 

வெளிவந்துள்ளது (ஜனவரி 2021).

அத்துடன் ராமானுஜன் பற்றிய 

முதல் கட்டுரை வெளியாகி இருக்கிறது.


அறிவியல் ஒளி ஏடு கடைகளில் 

கிடைக்காது. எனவே சந்தா செலுத்தி 

வரவழைத்துப் படியுங்கள்.


நீங்கள் அறிவியல் படிக்காதவராக 

இருக்கலாம். அதனால் என்ன?

உங்கள் குழந்தைகள் அறிவியல் கற்க 

வேண்டும் அல்லவா? அவர்களுக்கு 

அறிவியல் ஒளி தேவைப்படும்.



அறிவியல் ஒளிக்கு சந்தா செலுத்துங்கள்!

அறியாமைக்கு முற்றுப்புள்ளி வையுங்கள்!

--------------------------------------------------------

பின்குறிப்பு:

சந்தா செலுத்த என்ன செய்ய வேண்டும்?

ஆசிரியர் திரு நா சு சிதம்பரம் அவர்களை 

தொடர்பு கொள்ள வேண்டும். அவரின் 

அலைபேசி 94440 63497

மின்னஞ்சல் ariviyaloli@yahoo.co.in  

***************************************************  

  


சனி, 16 ஜனவரி, 2021

 சமூக வலைத்தளங்களின் தான்தோன்றிதத்தனமான போக்கை இந்தியா கட்டுப்படுத்த முடியுமா? இந்திய அரசியல்வாதிகளுக்கு சில தனியார் நிறுவனங்கள் இப்படி நடந்தால் தங்களுக்கு என்னென்ன பிரச்சனைகள் வரும் என்று யோசனைகள் வருகிறதா?

பாஜக நாடாளுமன்ற உறுப்பினர் மீனாக்ஷி லேகி கொண்டு வந்த Personal Data Protection Bill, 2019 பற்றி மேலும் பேச Facebook, Twitter ஆகிவற்றை summon செய்து அழைத்ததை அக்கம்பனிகள் எந்த அளவிற்கு முக்கியத்துவம் கொடுத்துப் பார்த்தன என்பது நாம் அறிந்ததே. சிங்கப்பூர் பாராளுமன்றம் அழைத்தால் உடனடியாக எந்த மறுப்பும் சொல்லாமல் அங்கு சென்று ஆஜராகும் இந்தக் கம்பனிகள்,ஏன் இவ்வளவு பெரிய ஜனநாயக நாட்டின் பாராளுமன்றம் கூப்பிட்டால் வர மறுக்கின்றன? இங்கிருக்கும் ஆட்சியாளர்கள், அரசு நிர்வாகத்தின் மீதான அவர்களின் அபிப்பிராயம் என்னவாக இருந்தால் அவை இப்படி நடந்து கொள்ளும்?
நம் அரசியல்வாதிகள், அதிகார வர்க்கம் மட்டும் என்ன வாழ்கிறது? வெள்ளைக்காரன் நம்மை recognize செய்வானா என்று ஏங்கிக் கிடக்கும் சமூகமாக இருக்கிறது இந்தியா. யாராவது ஒரு வெளிநாட்டுக்கார அரசியல்வாதி நம்மைப் பற்றி ஏதாவது புகழ்ச்சியாக சொன்னால் போதும், இங்கே கோடிக்கணக்கான பேர் புளகாங்கிதம் அடைகிறோம். ஏன் அவ்வளவு தாழ்வு மனப்பான்மை நமக்கு?
Twitterல் தன் handle, blue-tick-mark உடன் இருக்க வேண்டும் என்று முயற்சி செய்யும் அரசியல்வாதிகள் எத்தனை பேர்? அந்த அங்கீகாரம் கிடைத்து என்னவாகப் போகிறது?
இதோ, Joe Biden ஒரு handle உருவாக்கி, ஒரே ஒரு tweet செய்கிறார், உடனடியாக அது verified நிலையை (blue-tick-mark) அடைகிறது, எப்படி? அப்படியானால், இது பலர் பின்-தொடர்வதைக் கருத்தில் கொண்டு, algorithm முடிவு செய்து, பின் Twitter அந்த blue-tick-mark கொடுக்கவில்லை, இது physical verification மட்டுமே. இந்த algorithm, அப்படி ஒன்று இருந்தால், Twitter வெளியிடத் தயாரா? (*3)
இவ்வாறான ஒரு grey-shaded நடைமுறையில் இயங்கும் கம்பனிகள் நாளை நம் நாட்டில் பிரச்சனைகள் செய்யாது என்பதற்கு என்ன உத்திரவாதம்?
தாக்குனூண்டு ஊகாண்டா - அது சமூக வலைத்தளங்களை தேர்தல் முடியும் வரை தடை செய்து இருக்கிறது. (*2) Facebook, ஒருதலைப் பட்சமாக செயல்பட்டதாக அவ்வரசு சொல்கிறது. இந்த மனத் திண்மை இந்திய அரசியல் வாதிகளிடம் வரவேண்டும்.
உடனே, இங்கு பலர், சீன செயலிகளைத் தடை செய்ததை சுட்டிக் காட்டலாம். இங்கு நாம் கவனிக்க வேண்டியது, தடை செய்த செயலிகளில் மிகப் பெரியது TikTok. அதில் எந்த அரசியல்வாதியும் இல்லை, அதிகார வர்க்கத்தினரும் இல்லை, அதில் இருந்தவர்கள் அனைவரும் சாதாரணர்கள் என்பதால் அரசியல்வாதிகளால் அப்படி ஒரு முடிவை எளிதாக எடுக்க முடிந்தது.
நாளை இந்தியாவில், எந்தக் கட்சிக்கு வெல்லும் வாய்ப்பு இருக்கிறதோ, அதற்கு சாதகமாக நடப்பது போய், எந்தக் கட்சி வெல்ல வேண்டும் என்று சமூக வலைத்தள கம்பனிகள் தீர்மானிக்கும் நிலை வந்தால்?
Parler என்று ஒரு சமூக வலைத்தள சேவையை Amazon முடக்கியது, காரணம் ரிபப்ளிகன் கட்சியினர் அதிகம் பயன்படுத்தும் வலைத்தளம், அதனால் வன்முறை தூண்டப்படும் என்று காரணம் சொன்னது. Amazonனுடன் சேர்ந்து Google மற்றும் Apple, தன் App Storeல் உள்ள Parler செயலியை நீக்கியது. இது எந்த விதத்தில் நியாயம்? இவ்வாறான குற்றச்சாட்டுகளுக்கு இதுவரை எந்தவித ஆதாரங்களும் காட்டப்படவில்லை – டெமாக்ரடிக் கட்சி முதல் தனியார் நிறுவனங்கள் வரை சொல்லும் காரணம் – Trump தேர்தல் முறைகேடுகள் பற்றி திரும்பத்-திரும்பப் பேசினார் என்பதனைத் தவிர வேறில்லை. (Trump தேவையில்லாமல் தேர்தல் தில்லுமுல்லு என்று அதிகமாகப் பேசி, அனைவரையுமே irritate செய்தார் என்பதில் மாற்றுக் கருத்தில்லை).
இந்தியாவில் வரும் 2024 பாராளுமன்றத் தேர்தலில் இது போன்ற பிரச்சனைகள் வராது என்பது என்ன நிச்சயம்?
அப்போதைய சூழலுக்கு ஏற்ப, பாஜகவிற்கோ, காங்கிரஸ் கட்சிக்கோ இந்நிறுவனங்கள் சாதகமாக நடந்தால் என்ன செய்வது? கடைசி நிமிடத்தில் Trump போல முழி பிதுங்கி நிற்பதை விட, இப்போதே அரசு தகுந்த முன்னேர்ப்பாடுகளை, சட்டங்களை கொண்டுவருவது நல்லது.
WhatsAppஐ எடுத்துக் கொண்டால், ஐரோப்பிய நாடுகளின் குடிமக்களுக்கு கொடுக்கும் தனியுரிமைகளை இந்தியர்களுக்குக் கொடுப்பதில்லை. (*4) இது பற்றி எந்த ஒரு இந்திய அரசியல்வாதியாவது ஒரு 5 நிமிடங்களுக்குப் பேசும் அளவிற்கு தகுதி உள்ளவரா என்பதை நீங்களே ஊகித்துக் கொள்ளவும்.
கருத்துரிமை பற்றி பேசும் இடதுசாரி லிபரல்கள் என்று சொல்லிக் கொள்பவர்கள் Trump முடக்கப்பட்டதை ஆதரிக்கிறார்கள். இதே, இங்கே ராகுல் காந்தி அவர்களின் சமூக வலைத்தள கணக்கு முடக்கப்பட்டால் ஆதரிப்பார்களா?
Parlor செயலியை நீக்கியது போல, 2024 தேர்தலுக்கு முன் MyGovIndia செயலியை, பாஜக பிரச்சாரதிற்குப் பயன்படுத்தும் வாய்ப்பு இருப்பதாக சொல்லி, Google தனது play storeல் இருந்து நீக்கினால் ஏற்றுக் கொள்வோமா?
அவ்வளவு ஏன், நம் ஒவ்வொருவரின் சமூக வலைத்தள கருத்துக்களை வைத்து, நாம் பயன்படுத்தும் Jio அல்லது Airtel கம்பனிகள், தனது கொள்கைக்கு ஒவ்வாத முறையில் எழுதுகிறவன் என்று சொல்லி தனது internet அல்லது mobile சேவைகளை நிறுத்தினால் எப்படி இருக்கும்?
“நீ வலது சாரிச் சிந்தனையுடன் எழுதுகிறாய்”, என்று VISA நிறுவனம், எனது debit card சேவையை நிறுத்தினால் எப்படி இருக்கும்? வங்கி என் கணக்கினை முடக்கினால் என்ன ஆகும்?
இதே காரணத்தைச் சொல்லி, எனது internet service provider, இனி உனக்கு 56 kbps தான், இந்தக் கருத்து கொண்டவர்களுக்கு இந்தெந்த வேகத்தில் internet சேவை கொடுக்கப்படும் என சொன்னால் என்ன ஆகும்?
உடனடியாக இந்தியா செய்ய வேண்டியது.
1. இந்தியாவில் விற்கப்படும் கைபேசிகள் அனைத்தும், அது Android, iOS, KaiOS என எந்த இயக்க முறைமை கொண்டதாக இருந்தாலும் சரி, Indian App Store அதில் இருக்க வேண்டும். அதனை அந்த மென்பொருள் நிறுவனம் எந்த சூழநிலையிலும் நீக்க முடியாத அளவிற்கு இருக்க வேண்டும், நீக்கிகனால் இயக்க முறைமை / கைபேசி செயல்படக் கூடாது. Indian App Storeல் தான் இந்திய அரசுசார் செயலிகள் இருக்கவேண்டும், தரவிறக்கம் செய்யப்பட வேண்டும்.
2. எந்த சமூக வலைத்தள நிறுவனமும், இந்திய நாட்டின் IP addressல் வரும் தரவுகளை இந்திய serverகளில் மட்டுமே சேமிக்க வேண்டும்.
3. உடனடியாக ஐரோப்பிய யூனியன் நாடுகள் போல, தனியுரிமைச் சட்டங்கள் கொண்டுவரப்பட வேண்டும்.
4. முடிந்தவரை open source மென்பொருட்களை இந்திய அரசு ஊக்குவிக்க வேண்டும். முடிந்தால், சில incentives கூடக் கொடுக்கலாம்.
5. சமூக வலைத்தளங்களில் anonymous ஆக இருக்க முடியலாம், ஆனால், identity இல்லாமல் இருக்கக் கூடாது. அதற்கேற்றவாறு இந்தியாவில் சமூக வலைத்தள நிறுவனங்கள் செயல்படுமாறு கொள்கைகளை வகுக்க வேண்டும்.
6. பேச்சுக்கு, எழுத்துக்குத் தடை விதிப்பதை இந்த மண்ணின் சட்டங்கள் தான் செய்ய வேண்டும், தனியார் நிறுவனங்கள் அல்ல. அப்படி செய்ய விழையும் தனியார் சமூக வலைத்தள நிறுவனங்கள், அதில் வரும் கருத்துக்களுக்கும் எழுதுபாவரோடு சேர்ந்து சம பொறுப்பினை ஏற்க வேண்டும்.
7. தனிநபர், தனியார் அல்லது அரசு கட்டுப்படில்லாத ஒரே ஒரு சமூக வலைத்தளமாவது இம்மண்ணில் செயல்பட வேண்டும். அதற்கான முன்னெடுப்புகளை அரசு செய்ய வேண்டும்.
Critical theories என்பது 1920களில் உருவானது. அதில் இருந்துதான் சில சமூக பிரச்சனைகள் தீர்க்கப்பட்டது, அதே சமயம் தீர்க்க முடியாத பிரச்சனைகளும் உருவானது. இதனைப் பற்றி பலர் படித்து இருப்போம் - ஈ.வெ.ரா கூட இதில் இருந்து தான் பல கருத்துக்களை எடுத்து, தனக்கு ஏற்றவாறு யோசித்து சொல்லி இருக்க வேண்டும். இதன் பரிணாம வளர்ச்சியாகத்தான் cynical theories வந்திருக்கும். இதன் பலனை இப்போது அமெரிக்கா அனுபவிக்கறது, இந்தியா சரியான நடவடிக்கைகளை எடுக்க சரியான நேரம் இதுவே, எடுக்காமல் போனால் கூடிய விரைவில் அதன் பலனை அனுபவிக்கும். (*5)
தனியுரிமை மற்றும் சமூக வலைத்தள செயல்பாடுகளை அரசுகள் சரியாகக் கையாளாமல் போனால், பின்னாளில் பெரும் பிரச்சனைகளை மனித சமுதாயம் சந்திக்க நேரிடும். (*6).
------------------------------------
References:-
(*1) Open Secrets: Who are the Biggest Organization Donors?
(*2) The New York Post: Uganda bans all social media ahead of election, sparking outrage
(*3) Inspiration Search: Verified in one tweet: Joe Biden launches new Twitter handle to build following before taking command of White House
(*4) Wion: WhatsApp pushes new rules on Indian users, but Europeans are exempt
(*5) Book: Cynical Theories, by Helen Pluckrose & James Lindsay
(*6) Book: Artificial Intelligence and the Future of Power, by Rajiv Malhotra
Courtesy: Karthik Srinivasan
Image may contain: 2 people, people standing, text that says 'மாரி எஸ் Written By Karthik Srinivasan'

வெள்ளி, 15 ஜனவரி, 2021

 இன்று எத்தனை எத்தனையோ 

அரிய வானியல் நிகழ்வுகளைக் கண்டு களிக்க நம்மால் 

முடிகிறது. அண்மையில்  டிசம்பர் 21,2020 அன்று  வியாழன் 

சனி ஆகிய இரண்டு கோள்களும்  ஒன்றுக்கொன்று மிக  

நெருக்கமாக வந்த ஒரு நிகழ்வு நடந்தேறியது.

(Great conjunction of Jupiter and Saturn) . இதை உலகெங்கும் 

தொலைநோக்கிகளின்  உதவியுடன் கண்டு 

களித்தனர். திருப்பாவையில் ஆண்டாள் 

"வெள்ளி எழுந்து வியாழம் உறங்கிற்று" என்கிறாள். 

இது ஓர் வானியல் நிகழ்வு.


 எதிர்காலத்தில் உதயநிதி தமிழக முதல்வர் ஆவார்!

அவருக்கு ஒளிமயமான எதிர்காலம் இருக்கிறது!

---------------------------------------------------------------------------

நியூட்டன் அறிவியல் மன்றம் 

------------------------------------------------------------------------

தமிழ்நாட்டின் முதல்வராக ஒருவர் வரவேண்டுமென்றால் 

அவர் இரண்டு நிபந்தனைகளைப் பூர்த்தி செய்ய வேண்டும்.


நிபந்தனை-1: அவர் தமிழராக இருக்கக் கூடாது.

மலையாளியாகவோ தெலுங்கராகவோ கன்னடராகவோ 

இருந்தால் மட்டுமே தமிழ்நாட்டில் முதல்வராக முடியும்.

  

நிபந்தனை-2: அவர் ஒரு கூத்தாடியாக இருக்க வேண்டும்.

இது கண்டிப்பான நிபந்தனையே. தமிழரல்லாத வந்தேறி 

ஒருவர் சினிமாக் கூத்தாடியாகவும் இருக்கும்போதுதான் 

அவரால்  முதல்வராக முடியும்.


ஆக, மேற்கூறிய இந்த இரண்டு நிபந்தனைகளையும்

அழகாக நிறைவேற்றுகிறார் கூத்தாடி உதயநிதி.

முதல் நிபந்தனைப்படி, அவர் தமிழராக இல்லாமல் 

தெலுங்கராக இருக்கிறார். 


இரண்டாம் நிபந்தனைப்படி, உதயநிதி ஒரு சினிமாக் 

கூத்தாடி ஆவார்.  ஆக இரண்டு நிபந்தனைகளையம் 

கூத்தாடி உதயநிதி வெற்றிகரமாக நிறைவேற்றி விடுகிறார்.

அவர் கொடுத்து வைத்தவர்.


அப்படியானால் மு க ஸ்டாலின் முதல்வராக ஆக முடியுமா?

ஒருபோதும் முடியாது. ஸ்டாலின் அவர்கள் இரண்டு 

நிபந்தனைகளில் ஒன்றை மட்டுமே நிறைவேற்றுகிறார்.

அவர் தமிழர் அல்லாதவர்; தெலுங்கர் என்பதால் 

அரைக்கிணறு தாண்டி விடுகிறார். அதாவது முதல் 

நிபந்தனையை எளிதாக நிறைவேற்றி விடுகிறார்.

ஆனால் அவர் சினிமாக் கூத்தாடி அல்ல. இதனால் 

அவரால் இரண்டாவது நிபந்தனையை நிறைவேற்ற 

முடியவில்லை. எனவே மீதிக் கிணற்றைத் தாண்ட 

முடியாமல் போய்விடுகிறது அவருக்கு. அவருக்கு நமது 

ஆழ்ந்த அனுதாபங்களைத் தெரிவிப்போம்.


சரி, அன்புமணி ராமதாசால் என்றாவது  முதல்வர் ஆக 

முடியுமா? ஒருபோதும் முடியாது. என்ன காரணம்?

அன்புமணி சினிமாக் கூத்தாடி அல்ல. இது அவருக்கு 

மிகப்பெரிய disadvantage. இரண்டாவது அவர் பச்சைத் 

தமிழராகவும்  இருக்கிறார். இந்த இரண்டு அம்சங்களும் 

அவருக்கு எதிராக இருக்கும். எனவே அன்புமணியாலும்  

முதல்வராக முடியாது.


அண்ணாத்துரை, கருணாநிதி, ராமச்சந்திர மேனன் 

ஆகிய மூவரும் முதல்வராக இருந்தனர் என்றால்,

அவர்களில் அண்ணாத்துரையும் கருணாநிதியும் 

தெலுங்கர்கள். மேனனோ மலையாளி. அடுத்து,

மூவரும் புழுத்த கூத்தாடிகள். கூத்தாடியாகவும் 

இருந்து கொண்டு, தெலுங்கன், மலையாளியாகவும் 

இம்மூவரும் இருந்தமையால் இவர்களால் முதல்வராக 

முடிந்தது.


அதே நேரத்தில் காமராசர் ஏன் உருப்படாமல் போனார்?

அவருக்கு ஏன் எதிர்காலம் இல்லாமல் போனது? காரணம் 

இதுதான்; அவர் பச்சைக் தமிழராக இருந்து தொலைத்தார். 

மேலும் அவர் கூத்தாடியும் அல்ல. பின் எப்படி தமிழ்நாட்டில் 

அவரைப்போன்றோர் முதல்வராக முடியும்?


சிவாஜி கணேசன் கூத்தாடிதான். அவரும் அரசியலில் 

ஈடுபடத்தான் செய்தார். ஆனால் முதல்வராக 

முடியவில்லை. ஏன்? அவர் கூத்தாடியாக இருந்தபோதும் 

பச்சைத் தமிழராக  இருந்து தொலைத்தார். ஒரு தமிழன் 

எப்படி தமிழ்நாட்டில் முதல்வராக முடியும்? சிவாஜி 

கணேசன் மட்டும் ஒரு தெலுங்கராக இருந்து இருந்தால்

தமிழக முதல்வராக அவர்தான் இருந்திருப்பார். 

******************************************************

இப்போது இளமையாக 

இருக்கும் உதயநிதிக்கு தாத்தாவைப் போல  தலை 

வழுக்கையாகும் சமயத்தில் முதல்வர் பதவி தேடிவரும்.


நிரந்தரக் கூத்தாடியாக இருக்க வேண்டும்.

நா பார்த்தசாரதியின் குறிஞ்சி மலர் தொலைக்காட்சி

நாடகத்தில் ஸ்டாலின் கதாநாயகனாக அரவிந்தனாக 

நடித்ததை நான் அறிவேன். மு க முத்து ஒரு நிரந்தரக் 

கூத்தாடியாக இருந்தார். ஸ்டாலின் அப்படி இல்லை.

  




அறிவியல் ஒளி சந்தா!

சந்தா செலுத்துவது எப்படி?

----------------------------------

நியூட்டன் அறிவியல் மன்றம் 

------------------------------------------

அறிவியல் ஒளி 

தமிழ் மாத இதழ், 44 பக்கம்.

தனி இதழ் விலை = ரூ 20

ஆண்டுச் சந்தா = ரூ 240

ஆயுள் சந்தா = ரூ 3000


DD மூலம் அல்லது ACCOUNT TRANSFER மூலம் 

சந்தா செலுத்தலாம்.  


ஆசிரியர் நா சு சிதம்பரம்.

தொடர்பு கொள்ள 

மொபைல் 94440 63497

மின்னஞ்சல் ariviyaloli@yahoo.co.in 

-----------------------------------

சந்தா செலுத்துவது பற்றி

ஆசிரியர் நா சு சிதம்பரம் அவர்களைத் 

தொடர்பு கொள்ளவும்.

======================================= 



தைப்பொங்கலும் தமிழ்ப் புத்தாண்டும்

வெள்ளாட்டு நகர்வும்!

-------------------------------------------------------------  

பி இளங்கோ சுப்பிரமணியன் 

நியூட்டன் அறிவியல் மன்றம் 

-------------------------------------------------------------  

உலகெங்கும் கொண்டாடப் படுகின்ற பண்டிகைகள் 

எல்லாவற்றிலும் தொன்மையானது பொங்கல். இரண்டாயிரம் 

ஆண்டுகளுக்கு முன்பு, தமிழ்நாட்டில் நிலவிய கால்நடை 

வளர்ப்புச் சமூக அமைப்பானது  (pastoral society) மெல்ல மெல்ல 

வேளாண் சமூகமாக பரிணாமம் அடையத் தொடங்கியிருந்த   

ஒரு காலக்கட்டத்தில் பொங்கல் பண்டிகை தோன்றியது. 

தமிழ்ச் சமூகம் இனக்குழுச் சமூகமாக இருந்த 

காலம்தொட்டே பொங்கல் கொண்டாடப் பட்டு வருகிறது. 

சங்க காலச் சமூகம் இனக்குழுச் சமூகமே ஆகும்.


தமிழ்ச் சமூகத்தின் வானியல் அறிவுக்குச் சாட்சியமாக

பொங்கல் திகழ்கிறது. பொங்கல் பண்டிகையின் 

உருவாக்கத்தில், அதுநாள் வரையிலும் தமிழ் இனம் சேகரித்து  

வைத்திருந்த வானியல் அறிவு பயன்பட்டது. விதைப்பதையும்  

அறுப்பதையும் மற்றும் பிற வேளாண் செயற்பாடுகளையும் 

எந்தெந்தக் காலத்தில் மேற்கொள்ளுவது என்பதைச் சரியாகத் 

தீர்மானிப்பதே அன்றைய வேளாண் சமூகங்களின் 

முன்னிருந்த சவால்.


வேளாண் செயல்களைச் சரிவரச் செய்து முடிக்க, ஓர் கால 

நிர்ணயக்  கணிதம் (calendar) வேண்டும். நூறு விழுக்காடு 

துல்லியமாக இல்லாவிடினும் தோராயமாகவேனும் அது இருக்க 

வேண்டும். இதற்கு சூரியனின் இயக்கம் குறித்த அறிவை  

ஒரு சமூகம் பெற்றிருக்க வேண்டும். 

  

எந்தவொரு வானியல் நிகழ்வையும் பல்வேறு கருவிகளின்  

துணையுடன் முன்கூட்டியே கணிக்கவும் நன்றாக அறிந்து  

கொள்ளவும் மனிதனால் இன்று இயலும். ஆனால் இரண்டாயிரம் 

ஆண்டுகளுக்கு முன்பு, தொலைநோக்கி கூட கண்டுபிடிக்கப் 

பட்டிராத அக்காலத்தில், வானியல் நிகழ்வுகளை அறிந்து 

கொள்வதும் அவை எந்தெந்த நாட்களில் ஏற்படும் என்று 

முன்கணிப்பதும் எளிதல்ல. 


சனிக்கோளுக்கு அப்பாலுள்ள யுரேனஸ், நெப்டியூன் போன்ற 

கோள்களை இரண்டாயிரம் ஆண்டுகளுக்கு முன்பு வாழ்ந்த 

நமது முன்னோரால் கண்டறிய முடிந்ததா? 1781 மார்ச்சில்தான் 

யுரேனஸ் கண்டுபிடிக்கப் பட்டது. 1846 செப்டம்பரில்தான் 

நெப்டியூன் கண்டுபிடிக்கப் பட்டது, அதுவும்  ஏகப்பட்ட 

கருவிகளின் உதவியுடன். 


எந்தக் கருவியும் இல்லாத முற்காலத்தில் மனித இனத்தின் 

வானியல் அறிவில் போதாமை இருந்தது. ஆயினும் 

அக்காலத்திலும் இந்தியர்களின் வானியல் அறிவு, ஐரோப்பியரோடு  

ஒப்பிடுகையில் வளர்ச்சி கண்டிருந்தது என்பதற்கு ஆரிய பட்டர்   

சாட்சியமாக நிற்கிறார். ஆரிய பட்டர் (Arya Bhatta CE 476-550) 

பொ ச ஐந்தாம் நூற்றாண்டைச் சேர்ந்தவர். 


பொங்கல் பண்டிகையின் காலமோ ஆரியபட்டருக்கு 

ஐந்நூறு ஆண்டுகள் முந்தியது. எனினும் அக்காலத்திலும் 

நமது வானியல் அறிவு சிறப்பாகவே இருந்தது என்பதற்கு 

பொங்கல் பண்டிகையின் பிறப்பே சாட்சி. வானியல் அறிவு 

குன்றிய ஒரு சமூகத்தால் பொங்கல் போன்ற சூரியனின் 

இயக்கத்தோடு தொடர்புடைய ஓர் அறிவியல் 

பண்டிகையை உருவாக்க இயலாது.  


ஆண்டுதோறும் தொடர்ந்து ஏற்படும் வானியல் நிகழ்வுகள்  

(recurring events) மானுட வாழ்க்கையில் தாக்கத்தை ஏற்படுத்தக் 

கூடியவை. அவை எப்போதெல்லாம் நிகழும் என்பது பற்றிய 

அறிவு ஒரு சமூகத்துக்குத் தேவை. சூரியனின் இயக்கத்தைப் பொறுத்து ஓராண்டில் நான்கு நாட்கள் முக்கியமானவை.

1) சம இரவு நாட்கள் இரண்டு (equinoxes  2)

2) கதிர்த் திருப்ப நாட்கள் இரண்டு (solstices 2).


இந்த நான்கு நிகழ்வுகளும் எந்தெந்த நாட்களில் வரும் என்று 

முன்கூட்டியே அறிந்திட இன்றுள்ள பஞ்சாங்கம் போல ஒரு 

தயார்நிலை அட்டவணை (Ready reckoner) அன்று உருவாக்கப் 

பட்டிருக்கவில்லை. பஞ்சாங்கம் என்பது முன்கணிக்கப்பட்ட 

வானியல் தரவுகளின் ஒரு தொகுப்பு. வாரம், திதி, கரணம்,

நட்சத்திரம், யோகம் ஆகிய ஐந்தும் பஞ்சாங்கத்தில் உள்ளன. 

அதில் சோதிடர்கள் பல்லி விழும் பலனைச் சேர்த்து விட்டதால் 

காலப்போக்கில் அதற்கு ஒரு எதிர்மறைக் குறியீடு 

(negative connotation) ஏற்பட்டு விட்டது.      


வானியல் அட்டவணை (almanac) இல்லாவிடினும் 

சூரியனின் இயக்கத்தைத் தொடர்ந்து கூர்நோக்கி 

ஆராய்ந்ததன் விளைவாக, வானியல் நிகழ்வுகள் 

குறித்து தேவையான அனைத்தையும் தமிழ்ச் சமூகம் 

படிப்படியாக அறிந்து கொண்டது. ஓராண்டின் 

கதிர்த்திருப்பங்கள் நிகழும் நாட்கள் கண்டறியப் 

பட்டன.சமஇரவு நாட்களும் கண்டறியப்பட்டன. 

புத்தாண்டு நிர்ணயம் செய்யப் பட்டது. முன்பிருந்த 

முழுமையற்ற காலக்கணிதம் (imperfect calendar) மிகுந்த  

துல்லியத்துடன் பெரிதும் மேம்படுத்தப் பட்டு விட்டது.


டிசம்பர் மாதத்தில் ஏற்படும் குளிர்காலக் கதிர்த்திருப்பம் 

(winter solstice) அன்றைய வேளாண் உற்பத்தியில் 

குறிப்பிடத்தக்க ஒரு நிகழ்வாக இருந்தது. ஐரோப்பாவில் 

குளிர்காலத்தின் தொடக்கத்தைக் குறிக்கும் 

இந்நிகழ்வு, தமிழ்நாட்டில் மழைக்காலத்தின் முடிவை

அறிவிக்கிறது. எனவே  தமிழ்ச் சமூகத்தின் வேளாண் 

உற்பத்தியில் இந்நாள் தனி அந்தஸ்தைப் பெற்றது. .  .  


இதனால் ஒவ்வோராண்டும் தவறாமல் கதிர்த்திருப்ப 

நாளைக் கடைப்பிடிப்பது தமிழ்ச் சமூகத்தின் கடமை 

ஆயிற்று. தொடர்ந்து செய்ய வேண்டிய இக்கடமையை  

இயந்திரம் போல் செய்யாமல் உற்சாகத்துடன் செய்ய 

ஏதுவாக, இந்நாள் ஒரு பண்டிகையாக ஆக்கப்பட்டது. 

அதாவது டிசம்பரில் வரும் குளிர்காலக் கதிர்த்திருப்ப

நாளை (winter solstice)  பொங்கல் திருநாள் என்று தமிழ்ச் 

சமூகம் அறிவித்தது. இப்படித்தான் பொங்கல் பண்டிகை 

தோன்றியது. 


பண்டிகைகளின் தோற்றுவாய் எது?  சமூகத்தின் பொருள் 

உற்பத்தியே பண்டிகைகளின் தோற்றுவாய். இரண்டாயிரம் 

ஆண்டுகளுக்கு முன்பு, தமிழ்ச் சமூகத்தின் வேளாண் உற்பத்தி 

குழந்தைப் பருவத்தில்  இருந்தபோது, பொங்கல் பண்டிகை 

பிறந்தது. இது உற்பத்தி சார்ந்த நிகழ்வாகும். 


பொங்கலின் பிறப்பைப் புரிந்து கொள்ள வேண்டுமெனில், 

கதிர்த்திருப்பம் என்றால் என்ன என்று தெரிந்திருக்க 

வேண்டும். குறிப்பிட்ட கால இடைவெளியில், அதாவது 

ஆண்டுக்கு இருமுறை ஏற்படும் (periodic celestial event) 

தொடர்ச்சியான   வானியல் நிகழ்வு இது.


பூமி சூரியனில் இருந்து 15 கோடி கிமீ தொலைவில் உள்ளது.

மையப்பிறழ்வு (eccentricity) 0.0167 கொண்ட ஒரு நீள்வட்டப் 

பாதையில் பூமி சூரியனைச் சுற்றி வருகிறது. இவ்வாறு சுற்றி 

வருகையில், பூமியானது 94 கோடி கிமீ தூரத்தைக் கடக்கிறது. 

ஒரு நொடிக்கு 30 கிமீ வேகத்தில், அதாவது மணிக்கு ஒரு லட்சம் கிமீ 

வேகத்தில் பூமியானது சூரியனைச் சுற்றி வருகிறது.

(Orbital velocity = 29.78 km/second = 107,208 km/hour).


பூமிதான் சூரியனைச் சுற்றி வருகிறது. என்றாலும் சூரியன் 

பூமியைச் சுற்றி வருவது போல ஒரு தோற்றம் நமது 

கண்களுக்குத் தெரிகிறது. இவ்வாறு தோற்றமளிக்கிற 

சூரியனின் பாதையில் (apparent path),வடக்கே அல்லது 

தெற்கே ஓர் எல்லை வரை சென்றுவிட்ட சூரியன், 

அதற்கு மேல் செல்ல இயலாத நிலையில், திரும்பி 

எதிர்த்திசை நோக்கி வருவதையே, (அதாவது வருவதாக நாம் 

கருதுவதையே) கதிர்த்திருப்பம் (solstice) என்கிறோம்.


சூரியனின் பாதை என்று தோற்றமளிக்கும் (apparent path) 

பாதையில், பூமியைச் சுற்றியுள்ள அண்டவெளியே (space)  

ராசி மண்டலம் (Zodiac region) ஆகும். இது ஒவ்வொன்றும் 

30 டிகிரி உள்ள 12 ராசிகளாகப் பிரிக்கப் பட்டுள்ளது.

தமிழ் மரபுப்படி மேஷம், ரிஷபம், மிதுனம், கடகம்,

சிம்மம், கன்னி, துலாம், விருச்சிகம், தனுஷ், மகரம்,

கும்பம், மீனம் ஆகியவை பன்னிரு ராசிகள்.  


இந்த ராசி மண்டலத்தில், தனுஷ் ராசியைக் கடந்த பிறகு 

மகர ராசிக்குள் (from Sagittarius to Capricorn) சூரியன் நுழையும் 

முதல்நாளே தை மாதத்தின் முதல்நாளாகும். இந்நாளில்தான்  

பொங்கல் பண்டிகை கொண்டாடப் படுகிறது. சமஸ்கிருதத்தில் 

இந்நாள் மகர சங்கராந்தி என்று அழைக்கப் படுகிறது. 


சூரியன் மகர ராசிக்குள் நுழைந்து மேற்கொண்டு பயணம் 

செய்வது உத்தராயணம் எனப்படுகிறது. உத்தராயணம் என்பது 

சூரியன் மேல்நோக்கிச் செல்வதை அதாவது வடக்கு நோக்கிச் 

செல்வதைக் குறிக்கும்.


இந்த உத்தராயண காலம் ஆறு மாதங்கள் ஆகும். தை, மாசி,

பங்குனி, சித்திரை, வைகாசி,ஆனி ஆகிய ஆறு மாதங்களும் 

உத்தராயண காலத்தில் வரும்  உத்தராயணம் முடிந்த பிறகு, 

சூரியன் தெற்கு நோக்கிச் செல்லும். இது தட்க்ஷிணாயணம் 

எனப்படும். தட்க்ஷிணாயண காலமும் ஆறு மாதங்களே.

ஆடி, ஆவணி, புரட்டாசி, ஐப்பசி, கார்த்திகை, மார்கழி 

ஆகிய ஆறு மாதங்கள் தட்க்ஷிணாயண காலத்தைச் சேர்ந்தவை.      


தை மாதத்தின் முதல்நாளை மகர சங்கராந்தி என்றுஏன் 

அழைக்கிறோம்? அதாவது சூரியன் எந்த நாளில் மகர ராசியில் 

நுழைகிறதோ அந்த நாளே மகர சங்கராந்தி ஆகும். அந்த நாளே 

தை மாதத்தின் முதல்நாளும் ஆகும். சங்கராந்தி என்ற 

சமஸ்கிருதச் சொல் "நகர்ந்து செல்" என்று பொருள்படும்.

மகர சங்கராந்தி என்றால் "மகர ராசியில் நகர்ந்து செல்" என்று 

பொருள். ஆக, மகர சங்கராந்தி என்ற வானியல் பதம் 

தை மாதத்தின் முதல் நாளைக் குறிக்கும். தை முதல் நாளன்று  

வருவதே பொங்கல் பண்டிகையாகும்.


மகர ராசி என்பது ஆங்கிலத்தில் Capricorn எனப்படுகிறது.

மகரம் என்பது  வெள்ளாட்டைக் குறிக்கிறது. வெள்ளாடு 

போல் உருவம் உடைய நட்சத்திரக் கூட்டமே மகர ராசி ஆகும். 

பாபிலோனிய கிரேக்க புராணங்களில் இது கடல்வாழ் 

வெள்ளாடு என்று சிறப்பிக்கப் பட்டது. மகர சங்கராந்தி 

என்ற சமஸ்கிருதச்  சொல் "வெள்ளாட்டு நகர்வு" என்று 

தமிழில் பொருள்படும்.


இந்த இடத்தில் மேஷ ராசியின் ஆட்டுடன் மகர ராசியின் 

ஆட்டை இணைத்துக் குழப்பிக்கொள்ளக் கூடாது.

ராசி மண்டலத்தில், மேஷ ராசிக்கும் (Aries) மகர ராசிக்கும் 

(Capricorn) ஆடுதான் சின்னம். இரண்டுமே ஆடுகள்தான். 

என்றாலும், மேஷ ராசியின் ஆடு செம்மறி ஆடு 

(a ram or an adult male sheep). மகர ராசியின் ஆடு வெள்ளாடு 

(a goat or a sea goat with a fish at its tail). இந்த நுண்ணிய 

வேறுபாட்டைக் கருத்தில் கொள்ள வேண்டும்.     


ஆக பொங்கல் பண்டிகையானது மகர சங்கராந்தி நாளன்று  

(அதாவது வெள்ளாட்டு நகர்வு நாளன்று) வருகிறது.

இதுவரை ஜனவரி மாதம் 14ஆம் நாளன்றும் அபூர்வமாக 

சிலபொழுது ஜனவரி 15ஆம் நாளன்றும் பொங்கல் வந்துள்ளது.

பொங்கல் என்றும் மகர சங்கராந்தி என்றும் இன்னும் பல்வேறு 

பெயர்களிலும் வழங்கப் பட்டாலும், சூரியன் மகர ராசிக்குள் 

நுழையும் முதல்நாளில்தான் இப்பண்டிகை கொண்டாடப் 

படுகிறது. எனவே இப்பண்டிகை தமிழ்நாட்டுக்கு மட்டும் 

உரியதல்ல; இந்தியா முழுமைக்குமானது (Pan Indian festival).  


குளிர்காலக் கதிர்த்திருப்பமானது (winter solstice) அண்மை 

நூற்றாண்டுகளில் டிசம்பர் 20,21,22,23 ஆகிய தேதிகளில் ஒன்றில் 

நிகழ்ந்துள்ளது என்பது வரலாறு. ஆனால் மகர சங்கராந்தி

ஜனவரி 14ல் நிகழ்ந்துள்ளது. டிசம்பர் 22க்கும் ஜனவரி 14க்கும்

இடையில் 22 நாட்கள் இடைவெளி உள்ளது. இரண்டாயிரம் 

ஆண்டுகளுக்கு முன்பு, டிசம்பர் மாத கதிர்த்திருப்ப நாளன்று 

வந்த பொங்கல் காலப்போக்கில் ஜனவரி மாதத்துக்கு நகர்ந்துள்ளது. 


தமிழ்ச் சமூகம் பொங்கலுடன் நின்று விடவில்லை.

வேளாண்மைக்கு உறுதுணையாக இருக்கும் மாடுகளைச் 

சிறப்பிக்க, பொங்கலுக்கு அடுத்த நாளை மாட்டுப் பொங்கலாக தமிழர்கள் கொண்டாடி வருகின்றனர். இதன் உச்சமாக மதுரை அலங்காநல்லூர், பாலமேடு உள்ளிட்ட பல்வேறு இடங்களில் 

ஜல்லிக்கட்டு என்னும் வீர விளையாட்டு நடைபெற்று வருகிறது. 

மாட்டுப் பொங்கலும் ஜல்லிக்கட்டும் தமிழருக்கே உரித்தானவை.

இவை தமிழ்ப் பண்பாட்டின் தனித்துவத்தையும் மேன்மையையும் உணர்த்துகின்றன.     


பொங்கல் என்பது ஒரு வானியல் நிகழ்வின் பண்பாட்டுப்

பெயர்.மகர சங்கராந்தி என்பது அதே வானியல் நிகழ்வின் 

அறிவியல் பெயர். மகர சங்கராந்தி என்பது தமிழில் 

வெள்ளாட்டு நகர்வு என்று பொருள்படும். ஆக பொங்கல்,

மகர சங்கராந்தி, வெள்ளாட்டு நகர்வு ஆகிய மூன்றும் 

ஒரே வானியல் நிகழ்வின் வெவ்வேறு பெயர்கள். அவ்வளவே.


பொங்கலானது சூரியனின் கதிர்த்திருப்ப நாளை (solstice) 

அறிவிக்கும் பண்டிகையாகத்தான் பிறப்பெடுத்தது. இது பொங்கலின் அறிவியல் அம்சம். தொல்தமிழ்ச் சமூகம் 

இயற்கையை வணங்கிய சமூகமாதலின் சூரிய வழிபாடு 

பொங்கலில் இடம் பெறுகிறது.  இது பொங்கலின் பண்பாட்டு 

அம்சம். இவ்வாறு பொங்கல் பண்டிகையும் சூரியனும் பிரிக்க 

இயலாதபடி பின்னிப் பிணைந்துள்ளன. இது பொங்கலானது  

இயற்கையோடு இயைந்த பண்டிகை என்பதை உணர்த்தும்.

ஆக தொன்மைச் சிறப்புடன் கூடிய பொங்கலே அறிவியல் 

அடிப்படையிலும் பண்பாட்டு அடிப்படையிலும் தமிழர்களின் 

ஆகச்சிறந்த பண்டிகையாக காலத்தை வென்று நிற்கிறது.    

*********************************************************

செங்கதிர்த் தேவன் சிறந்த ஒளியினைத் தெற்கிறோம் பாரதியார் 

vedic text ரிக் வேதா 

ஏற்ற காலங்கள் எதிர்பொங்கி மீதளிக்க 

வெங்கட் குடம் நிறைக்கும் 

ஓங்கு பெருஙசெந்நெல் ஊடு கயல் உகள ஆண்டாள் 

==============================================

almanac negative connotation collection of astronomical data 


வி தேரே ஐஸ் நோ மகர சங்கராந்தி இந்த ஐரோப்பியன் கோன்ரிஸ் ====


புதன், 13 ஜனவரி, 2021

இன்றோடு முடிகிறது இந்தியாவின் ஹைக் மெசஞ்சர்!

வாட்சப்பின் ஏகபோகத்தால் பலியான இந்திய ஹைக்!  

வாட்சப்பை ஒழிக்காமல் வாழ்வு இல்லை! 

----------------------------------------------------------------------

நியூட்டன் அறிவியல் மன்றம் 

-------------------------------------------------------------------  

ஏர்டெல்லின் அதிபர் சுனில் மிட்டல். இவரை அநேகமாக 

எல்லோருக்கும் தெரியும். யாருக்குத் தெரியாவிட்டாலும்

1) போலி இடதுசாரிகள் 

2) போலி மார்க்சிஸ்டு லெனினிஸ்டுகள் 

3) போலி நக்சல்பாரிகள் 

ஆகிய மேற்கூறிய கயவர் கூட்டத்துக்குத் தெரியும்.  

இவர்கள் எல்லாருக்கும் படியளக்கும் முதலாளி 

சுனில் மிட்டல்தானே! 


BSNLக்கு எதிராக நாளொரு பொய்யும் பொழுதொரு 

அவதூறுமாக அவிழ்த்து விட்டு, சுனில் மிட்டலின் 

ஏஜெண்டுகளிடம் எச்சில் காசு வாங்கிச் சாப்பிடும் 

இந்த ஈனப் பயல்களுக்கு சுனில் மிட்டல்தான் கடவுள்.


இந்த இடத்தில் லட்சுமி மிட்டல் பற்றியும் குறிப்பிட 

வேண்டும். சுனில் மிட்டல் வேறு; லட்சுமி மிட்டல் வேறு.

லட்சுமி மிட்டல் இரும்பு எஃகு துறையின் கடவுளாக  

இருப்பவர். இவர் லண்டனில் வசித்து வருகிறார். இவர் 

பத்ம விபூஷண் விருது பெற்றவர். சுனில் மிட்டலுடன் 

லட்சுமி மிட்டலை யாரும் குழப்பிக் கொள்ளக் கூடாது.   

சுனில் மிட்டல் பத்ம பூஷண் விருது பெற்றவர்.


இந்தக் கட்டுரை கவின் மிட்டல் பற்றியது. 

யார் இந்த கவின் மிட்டல்? இவர் சுனில் மிட்டலின் மகன். 

ஹைக் (HIKE) எனப்படும் messenger appஐ இவர் நடத்தி 

வந்தார். (கவனிக்கவும்: வந்தார் என்பது past tense). 

வாட்சப், டெலிகிராம், சிக்னல் போன்று ஹைக்கும் 

ஒரு மெசஞ்சர் சேவையே.  


லண்டன் இம்பீரியல் கல்லூரியில் Electrical and Electronics 

engineering பிரிவில் M Tech படித்தவர் கவின் மிட்டல். மேலும் 

நிர்வாகமேலாண்மையும் படித்துள்ளார். புழுவினும் 

இழிந்த நம்மூர் எட்டாங்கிளாஸ் பெயிலாகிப்போன 

போலி நக்சல்பாரிப்பயல் துலுக்காணத் தற்குறி இவரைத் 

தரகு முதலாளி என்பான். என்னிடம் சொன்னால் புழுத்த  

தற்குறி துலுக்காணத்தின் முதுகுத் தொலியை உரிப்பேன்.


இதற்கு முந்திய கட்டுரையில் Paytm நிறுவனர் மற்றும் CEO

விஜய் சேகர் சர்மா பற்றி எழுதி இருந்தேன். இவர்கள் 

யாரும் தரகு முதலாளிகள் அல்லர். நிற்க.


அங்கீகரிக்கப்பட்ட புள்ளி விவரங்களின்படி, ஹைக் மெசஞ்சர் 

மே 2019ல் 16 கோடி பயனர்களைக் கொண்டிருந்தது. எனினும் 

இன்றுடன் இந்த சேவையை முடித்துக் கொள்வதாக இதன் 

அதிபர் கவின் மிட்டல் அறிவித்துள்ளார். ஹைக் மெசஞ்சரை 

இழுத்து மூடுகிறார்.



வாட்சப்பின் ஏகபோகத்துக்குப் பலியானது கவின் மிட்டலின் 

ஹைக் மெசஞ்சர். இந்தியாவின் சுதேசி நிறுவனங்களுக்கு 

வாட்சப் இருக்கும் வரை வாழ்வு இல்லை. எனவே வாட்சப்பின்   

ஏகபோகம் தகர்க்கப்பட்ட வேண்டும். அதிலும் குறிப்பாக 

இந்தியாவில் வாட்சப்பின் பயனர்கள் 34 கோடி என்பதை ஏற்க 

இயலாது. இது உடைந்து துண்டு துண்டாகச் சிதற வேண்டும்.


உலக அளவில் வாட்சப்புக்குப் போட்டியாக  சிக்னல் 

வளர்வதற்கு  வாய்ப்பு உள்ளது. 200 கோடி பயனர்களைக்  

கொண்ட வாட்சப்பை  1 கோடி பயனர்களை மட்டுமே 

கொண்ட சிக்னல்  எதிர்த்து நிற்பது என்பது டேவிட் 

கோலியாத் (David and Goliath)  கதையை நினைவூட்டுகிறது. 

என்றாலும் இந்தச் சண்டையில் கோலியாத்தை (வாட்சப்பை)  

டேவிட் வீழ்த்தி விடுவான் என்றே தோன்றுகிறது.


வாட்சப்பில் ஏகபோகத்தைத் தகர்ப்பது உலகளாவிய 

ஒரு நிகழ்வு. இதில் வாட்சப்பை போல, அவர்கள் 

நாட்டிலேயே உருவான சிக்னலுக்கு  எலான் மஸ்க் 

போன்றோரின் ஆதரவு உள்ளது. எனவே போட்டியாளர்களில் 

சிக்னலுக்கு மற்றவர்களை விட edge உள்ளது. எனவேதான் 

வாட்சப்பை எதிர்த்த போரில் உலகளாவிய நிகழ்வு என்ற 

அடிப்படையில் சிக்னலை ஆதரிக்கிறோம்.


கவின் மிட்டல் தமது ஹைக் மெசஞ்சரை இழுத்து மூடிவிட்டார் 

என்பது வருத்தம் தருகிறது. வாட்சப்பின் ஏகபோகம் அவரைப் 

பலி வாங்கி விட்டது. அதற்குப் பதிலாக வேறு ஒரு  appஐ 

உருவாக்கி வெளியிடப் போவதாக அறிவித்துள்ளார்.

அது நடக்கட்டும். 


வாட்சப்பில் இருந்து வெளியேறாமல் நமக்கு விடிவு இல்லை. 

வாட்சப் தனது வாட்டர்லூவைச் சந்திக்கட்டும்!

----------------------------------------------------------------------------------

பின்குறிப்பு:

போலி இடதுசாரித் தற்குறிகளும் போலி மார்க்சிஸ்டு 

லெனினிஸ்டு தற்குறிகளும் வாட்சப்பை வரிந்து கட்டிக் 

கொண்டு ஆதரிக்கிறார்கள். அமெரிக்க ஏகாதிபத்தியத்தின் 

கைக்கூலிகளான அவர்களின் முதுகுத் தொலியை  

உரிக்காமல் அவர்கள் திருந்த மாட்டார்கள்.

****************************************************