சனி, 17 ஜூன், 2023

 Biological life
--------------
உயிர் என்றால் என்ன?
உயிர் என்பது பொருளா அல்லது கருத்தா?
------------------------------------------------------
நியூட்டன் அறிவியல் மன்றம்
-----------------------------------------------------
பொருள் குறித்த மார்க்சிய வரையறை என்பது
லெனின் கூறியதே. பொருள் என்பது புறநிலை
யதார்த்தம் (objective reality) என்கிறார் லெனின்.
இது பொருளைப் பற்றிய தத்துவார்த்த வரையறை
ஆகும். பொருள் குறித்த நவீன அறிவியலின்
வரையறை இன்று மிகவும் கறாராக உள்ளது. நிற்க.
பொருளுக்கு பௌதிக இருப்பு உண்டு. ஆனால்
கருத்துக்கு பௌதிக இருப்பு எதுவும் கிடையாது.
உயிர் என்பது என்ன? எலக்ட்ரான் போன்றோ
நியூட்ரான் போன்றோ புள்ளியியல் விதிகளுக்குக்
கட்டுப்படுகிற துகள் போன்றதல்ல உயிர்.
எனினும் உயிர் என்பது ஒரு பொருளே (matter).
மின்புலம், காந்தப் புலம் பற்றி அறிவோம்.
ஒரு எலக்ட்ரிக் சார்ஜை ஒரு இடத்தில் வைத்தால்
அந்த சார்ஜைச் சுற்றி ஒரு புலம் உண்டாகி விடும்.
அது மின்புலம் ஆகும். அறிவியலின் வரையறைப்படி
மின்புலம் (electric field) ஒரு பொருள் ஆகும்.
எப்படியெனில் மின்புலத்திற்கு ஒரு physical existence உண்டு. இந்த வெளியில் (space) ஒரு இடத்தில் மின்புலம் உணரப் படுகிறது.
எலக்ட்ரிக் சார்ஜைச் சுற்றி மின்புலம் உணரப் படுவதைப் போல, உயிரைச் சுற்றி உயிரின் இயக்கம் உணரப் படுகிறது. எனவே உயிர் ஒரு பொருளே.
ஒரு விஷயம் பொருளா அல்லது கருத்தா என்பதை
எது தீர்மானிக்கிறது? அதற்கு physical existence
இருக்கிறதா இல்லையா என்ற அம்சம்
தீர்மானிக்கிறது. உயிருக்கு பௌதிக இருப்பு
(physical existence) இருக்கிறது என்பது பிரத்தியட்சமாக
எவரும் உணரக் கூடியது.
உடலுக்கு மட்டும்தான் பௌதிக இருப்பு உண்டு என்றும்
உயிருக்கு இல்லை என்றும் கருதுவது சரியல்ல.
உடலின் பல்வேறு இயக்கங்களின் ஒருங்கிணைந்த
மொத்தமே (integrated whole) உயிர் ஆகும். எனவே உயிர்
என்பது அறிவியலின் வரையறைப்படி பொருளே ஆகும்.
அது ஒருபோதும் கருத்து ஆகாது. ஏனெனில் உயிருக்கு
பௌதிக இருப்பு உண்டு.
உயிர் என்பது கருத்து என்றால், அது கருத்தின்
விதிகளுக்குக் கட்டுப்பட வேண்டும். அப்படி இல்லை
என்று எவரும் உணரலாம். உங்கள் தோட்டத்தில்
ஒரு தென்னை மரம் இருக்கிறது என்று வைத்துக்
கொள்ளுங்கள். அந்தத் தென்னை மரம் முறிந்து
விட வேண்டும் என்று நீங்கள் நினைத்தால் அது
முறிந்து விட வேண்டும் அல்லவா? ஆனால் அப்படி
நடக்கிறதா? இல்லை. உங்களின் விருப்பத்துக்கு
அப்பாற்பட்டு அந்த மரம் இருக்கிறது.
அது போல, ஒரு உயிர் என்பது நமது விருப்பத்துக்கு
அப்பாற்பட்டு இயங்குவது. அது கருத்தின் விதிகளால்
இயங்குவதில்லை. அது பொருளின் விதிகளால்
இயங்குகிறது. எனவே உயிர் என்பது பொருளே.
************************************************
உயிர் என்பது பொருளே என்பதற்கான நிரூபணம்!
உயிர் என்பது பொருளா? கருத்தா?
பொருள்முதல்வாதமும் கருத்துமுதல்வாதமும்!
--------------------------------------------------------------
நியூட்டன் அறிவியல் மன்றம்
-------------------------------------------------------------
ஒளியும் இருளும் இருமைகள் (binaries). அதாவது
வெளிச்சமும் இருட்டும் இருமைகள் என்று புரிந்து
கொள்க. இது போன்றதே உயிரும் உயிரின்மையும்.
இப்பிரபஞ்சத்தில் பல அடிப்படையான விஷயங்கள்
(அனைத்தும் அல்ல) பைனரியாக இருக்கின்றன.
இன்னுமொரு உதாரணம்: காந்தத்தின் கவர்தல்
மற்றும் விலக்கல் (attraction and repulsion) விசைகள்.
காந்தத்தின் கவர்ச்சி விசையும் விலக்கல் விசையும்
mutually exclusiveஆக இருக்கின்றன. அதாவது அவை
இரண்டும் ஒன்றையொன்று விலக்கும் தன்மை
உடையவை. ஒன்று நிகழும்போது
மற்றொன்று நிகழாது; நிகழ இயலாது. ஒன்றின்மீது
ஒரு காந்தத்தின் கவர்ச்சி விசை செயல்படும்
அதே நேரத்தில் அதன் மீது அதே காந்தத்தின் விலக்கல்
விசை செயல்படாது. இவ்விரு விசைகளும்
mutually exclusiveஆக இருக்கின்றன. இதைப்போலவே
உயிரும் உயிரின்மையும் ஒன்றையொன்று
விலக்குபவை (mutually exclusive). நிற்க.
பொருட்கள் அணுக்களால் ஆனவை; அணுக்கள்
துகள்களைக் கொண்டிருப்பவை என்று நாம்
அறிந்திருக்கிறோம். இது அணுக்கரு இயற்பியல்
கற்பித்த, பொருட்களைப் பற்றிய தொடக்கநிலை
அறிவு.
1920கள் முதற்கொண்டு குவாண்டம் விசையியல்
திரட்சி அடைந்து, குவாண்டம் புலக்கொள்கை
(quantum field theory) பிறந்தது. இது அதுகாறும் நிலவி
வந்த துகள் கொள்கைக்கு முடிவு கட்டியது.
அ) Quantum Electro Dynamics
ஆ) Quantum Chromo Dynamics
ஆகியவை நிரூபிக்கப்பட்ட குவாண்டம் புலக்
கொள்கைகள்.
இவற்றின்படி, துகள்கள் அல்ல, புலங்களே
பிரதானமானவை. துகள்கள் என்பவை
புலங்களின் மீதான கிளர்ச்சியுறுதல்கள்
(excitations) மட்டுமே!
உயிரைப் பற்றிய இக்கட்டுரையில் குவாண்டம்
கொள்கைக்கு என்ன தேவை என்று வாசகர்கள்
வியப்புறலாம். பொருட்களைப் பற்றிய நமது
பார்வையை, அறிவை குவாண்டம் புலக்கொள்கை
மாற்றி அமைத்திருக்கிறது என்பதை நாம்
உணர வேண்டும்.
முன்பு அணுக்களும் துகள்களும் பெற்றிருந்த
முக்கியத்துவத்தை இன்று புலங்கள் பெற்றிருக்கின்றன.
மின்புலம் (electric field)
காந்தப் புலம் (magnetic field)
ஈர்ப்புப் புலம் (gravitational field)
ஹிக்ஸ் புலம் (Higgs field)
ஆகிய புலங்கள் பற்றி நாம் அறிவோம்.
உயிர் என்றால் என்ன? உடலின் பிரதான உறுப்புகளின்
ஒருங்கிணைந்த கூட்டுச் செயல்பாடுதான் உயிர் ஆகும்.
இக்கூட்டுச் செயல்பாடு தொடர்ச்சியாக இருப்பதால்
உயிர் என்பதை உடலின் பிரதான உறுப்புகளின்
ஒருங்கிணைந்த நிகர இயக்கம் (the resultant) என்று
வரையறுக்கலாம்.
தீப்பற்றி எரிதலை நாம் அறிவோம். தீப்பிடித்து எரிவது
என்பது ஒரு நிகழ்வு; ஒரு process; ஒரு வேதியியல் வினை
(chemical reaction). உயிரின் இயக்கம் என்பதும் தீயின்
இயக்கம் போன்றதே; அதாவது தீப்பிடித்து எரிவது
போன்றதே. எரிபொருளோ அல்லது ஆக்சிஜனோ
தீர்ந்து போனால், தீ அணைந்து விடும்.
அது போலவே உயிரின் இயக்கத்திற்குத் தேவையான
ஆக்சிஜன் கிடைக்காவிட்டால் உயிர் போய்விடும்.
ஆக்சிஜன் மட்டுமின்றி, உடலின் இயக்கத்திற்குத்
தேவையான எந்த ஒன்றும் கிடைக்காவிட்டாலும்
அல்லது உறுப்புக்களின் செயல்பாடு முடங்கி
விட்டாலும் உயிர் எனப்படும் நிகர இயக்கம்
நின்று விடும். The infinitesimal functions of the body என்பவையே உயிரின் இயக்கத்தின் அடையாளம்
நிழல் விழுதல், கிரகணம் ஏற்படுதல் ஆகியவை
நிகழ்வுகள். இவற்றுக்கு பௌதிக இருப்பு உண்டு.
இவற்றின் செல்வாக்கை (influence) அண்ட வெளியில்
உணர இயலும். புலங்கள் அனைத்துக்கும் பௌதிக
இருப்பு உண்டு.
பொருள் பற்றிய அறிவியலின் இலக்கணம் இதுதான்:
பௌதிக இருப்பு உடையதே பொருள் என்பதுதான்
பொருளின் இலக்கணம். எனவே மின்புலம், காந்தப்
புலம் போன்ற புலங்கள் ஆகட்டும், நிழல் விழுதல்
கிரகணம் போன்ற நிகழ்வுகள் ஆகட்டும் இவை
அனைத்தும் பௌதிக இருப்பு உடையவை. எனவே
இவை பொருள் எனற வகைமையில் வரும்.
அது போலவே உயிரும் ஒரு புலச் செயல்பாடுதான்.
மின்புலம் போன்றதே உயிர்ப்புலம் ஆகும்.
முன்புறம் என்பது பொருள் ஆகும். எனவே உயிரும்
பொருளே ஆகும். உயிர் என்பது பொருள் அல்ல
என்று கொண்டால், உயிர் என்பது கருத்து என்றாகி
விடும். இது அபத்தமான முடிவு ஆகும்.
பொருள் என்பதைப் பற்றிய வரையறையில்
பிரதான அம்சம் பௌதிக இருப்பு என்பதுதான்.
உயிறானது பௌதிக இருப்பை உடையது
என்பதால் அது பொருளே; பொருளன்றி வேறெதுவும்
அல்ல. QED.
*****************************************
சிறப்பான விளக்கம் ஐயா 👌.
அதே சமயம் உயிர் என்பது மெய்யியலாகத்தான் பயன்படுத்தப்பட்டு வருகிறது.
உயிரைப் பொருளாக வரையறுப்பது ஒருபுறமிருக்க, உடலின் இயக்கமே உயிர், உடல் இயங்குவதை நிறுத்தி விட்டால் உயிர் அற்றுப் போய்விடுகிறது என்கிறோம்.
புவியீர்ப்பு விசை ஓர் இயக்கம், காந்தப்புலம் என்பது ஓர் இயக்கம், ஓடுவது, பறப்பது, சுற்றுவது இயக்கங்கள் என்பது போல உயிரும் இயக்கமே !
இயக்கங்களைப் 'பொருள்' (matter) என்கிற வரையறைக்குள்ளா கொண்டு வருகிறோம் ? பொருள்முதல் வாதத்துக்கான ஆதாரம் என்று வேண்டுமானால் சொல்லலாம்.
இயக்கம் என்பது physically existent , it is not just an idea என்பதால் அது கருத்து (idea) ஆகாது என்பது சரி. ஆனால் உடலின் ஒருங்கிணைந்த இயக்கத்திற்கான பெயர்தான் உயிரே தவிர, உயிர் எனத் தனியாக ஒன்றில்லையே ! 🤔
உடலின் இயக்கங்களெல்லாம் நின்று போய் விட்டால் உயிர் போய்விட்டது என்கிறோம் (பொருள்முதல் வாதம்). உயிர் போய்விட்டதால் உடலின் இயக்கங்கள் நின்று போய்விட்டன என்கின்றனர் எதிர்சாரார் (கருத்துமுதல் வாதம்).
உயிர் என்று ஒன்று தனியாக இருப்பதாக ஒத்துக் கொண்டால்தானே அது கருத்தா பொருளா என்கிற விவாதம் எழும் ?
ஒரு கூட்டியக்கத்திற்கு உண்டான பெயர் அவ்வளவுதான் என்றால் இந்தக் கேள்வியே எழாதே ! 🤔
(காந்தப்புலம் போன்றதன்று உயிர் என்று சொல்ல வருகிறேன். காந்தப்புலத்திற்கு எனத் தனிக் குணநலன்கள் உண்டு. ஆனால் உயிருக்குத் தனி குணநலன் கிடையாது. உடலின் இயக்கம் என்பதைத் தவிர அதற்கு வேறு எந்த குணநலனும் கிடையாது).
3
-------------------------------------------------

இடுகையிட்டது நேரம் கருத்துகள் இல்லை:

வியாழன், 15 ஜூன், 2023

உயிர் என்றால் என்ன? இதன் தத்துவ விளக்கம் என்ன?
---------------------------------------------------------------------------------
பி இளங்கோ சுப்பிரமணியன் 
நியூட்டன் அறிவியல் மன்றம் 
------------------------------------------------------------------------
மொத்தப் பிரபஞ்சத்திலும் தலையாயது உயிர். மனித 
உயிர் மட்டுமல்ல, 'பாரமேசியம்' (paramecium) என்னும் 
ஒரு செல் உயிரியும் உயிர் என்பதில் அடங்கும். 
பொருட்கள் அணுக்களால் ஆனவை என்பதைப்போல, 
வாழும் உயிரினங்கள் அனைத்தும் செல்களால் ஆனவை. 

ராபர்ட் ஹூக் (Robert Hooke 1635-1703) என்னும் ஆங்கில 
விஞ்ஞானியே  செல்களை முதன் முதலில் கண்டறிந்தார்.
கண்டறிந்த ஆண்டு 1665. இன்றைக்கு 350 ஆண்டுகளுக்கு 
முன்பே செல்கள் கண்டறியப் பட்டு விட்டன. ராபர்ட் ஹூக் 
உயிரியல் அறிஞர் மட்டுமின்றி இயற்பியல் அறிஞரும் 
ஆவார். பள்ளி வகுப்புகளில் இவரின் ஹூக்கின் விதி 
(Hooke's law) பற்றிப் படித்தவர்கள் நாம்.    

மனிதன் என்பவன் மிகப்பெரிதும் சிக்கலானதும் 
பல்வேறுபட்ட செல்களைக் கொண்டதுமான 
(multicellular and highly complex) உயிரி ஆவான். 
200 வகையான வேறுபட்ட செல்கள் மனித உடலில் 
உள்ளன என்று கண்டறியப்  பட்டுள்ளது. 

கோடானுகோடி செல்கள்!
----------------------------------------
மனித உடலில் எத்தனை செல்கள் இருக்கின்றன என்று 
அறிந்து கொள்ளும் முயற்சியை  உயிரியல் 
விஞ்ஞானிகள் மேற்கொண்டனர். இஸ்ரேல் நாட்டின் 
வெயிஸ்மான் அறிவியல் நிறுவனத்தின் 
(Weizmann Institute of Science) கடைசியாக வந்துள்ள 
மதிப்பீடுகளின்படி, மனித உடலில் 
30 டிரில்லியன் செல்கள் (human cells) உள்ளன என்று 
கண்டறியப் பட்டுள்ளது. (1 டிரில்லியன் = 1 லட்சம் கோடி).

ஒரு யானையின் உடம்பில் 150 டிரில்லியன் செல்கள் 
உள்ளன என்று மதிப்பிடப் படுகிறது. யானை மனிதனை 
விடப் பெரியது. ஒரு சராசரி ஆசிய மனிதனின் நிறை 
60 கிலோகிராம் என்றால், ஒரு சராசரி  ஆசிய 
யானையின் நிறை 2.25 டன் முதல் 5.5 டன் வரை
இருக்கும். (1 டன் = 1000 கிலோகிராம்). அதிகமான 
செல்களை யானை கொண்டிருப்பதற்கு அதன் 
அதிகமான நிறை பிரதான காரணம் ஆகும்.  .      

மனித உடலின் செல்கள் தனித்தன்மை வாய்ந்த 
கட்டமைப்பும் செயல்பாடும் (structure and function) 
கொண்டவை. மனித உடலின் செல்களில் 
ரத்தச் சிவப்பணு செல்களே (red blood cells) மிகவும் 
அதிகம்; இவை மனித உடலின் மொத்தமுள்ள 
செல்களில் 84 சதவீதம் உள்ளன.

ஒரு செல் பாக்டீரியாக்கள்!
----------------------------------------- 
மனித செல்கள் (human cells) மட்டுமின்றி பாக்டீரியா 
செல்களும் மனித உடலில் உள்ளன. அதிர்ச்சிகரமாக 
இருந்தபோதிலும் இது உண்மையே. கடைசியாக 
வெளிவந்த இஸ்ரேல் விஞ்ஞானிகளின் மதிப்பீட்டின்படி 
மனித உடலில் 38 டிரில்லியன் பாக்டீரியா செல்கள் 
(bacterial cells) உள்ளன. 30 டிரில்லியன் மனித செல்களுடன்
38 டிரில்லியன் பாக்டீரியா செல்களும் மனித 
உடலில் உள்ளன. இவற்றில் பெரும்பாலான 
பாக்டீரியாக்கள் தீங்கு செய்யாதவை. சில பக்டீரியாக்கள் 
உடலுக்கு நம்மை செய்பவை. வெகு சிலவே  
தீங்கு செய்பவை.  
-
பாக்டீரியாக்கள் ஒரு செல் உயிரிகள். இவை பல்வேறு 
வகைப்பட்டவை.  பொதுவாக இவை அரை மைக்ரோமீட்டர் 
முதல் 5 மைக்ரோமீட்டர் வரை நீளம் உள்ளவை 
(0.5-5.0 micrometer). இவற்றுக்கு மாறாக மனித செல்கள் 
அளவில் பெரியவை மட்டுமின்றி சிக்கலும் நுட்பமும் 
நிறைந்தவை.  


உயிரின் ஏழு செயல்பாடுகள்!
----------------------------------------------
உயிர் என்பது ஏழு வகையான செயல்பாடுகளை 
மேற்கொள்கிறது என்று விஞ்ஞானிகள் வரையறுத்து 
உள்ளனர். இச்செயல்பாடுகள் அனைத்தும் இயக்கப் 
போக்குகள் (processes) ஆகும். அவையாவன:-
1) உயிரானது வளர்சிதை மாற்றம் அடையும் (Metabolism)
2) தன்னை மறுஉற்பத்தி செய்யும் (Reproduce) 
3) சூழலுடன் எதிர்வினை ஆற்றும்.
 (Sensitive to the environment)
4) புறச்சூழலுக்கு ஏற்றவாறு அகச்சமநிலையைப் பேணும்  
(Homeostasis)   
5) கழிவுகளை வெளியேற்றும் (Excrete)
6) தனக்கான உணவை உண்டாக்கும் (Nutrition).
7) வளரும் (Growth) 

இந்த ஏழு செயல்பாடுகளையும் எளிதில் நினைவில் 
கொள்ள பின்வரும் சொற்சுருக்கத்தை (Mnemonic)
மனத்தில் பதிக்கலாம்: MR SHENG.

உயிர் என்பதன் தெளிவான வரையறை!
---------------------------------------------------------------
உயிர் என்பது புரியாததோ, வரம்புக்குள் அடங்காததோ 
வரைமுறைக்கு ஆட்படாததோ அல்ல. அது புதிரும் அல்ல.
உயிரியல் விஞ்ஞானிகள் மேற்கூறிய ஏழு வகையான 
செயல்பாடுகளை மேற்கொள்கிறது உயிர் என்று 
கண்டறிந்துள்ளனர்.

இவ்வேழு செயல்பாடுகளையும் மனித உயிர்கள் மட்டுமின்றி 
ஒரு செல் உயிரிகளான அமீபா (amoeba), யூக்ளினா (euglena)
போன்றவையும் மேற்கொள்கின்றன. இந்த ஏழு 
செயல்பாடுகளில் ஒன்று குறைந்தாலும் அதை உயிர் 
என்று வரையறுக்க இயலாது. உயிருள்ளவை உயிரற்றவை 
என்னும் இரண்டையும் பிரித்தறிய உதவுபவை இவ்வேழு 
செயல்பாடுகளுமே. ஆக இவ்விதமாக உயிர் என்பதை 
மிகவும் கறாராக வரையறுத்துள்ளது அறிவியல். 

தத்துவம் என்பது என்ன?
-------------------------------------
இனி தத்துவத்துக்குள் இறங்குவோம். உயிர் என்பதன் 
அறிவியல் வரையறையைப் பார்த்தோம். இனி உயிர் 
என்பதை தத்துவம் எவ்வாறு பார்க்கிறது என்று 
அறிந்திடுவோம்.

தத்துவம் (philosophy) என்றால் என?அதன் வரையறை யாது?
அனைத்து இயற்கை அறிவியல் மற்றும் சமூகவியல் 
துறைகளின் பொது விதிகளைக் கண்டறிந்து அவற்றின்
ஒருங்கிணைந்த சாரத்தை எடுத்து இயம்புவதே 
தத்துவம் ஆகும். தத்துவம் என்பது அனைத்து 
இயல்களின் பொதுமையாக்கம் (generalisation) ஆகும்.
சுருங்கக் கூறின், கணிதம் இயற்பியல் முதல் வரலாறு 
இலக்கியம் வரையிலான அனைத்துத் துறைகளின்
சாரத்தைப் பொதுமையாக்கம் செய்தலே தத்துவம் ஆகும்.

பொருள்முதல்வாதம்!
---------------------------------
உலகில் இதுவரை தோன்றிய தத்துவங்கள் அனைத்தையும் 
இரண்டு பெரும் பிரிவுகளாகப்பிரிக்கலாம். அதாவது 
எந்தவொரு தத்துவமும் பின்வரும் இரு வகைமைக்குள் அடங்கும்.
1) பொருள்முதல்வாதம் (materialism)
2) கருத்துமுதல்வாதம் (idealism).

தத்துவங்களை இவ்வாறு இரு பெரும் வகைமைக்குள் 
அடக்கியவர் மார்க்சிய மூல ஆசான்களில் ஒருவரான 
பிரடெரிக் எங்கல்ஸ் (Frederick Engels 1820-1895) ஆவார்.
பொருள்முதல்வாதம் என்பது பொருளை முதன்மையாகக் 
கொண்டாடும் தத்துவம் ஆகும். அதாவது பொருளின் 
விதிகளாலேயே இப்பிரபஞ்சம் இயங்குகிறது என்று 
வரையறுக்கும் தத்துவம். இயற்கை, மனித சிந்தனை,
சமூகம் ஆகிய இம்மூன்றும் பொருளை முதன்மையாகக்
கொண்டவை என்றும் பொருளின் விதிகளால் 
இயங்குபவை என்றும் கூறுவது பொருள்முதல்வாதம் 
(materialism) ஆகும்.


கருத்துமுதல்வாதம்!
-----------------------------
இதற்கு மாறாக, பொருள் அல்ல, சிந்தனையே 
முதன்மையானது என்றும் பொருளின் விதிகளால் அல்ல 
சிந்தனையின் விதிகளாலேயே இவ்வுலகம் இயங்குகிறது 
என்றும் கூறுவது கருத்துமுதல்வாதம் (idealism) ஆகும்.     

கடவுளை ஏற்கும் தத்துவங்கள் அனைத்தும் 
கருத்துமுதல்வாதம் ஆகும். இதற்கு மாறாக கடவுளை 
மறுக்கும் தத்துவங்கள் அனைத்தும் பொருள்முதல்வாதம் 
ஆகும்.

ஆதிசங்கரரின் அத்வைதம், ராமானுஜரின் விஷிஷ்டாத்வைதம் 
கிறிஸ்துவத்தின் படைப்புக் கொளகை (theory of creation) 
ஆகியவை கருத்துமுதல்வாதம் ஆகும். அறிவியல் வழிப்பட்ட 
நாத்திகம் (scientific atheism) பொருள்முதல்வாதம் ஆகும்.

உயிரின் தத்துவம்! 
------------------------------
தத்துவ அரங்கில் உயிர் என்பது கடவுளின் படைப்பே 
என்றும் சிந்தனையே உயிரைப் படைத்தது என்றும் 
மேற்கத்திய படைப்புக் கொள்கை (theory of creation) 
கூறுகிறது. மேற்கத்திய மற்றும் கீழ்த்திசை (oriental)
மதங்கள் அனைத்தும் கடவுளின் சிந்தனையின் 
விளைவாகவே உயிர்கள் படைக்கப்பட்டன என்று
கூறுகின்றன. இவை அனைத்தும் கருத்துமுதல்வாதக் 
கண்ணோட்டம் ஆகும்.

இதற்கு மாற்றாக சார்லஸ் டார்வினின் (Charles Darwin 1809-1882)
பரிணாமக் கொள்கையை (Theory of evolution) நவீன 
அறிவியல் முன்வைக்கிறது. உயிரை எந்தக் கடவுளோ 
அல்லது சாத்தானோ படைக்கவில்லை என்றும் பரிணாம 
வளர்ச்சியே ஓரறிவு உயிரி முதல் ஆறறிவு மனிதன் வரை 
தோன்றுவதற்குக்  காரணம் என்றும்  நவீன அறிவியல்
தெளிவுறுத்துகிறது. இது பொருள்முதல்வாதக் 
கண்ணோட்டம் ஆகும்.

தொடர்ச்சியான தத்துவ  விசாரணையில் உயிர் என்பது 
பொருளா அல்லது சிந்தனையா என்ற கேள்வி 
முதன்மை பெறுகிறது. அதாவது உயிரானது பொருளா 
அல்லது கருத்தா என்பதே இக்கேள்வியின் பொருத்தமான 
வடிவம்  ஆகும். உயிர் என்பது கருத்தே என்று 
கருத்துமுதல்வாதமும், இதை மறுத்து உயிர் என்பது
பொருளே என்று பொருள்முதல்வாதமும் தத்தம் 
தரப்பை முன்வைக்கின்றன. இவ்விரண்டு மாறுபட்ட
நிலைகளில் எது சரி என்று கண்டறிவதே இக்கட்டுரையின் 
நோக்கம் ஆகும்.   

உயிர் என்பது பொருளே!
-------------------------------------
உயிர் என்பது பொருளா கருத்தா (matter or idea) என்ற 
கேள்விக்கு விடையளிக்குமுன் உயிர் என்பதை கறாராக 
வரையறுத்து விடுவோம். உயிர் என்பது என்ன? 
உடலின் பிரதான உறுப்புக்களின் ஒருங்கிணைந்த 
கூட்டுச் செயல்பாடே (integrated whole) உயிர் எனப்படும்.
இங்கு பிரதான உறுப்புக்கள் என்பது கவனத்துக்கு 
உரியது. ஏனெனில் கை கால்களை விபத்தில் இழந்த 
பின்னரும் மனிதனால் உயிர் வாழ முடிகிறது.  எனவே 
உயிர் என்பது மூளை, இதயம் போன்ற பிரதான 
உறுப்புக்களின்  ஒருங்கிணைந்த கூட்டுச் செயல்பாடே 
என்பது பெறப்படுகிறது. உடல் இயக்கத்தின் நுண்செயல்கள் 
எல்லாவற்றின் ஒட்டுமொத்தமே (The infinitesimal functions of the body)
உயிர் ஆகும்.

உயிர் என்பது தேங்காய் மாங்காய் போன்றோ அல்லது 
புரோட்டான், எலக்ட்ரான் போன்றோ நோக்கி அறியத்தக்க 
(observable) தனித்த ஒரு பொருள் போன்றதல்ல. எனினும் 
உயிர் என்பது பொருளே! அது ஒருபோதும் கருத்து அல்ல. 

புலச்செயல்பாடே உயிர்!
------------------------------
மின்புலம், காந்தப் புலம் பற்றி அறிவோம். ஒரு மின்னேற்றத்தை
(a single electric charge) ஒரு இடத்தில் வைத்தால் அதைச்சுற்றி
ஒரு புலம் உண்டாகி விடும். அது மின்புலம் ஆகும். அறிவியலின்
வரையறைப்படி மின்புலம் (electric field) ஒரு பொருள் ஆகும்.
எப்படியெனில் மின்புலத்திற்கு ஒரு பௌதிக இருப்பு
(physical existence) உண்டு. அண்ட வெளியில் (space)
மின்புலம் உணரப் படுகிறது. பௌதிக இருப்பு உடைய
எதுவும் ஒரு பொருளே ஆகும். எனவே மின்புலம் ஒரு பொருள் ஆகும்.

இது போலவே ஒரு இடத்தில் ஒரு காந்தத்தை வைத்தால்
அதைச்சுற்றி ஒரு காந்தப்புலம் (magnetic field) உண்டாகி
விடுகிறது. காந்தப் புலத்திற்கு பௌதிக இருப்பு உண்டு.
ஆண்ட வெளியில் அது உணரப்படுகிறது. எனவே
காந்தப்புலமும் ஒரு பொருளே ஆகும்.

மின்னேற்றத்தைச் சுற்றி மின்புலம் உணரப் படுவதைப் போல,
காந்தத்தைச் சுற்றி காந்தப்புலம் உணரப்படுவது போல
உயிரைச் சுற்றி உயிரின் இயக்கம் உணரப் படுகிறது.
அண்ட வெளியில் உயிரின் இயக்கம் உணரப்படுவதால்
உயிருக்கு பௌதிக இருப்பு உண்டு என்று ஆகிறது. எனவே
உயிரும் ஒரு பொருளே ஆகும். மின்புலமும்
காந்தப்புலமும் எவ்வாறு பொருள் என்ற வகைமையில்
கொண்டுவரப் பட்டுள்ளதோ அதைப்போன்றே
உயிரும் பொருள் என்ற வகைமைக்குள் வருகிறது.
ஒரு விஷயம் பொருளா அல்லது கருத்தா என்பதை
எது தீர்மானிக்கிறது? அதற்கு பௌதிக இருப்பு
(physical existence) இருக்கிறதா இல்லையா என்ற அம்சம்தான்
தீர்மானிக்கிறது. உயிருக்கு பௌதிக இருப்பு
(physical existence) இருக்கிறது என்பது பிரத்தியட்சமாக
எவரும் உணரக் கூடியது.
உடலுக்கு மட்டும்தான் பௌதிக இருப்பு உண்டு என்றும்
உயிருக்கு இல்லை என்றும் கருதுவது சரியல்ல.
உடலின் பல்வேறு இயக்கங்களின் ஒருங்கிணைந்த
மொத்தமே (integrated whole) உயிர் ஆகும். உயிரின் இருப்பு
உயிரைச் சுற்றியுள்ள உடலில் உணரப்படுகிறது. அதாவது
அண்ட வெளியில் உணரப்படுகிறது. எனவே உயிர்
என்பது அறிவியலின் வரையறைப்படி பொருளே ஆகும்.
அது ஒருபோதும் கருத்து ஆகாது. ஏனெனில் உயிருக்கு
பௌதிக இருப்பு உண்டு. கருத்துக்கு பௌதிக இருப்பு
அறவே கிடையாது. கருத்து என்பது மானசீகமானது மட்டுமே.

பொருள் என்பது மனத்தைச் சாராமல், மனத்திற்கு
அப்பால் புறநிலையில் நிலவுகிற ஒரு மெய்ம்மை
(an objective reality) ஆகும். உங்கள் வீட்டுக் கொல்லையில்
ஒரு முருங்கை மரம் இருக்கிறது என்று வைத்துக் கொள்வோம்.
அங்கு முருங்கை மரம் இல்லை என்று நீங்கள் நினைப்பதால்
அது இல்லாமல் போய்விடுவதில்லை. அதாவது அம்முருங்கை
மரத்தின் இருப்பு உங்கள் மனத்தைச் சாராமல் சுயேச்சையாக
இருப்பதாகும்.

அதைப்போலவே உயிர் என்பதும் ஒருவரின் மனத்தைச்
சாராமல் மனத்திற்கு அப்பால் சுயேச்சையாக நிலவுவதாகும்
(biological life is an objective reality). மேலும் உயிர் என்பது
பௌதிக இருப்பு உடையதாகும். எனவே உயிர் என்பது
ஒருபோதும் கருத்தாகாது. ஏனெனில் கருத்துக்கு பௌதிக
இருப்பு இல்லை; அத்தோடு கருத்து என்பது புறநிலையில்
இல்லாமல் மானசீகமாக இருப்பது (not an objective reality).
ஆகவே உயிர் என்பது முற்றிலும் பொருளே ஆகும்.
இது அறிவியல் வழியிலும் பொருள்முதல்வாதத் தத்துவ
வழியிலும் இக்கட்டுரையில் நிரூபிக்கப் பட்டுள்ளது.
**********************************************************


 

   
           
 
 

    

   


   .

         
இடுகையிட்டது நேரம் கருத்துகள் இல்லை:

 As unicellular organisms are composed of a single cell, this cell must be able to carry out all the life functions

How unicellular organisms fulfil these basic functions may differ according to structure and habitat


1.  Paramecium  (heterotroph)

  • Paramecia are surrounded by small hairs called cilia which allow it to move (responsiveness)
  • Paramecia engulf food via a specialised membranous feeding groove called a cytostome (nutrition)
  • Food particles are enclosed within small vacuoles that contain enzymes for digestion (metabolism)
  • Solid wastes are removed via an anal pore, while liquid wastes are pumped out via contractile vacoules (excretion)
  • Essential gases enter (e.g. O2) and exit (e.g. CO2) the cell via diffusion (homeostasis)
  • Paramecia divide asexually (fission) although horizontal gene transfer can occur via conjugation (reproduction)


2.  Scenedesmus  (autotroph)

  • Scenedesmus exchange gases and other essential materials via diffusion (nutrition / excretion)
  • Chlorophyll pigments allow organic molecules to be produced via photosynthesis (metabolism)
  • Daughter cells form as non-motile autospores via the internal asexual division of the parent cell (reproduction)
  • Scenedesmus may exist as unicells or form colonies for protection (responsiveness)
இடுகையிட்டது நேரம் கருத்துகள் இல்லை:

செவ்வாய், 13 ஜூன், 2023

 

உயிர் என்பது பொருளே என்பதற்கான நிரூபணம்!
------------------------------------------------------------------------------
நியூட்டன் ஆய்வியல் மன்றம் 
------------------------------------------------------------------------
ஒளியும் இருளும் இருமைகள் (binaries). அதாவது 
வெளிச்சமும் இருட்டும் இருமைகள் என்று புரிந்து 
கொள்க. இது போன்றதே உயிரும் உயிரின்மையும்.

இப்பிரபஞ்சத்தில் பல அடிப்படையான விஷயங்கள் 
(அனைத்தும் அல்ல) பைனரியாக இருக்கின்றன.
இன்னுமொரு உதாரணம்: காந்தத்தின் கவர்தல் 
மற்றும் விலக்கல் (attraction and repulsion) விசைகள்.

காந்தத்தின் கவர்ச்சி விசையும் விலக்கல் விசையும்
mutually exclusiveஆக இருக்கின்றன. அதாவது அவை 
இரண்டும் ஒன்றையொன்று விலக்கும் தன்மை 
உடையவை. ஒன்று நிகழும்போது 
மற்றொன்று நிகழாது; நிகழ இயலாது. ஒன்றின்மீது 
ஒரு காந்தத்தின் கவர்ச்சி விசை செயல்படும் 
அதே நேரத்தில் அதன் மீது அதே காந்தத்தின் விலக்கல் 
விசை செயல்படாது. இவ்விரு விசைகளும் 
mutually exclusiveஆக இருக்கின்றன. இதைப்போலவே 
உயிரும் உயிரின்மையும் ஒன்றையொன்று 
விலக்குபவை (mutually exclusive). நிற்க.

பொருட்கள் அணுக்களால் ஆனவை; அணுக்கள் 
துகள்களைக் கொண்டிருப்பவை என்று நாம் 
அறிந்திருக்கிறோம். இது அணுக்கரு இயற்பியல் 
கற்பித்த, பொருட்களைப் பற்றிய தொடக்கநிலை
அறிவு.

1920கள் முதற்கொண்டு குவாண்டம் விசையியல் 
திரட்சி அடைந்து, குவாண்டம் புலக்கொள்கை 
(quantum field theory) பிறந்தது. இது அதுகாறும் நிலவி 
வந்த துகள் கொள்கைக்கு முடிவு கட்டியது.
அ) Quantum Electro Dynamics
ஆ) Quantum Chromo Dynamics
ஆகியவை நிரூபிக்கப்பட்ட குவாண்டம் புலக் 
கொள்கைகள். 

இவற்றின்படி, துகள்கள் அல்ல, புலங்களே 
பிரதானமானவை. துகள்கள் என்பவை 
புலங்களின் மீதான கிளர்ச்சியுறுதல்கள் 
(excitations) மட்டுமே!   

உயிரைப் பற்றிய இக்கட்டுரையில் குவாண்டம் 
கொள்கைக்கு என்ன தேவை என்று வாசகர்கள் 
வியப்புறலாம். பொருட்களைப் பற்றிய நமது 
பார்வையை, அறிவை குவாண்டம் புலக்கொள்கை  
மாற்றி அமைத்திருக்கிறது என்பதை நாம் 
உணர வேண்டும்.

முன்பு அணுக்களும் துகள்களும் பெற்றிருந்த 
முக்கியத்துவத்தை இன்று புலங்கள் பெற்றிருக்கின்றன.
மின்புலம் (electric field)
காந்தப் புலம் (magnetic field)
ஈர்ப்புப் புலம் (gravitational field)
ஹிக்ஸ் புலம் (Higgs field)
ஆகிய புலங்கள் பற்றி நாம் அறிவோம்.

உயிர் என்றால் என்ன? உடலின் பிரதான உறுப்புகளின் 
ஒருங்கிணைந்த கூட்டுச் செயல்பாடுதான் உயிர் ஆகும்.
இக்கூட்டுச் செயல்பாடு தொடர்ச்சியாக இருப்பதால் 
உயிர் என்பதை உடலின் பிரதான உறுப்புகளின் 
ஒருங்கிணைந்த நிகர இயக்கம் (the resultant)  என்று 
வரையறுக்கலாம்.

தீப்பற்றி எரிதலை நாம் அறிவோம். தீப்பிடித்து எரிவது
என்பது ஒரு நிகழ்வு; ஒரு process; ஒரு வேதியியல் வினை 
(chemical reaction).  உயிரின் இயக்கம் என்பதும் தீயின் 
இயக்கம் போன்றதே; அதாவது தீப்பிடித்து எரிவது
போன்றதே. எரிபொருளோ அல்லது ஆக்சிஜனோ 
தீர்ந்து போனால், தீ அணைந்து விடும். 

அது போலவே  உயிரின் இயக்கத்திற்குத் தேவையான 
ஆக்சிஜன் கிடைக்காவிட்டால் உயிர் போய்விடும். 
ஆக்சிஜன்  மட்டுமின்றி, உடலின் இயக்கத்திற்குத் 
தேவையான எந்த ஒன்றும் கிடைக்காவிட்டாலும் 
அல்லது உறுப்புக்களின் செயல்பாடு முடங்கி 
விட்டாலும் உயிர் எனப்படும் நிகர இயக்கம் 
நின்று விடும். The infinitesimal functions of the body என்பவையே 
உயிரின் இயக்கத்தின் அடையாளம்
 
நிழல் விழுதல், கிரகணம் ஏற்படுதல் ஆகியவை 
நிகழ்வுகள். இவற்றுக்கு பௌதிக இருப்பு உண்டு.
இவற்றின் செல்வாக்கை (influence) அண்ட வெளியில்
உணர இயலும். புலங்கள் அனைத்துக்கும் பௌதிக 
இருப்பு உண்டு.

பொருள் பற்றிய அறிவியலின் இலக்கணம் இதுதான்:
பௌதிக இருப்பு உடையதே பொருள் என்பதுதான் 
பொருளின் இலக்கணம். எனவே மின்புலம், காந்தப் 
புலம் போன்ற புலங்கள் ஆகட்டும், நிழல் விழுதல் 
கிரகணம் போன்ற நிகழ்வுகள் ஆகட்டும் இவை  
அனைத்தும் பௌதிக இருப்பு உடையவை.  எனவே 
இவை பொருள் எனற வகைமையில் வரும்.

அது போலவே உயிரும் ஒரு புலச் செயல்பாடுதான்.
மின்புலம் போன்றதே உயிர்ப்புலம் ஆகும்.
முன்புறம் என்பது பொருள் ஆகும். எனவே உயிரும் 
பொருளே ஆகும். உயிர் என்பது பொருள் அல்ல 
என்று கொண்டால், உயிர் என்பது கருத்து என்றாகி 
விடும். இது அபத்தமான முடிவு ஆகும்.

பொருள் என்பதைப் பற்றிய வரையறையில் 
பிரதான அம்சம் பௌதிக இருப்பு என்பதுதான்.
உயிறானது பௌதிக இருப்பை உடையது 
என்பதால் அது  பொருளே; பொருளன்றி வேறெதுவும் 
அல்ல.  QED.
********************************************* 

 
   


உயிர் என்பது பொருளா? கருத்தா?
பொருள்முதல்வாதமும் கருத்துமுதல்வாதமும்!
 
 
        


வெளியிட்டாச்சு! படிங்க!
    
    

   



   

    

      
இடுகையிட்டது நேரம் கருத்துகள் இல்லை:

சனி, 10 ஜூன், 2023

 "வாக்கு பதிவு இயந்திரம் "

தேர்தல் அரசியல் ."
சூ. சக்கரவர்த்தி மாரியப்பன். சுவாசம் பதிப்பகம் விலை ரூபாய் 160 .
முதல் பதிப்பு 2022 மொத்த பக்கங்கள் 138.
# இது ஒரு கட்டுரை புத்தகம்.
கற்பனைக்கு வேலையில்லாத நிஜங்களை சாட்சியாக வைத்து எழுதப்பட வேண்டிய ,எழுதப்பட்ட கட்டுரை புத்தகம்.
நமது வாசிப்போம் தமிழ் இலக்கியம் வளர்ப்போம் குழுவில் அதிகமான பதிவுகளை எழுதியமைக்காக சுவாசம் பதிப்பகத்தாரும் குழுவின் நிர்வாகி அவர்களும் எனக்கு இந்த புத்தகத்தை அளித்தமைக்கு நன்றி தெரிவித்துக் கொள்கிறேன்..
நான் அரசு வேலையில் இருந்த நிமித்தம் காரணமாக தேர்தல் பணி செய்து இருக்கிறேன் .1974 முதல் 2018 வரை பணியில் இருந்த போது நடைபெற்ற தேர்தல்களில் தேர்தல் பணி செய்து இருக்கிறேன் .
எனக்கு வாக்குச்சாவடி குறித்தும் வாக்கு பெட்டி குறித்தும் வாக்கு பதிவு குறித்தும் , வாக்கு பதிவு எண்ணும் பணி குறித்தும்,மின்னணு பெட்டி குறித்தும் சகலமும் தெரியும் என்று உறுதியாக சொல்ல முடியும். எனவே இந்த புத்தகத்தை என்னால் சுலபமாக படிக்கவும் தெரிந்து கொள்ளவும் முடிந்தது.
அமெரிக்காவில் நடந்த தேர்தலில் நான் பங்கு பெறாவிட்டாலும் தேர்தல் நடந்த சமயத்தில் பார்வையாளர் போல நான் அருகில் சென்று பார்த்து வந்திருக்கிறேன் .அங்கு நடக்கின்ற தேர்தல் வினோதமானது விசித்திரமானது அபூர்வமானது. நமது இந்தியாவில் நடக்கின்ற தேர்தலை ஒப்பிட்டு பார்க்கும்பொழுது எனக்கு அதிசயமாகவே இருந்தது .அந்த தேர்தல்கள் ஒரு நாளில் முடியாது ஒரு மாதத்தில் முடியாது அப்படி நீண்ட காலங்களாக பதிவு செய்யப்பட்டு எண்ணப்பட்டு அறிவிப்பு செய்யப்படுகின்ற தேர்தல் அது.
மின்னணு வாக்கு பதிவு எந்திரம் குறித்து ஒன்றை மட்டும் சொல்லிக் கொள்ள ஆசைப்படுகிறேன் ;இந்த புத்தகத்தில் இல்லாதது.
நமது மதிப்புக்குரிய எழுத்தாளர் சுஜாதா அவர்கள் தொழில்நுட்ப வல்லுனராக இருந்து இந்த வாக்குப்பதிவு இயந்திரத்தை நிர்மாணிக்க உதவியதையும் அதன் பிறகு அந்த எந்திரம் வேலை செய்கின்ற விதம் குறித்து அன்றைய பாரத பிரதமர் ராஜீவ் காந்தி அவர்களிடம் செய்முறை விளக்கம் செய்து காட்டியதையும் அவர் எழுதியிருப்பார் .
அவ்வாறு விளக்கிச் சொல்லுகின்ற போது ராஜீவ் காந்தி அவர்கள் ஒரு அருமையான கேள்வியை கேட்டார் .ஒருவனே தொடர்ந்து வாக்குப்பதிவு செய்துவிட முடியுமா முடியாதா என்று கேட்டார் .
அந்த கேள்விக்கு விடையாக தான் ஒவ்வொரு வாக்காளனும் வாக்குப்பதிவு முடிந்த பிறகு ஒலி ஒன்று வரும் .அதன் பிறகு வாக்குச்சாவடி அலுவலர் அனுமதித்த பிறகு தான் அடுத்த வாக்காளர் வாக்கு பதிவு செய்ய முடியும் என்கிற ஒரு தொழில்நுட்பத்தை புகுத்தப்பட்டது என்பதாக சுஜாதா அவர்கள் சொல்லியிருந்தார் .அதனை இங்கு நினைவு கூறுகிறேன் .
எனவே வாக்கு பதிவு எந்திரம் வடிவமைத்ததில் மேலும் செம்மைபடுத்தியதில் ராஜீவ் காந்தி அவர்களுக்கும் ஒரு பங்கு இருந்தது என்பதை நான் சொல்லவில்லை ,சுஜாதா அவர்கள் பதிவு செய்திருக்கிறார்.
இனி இந்த புத்தகம் குறித்து பார்ப்போம்:
கீழ்க்கண்ட 15 தலைப்புகளில் இந்த புத்தகம் சிறப்பாக எழுதப்பட்டிருக்கிறது.
1.வாக்குப்பதிவு இயந்திரம் மீதான குற்றச்சாட்டுகள்
2.வாக்கு இயந்திரங்கள் மேலாண்மை
3.ஜனநாயகக் குழந்தை
4.தேர்தல் சீர்திருத்தங்கள் -1
5.மின்னணு வாக்குப்பதிவு இயந்திர வரலாறு
6.வெளிநாடுகளில் வாக்குப்பதிவு இயந்திரம்
7.இந்தியக் கட்சிகளின் கருத்து
8.தொடரும் குற்றச்சாட்டுகள்
9.வழக்குகளும் தீர்ப்புகளும்
11.வைரஸ் குதிரை
12.தேர்தல் சீர்திருத்தங்கள் -2
13.முறைகேடுகளைக் களைய வாய்ப்புகள்
14.எதிர்காலம்
15.மின்னணு இயந்திரங்கள்
கேள்வி - பதில்கள்.
வாக்குப் பதிவு இயந்திரம் இல்லாமல் இன்று நம்மால் ஒரு தேர்தலை நினைத்துப் பார்க்கக் கூட முடியாது. உண்மையில் இந்தியா போன்ற பெரிய நாடுகளில் தேர்தலை நடத்தி முடிப்பது என்பதே மாபெரும் சாதனைதான்.
அதிக மக்கள்தொகை கொண்ட நாடுகளுக்கு வாக்குப் பதிவு இயந்திரம் என்பது வரப்பிரசாதம்.
ஆனால் இன்றும் கூட இந்த வாக்குப் பதிவு இயந்திரங்களை நம்பாமல், மீண்டும் வாக்குச் சீட்டு முறைக்கே மாறவேண்டும் என்கிற குரல்கள் ஒலிக்கத்தான் செய்கின்றன.
வாக்குப் பதிவு இயந்திரங்கள் வரமா சாபமா? இந்தக் கேள்வியை அலசும் இந்த நூல், இதை ஒட்டி வேறு முக்கியப் பகுதிகளையும் ஆய்வு செய்கிறது.
இந்தியாவில் நடந்த முதல் தேர்தல், வெளிநாடுகளில் இன்று தேர்தல் நடக்கும் முறை, வாக்குப் பதிவு இயந்திரத்தால் அரசியலில் ஏற்பட்ட பாதிப்பு, கட்சிகளின் குற்றச்சாட்டு, நீதிமன்றங்களின் பதில்கள், தேர்தல் ஆணையத்தின் சவால்கள் என்று பல நுணுக்கமான விவரங்களைப் பேசுகிறார் சூ. சக்கரவர்த்தி மாரியப்பன்
அவர்கள்.
ஒரு குழந்தைக்கு சொல்லிக் கொடுப்பதை போல ஆசிரியர் சூ .சக்கரவர்த்தி மாரியப்பன் அவர்கள் இந்த புத்தகத்தை எழுதி நமக்கு தெளிவாகவும் அழகாகவும் அழகு தமிழில் பழகு மொழியில் விளக்கிச் செல்கிறார்.
சில கருத்துக்களை சுருக்கமாக பார்ப்போம்.
ஒரு காலத்தில் இந்தியாவில் தேர்தல் வாக்கு பெட்டி கொண்டு வாக்குச்சீட்டு முறையில் நடத்தப் பட்டது.அதில் இருந்து மாறி மின்னணு வாக்குப்பதிவு இயந்திர நடைமுறையின் மூலம் கிடைக்கும் நன்மைகளை சமூக நன்மைகளுடன் ஒப்பிட வேண்டும்.
இந்தியா முழுமைக்குமான தேர்தல் என்றால், எத்தனை பெரிய பிரமாண்டமான செயல் . வாக்குச் சீட்டைக் கைகளில் எண்ணிக் கொண்டிருந்தால் என்னாகும்? அப்படித்தான் ஒரு காலத்தில் இருந்தோம் என்பதற்காக, இன்றும் அப்படி இருக்க வேண்டிய அவசியமில்லை. வாக்குபதிவு இயந்திரமே ஒரே வாய்ப்பு.
ஒரு அறிவியல் முன்னேற்றத்தின் பலன் தேவையா இல்லையா என்பதை பயனாளிகள்தான் முடிவு செய்ய வேண்டும் .
மின்னணு வாக்குப்பதிவு இயந்திரங்களில் முறைகேடுகள் நடைபெறுகின்றன என்கிற தொடர் குற்றச்சாட்டுகளையும், வாக்குப் பதிவு இயந்திரம் தொடர்பான அனைத்துவித உண்மைகளையும் விளக்குவதே இப்புத்தகத்தின் நோக்கம்.
தொழில்நுட்பம் மற்றும் அறிவியல் ரீதியில் ஒரு பார்வை:
தேர்தலைச் சுற்றி நடைபெறும் பிற அரசியல், சமூக நிகழ்வுகள் இன்னொரு பார்வை :
என்று வகைப் பிரித்து தடம் பிரித்து விடை தருவது போல எழுதி இருக்கிறார் ஆசிரியர்.
சமூகத்தில் சாமானியர்களின் வாழ்க்கைத் தரத்தில் அறிவியல் வளர்ச்சி மற்றும் தொழில்நுட்ப மேம்பாடு ஏற்படுத்தியுள்ள தாக்கம் மிக முக்கியமானது.
தற்போது சமூக ஊடகங்கள் மூலம் கிடைக்கும் செய்திகள், விரைவான தகவல் பரிமாற்றம், பல பிரச்சினைகளுக்கான தீர்வுகள், விழிப்புணர்வு ஆகியவற்றுடன் மின்னணு வாக்குப்பதிவு இயந்திரத்தையும் ஒப்பிட்டுப் பார்ப்பது அவசியம்.
பல ஆண்டுகளாக அறிவியல், தொழில்நுட்பம், பொருளாதாரம் மற்றும் மக்கள் வாழ்க்கைத் தரம், சமூக வளர்ச்சி ஆகியவை முன்னணியில் உள்ள சர்வதேச நாடுகள் மற்றும் இதே புள்ளிகளில் வளர்ந்து வரும் பிற நாடுகள் எடுத்து வைக்கும் புதிய முயற்சிகள் என அனைத்துச் சமகால நிகழ்வுகளையும் நாம் கருத்தில் கொள்ள வேண்டும்.
மின்னணு வாக்குப்பதிவு இயந்திரங்களுக்குப் பதிலாக பழைய வாக்குச் சீட்டு முறையைக் கொண்டு வருவது மட்டுமே
சரியான அணுகுமுறை என்பது ஒரு சாரார்
வாதம்.
இது நமது ஜனநாயகம் செயல்படும் விதம் மற்றும் அரசியல் சாசனம் குறித்த முறையான புரிதல் இல்லாத அணுகுமுறை என்று சொல்லலாம். இதைப் பல்வேறு தரவுகள் மூலம் எடுத்துக் காட்டியுள்ளார் ஆசிரியர்.
1950 ஜனவரி 26 ஆம் தேதி இந்திய அரசமைப்பு சட்டம் நடைமுறைக்கு வருவதற்கு ஒரு நாள் முன்பு ஜனவரி 25ஆம் அன்று * இந்திய தேர்தல் ஆணையம் *ஒரே ஒரு ஆணையரை கொண்ட அமைப்பாக தோற்றுவிக்கப்பட்டது .அந்த ஆண்டு மார்ச் 21ஆம் தேதி முதலாவது தேர்தல் ஆணையராக மேற்கு வங்கத்தை சேர்ந்த சுகுமார் சென் நியமிக்கப்பட்டார்.
முதல் பொதுத் தேர்தல் 1951 ஆம் ஆண்டு ஜம்மு காஷ்மீர் பகுதி நீங்களாக பிற இடங்களுக்கு நடைபெற்றது. 68 கட்டங்களாக 5 மாதங்களாக தேர்தல் நடைபெற்றது. வாக்குகளை பூர்த்தி செய்ய 62 கோடி வாக்கு சீட்டுகள் நாசிக் நாணய மையத்தில் அச்சிடப்பட்டன.
14 தேசிய கட்சிகள் உள்பட 53 கட்சிகளின் 1341 வேட்பாளர்கள் மற்றும் 533 சுயேட்சை வேட்பாளர்கள் முதல் பொதுத் தேர்தலில் களம் கண்டனர் .இன்று 650 கட்சிகள் தொகுதிக்கு 15 வேட்பாளர்கள் வீதம் சுமார் 8000 பேர் போட்டியிடுகின்றனர்.
இன்றைய சூழ்நிலையில் 57 லட்சம் மின்னணு வாக்குப்பதிவு இயந்திரங்கள் பயன்படுத்துகின்றன .அவற்றில் 17 லட்சத்து 40 ஆயிரம் இயந்திரங்கள் ஒப்புகை சீட்டை அச்சிட்டு தரும் வசதி கொண்டவை.
வாக்கு இயந்திரங்கள் மேலாண்மை குறித்து சுருக்கமாக பார்ப்போம்.
அப்போதுதான் நமக்கு தில்லுமுல்லு நடக்க வாய்ப்பு இல்லை என்பது புரியும்.
மின்னணு வாக்குப்பதிவு இயந்திரங்களின் ஒதுக்கீட்டை மேலாண்மை செய்வதற்குத் தனிச் செயலி ஒன்று உள்ளது. ஒவ்வொரு இயந்திரத்திற்கும் ஒரு குறியீட்டு எண் (Barcode) கொடுக்கப்பட்டிருக்கும். இதனை வைத்து, ஒவ்வொரு முறை பயன்படுத்தும்போதும் இயந்திரம் எங்குச் சேமிப்பில் உள்ளது, எங்குச் செல்லப் போகிறது, எப்போது திரும்ப வந்தது என்று கண்காணிக்க முடியும். இதனை மேலாண்மை செய்ய EVM Management System (EMS) வழக்கத்தில் உள்ளது.
Bஒவ்வொரு இயந்திரப் பயணமும் EMSல் பதிவேற்றப்படும். கண்டெய்னர் போன்ற மூடிய வசதியும், பூட்டும் கொண்ட சரக்கு வாகனங்களில் 24X7 காவல்துறை கண்காணிப்பில் GPS கருவி பொருத்தப்பட்டு, CCTV மூலம் கண்காணிக்கப்படும். புறப்படும் மற்றும் சேரும் இடங்களில் வீடியோவும் எடுக்கப்பட வேண்டும்.
வாக்குப் பதிவு இயந்திரங்களைத் தேர்தல்களில் பயன்படுத்தும் முன்னர், முதல் தவணைச் சோதனையாக மாதிரி வாக்கெடுப்பு நடத்தப்படும். அதில் பொறியாளர்களும், பொறுப்பாளர்களும் கையொப்பம் இடுவர். பின் அவை பாதுகாப்பு மையத்திற்குக் கொண்டு செல்லப்படும்.
தேர்தலுக்கு முன்பு இவற்றை ஒரே இடத்திற்கு அனுப்பாமல் சீரற்ற முறையில் (Randomisation) இருமுறை ஒதுக்கீடு செய்கிறார்கள்.
அப்படி ஒதுக்கப்படும் வரை, எந்த இயந்திரம் எந்த மாவட்டத்துக்குச் செல்லும் என்பது யாருக்கும் தெரியாது.
ஒவ்வொரு மின்னணு வாக்குப்பதிவு இயந்திரத்திலும் கீழ்கண்ட வகையான சாதனங்கள் பொருத்தப்பட்டு இருக்கும். 1வேட்பாளர் பட்டியல் ஒட்டிய வாக்குப்பதிவு
சாதனம் (Ballot Unit).
2 வாக்களிக்க அனுமதி அளிக்கும் கட்டுப்பாட்டு இயந்திரம் (Control Unit).
3. காகித ஒப்புகைச் சீட்டை அச்சடிக்கும் சாதனம்(VVPAT),
வாக்குப்பதிவு செய்ய உதவும் பேலட் யூனிட்டில் இறுதி வேட்பாளர்கள் பட்டியல் செருகப்பட்டு 'சீல்' வைக்கப்படும். அச்சிடும் இயந்திரங்களில் சின்னங்கள் பதிவேற்றப்பட்டு அவையும் 'சீல்' வைக்கப்படும். வேட்பாளர்கள் பட்டியல் கண்ட்ரோல் யூனிட்டில் பதிவு செய்யப்பட்டு அவையும் 'சீல்' வைக்கப்படும். இப்படியான ஒவ்வொரு நடைமுறையிலும் அனைத்துக் கட்சிப் பிரதிநிதிகள் இருக்கவேண்டியது கட்டாயம். இவை அனைத்தும் காணொளியாகப் பதிவு செய்யப்பட்டு திரையிலும் ஒளிபரப்பப்படும்.
தேர்தல் அன்று வாக்காளர் வாக்களிக்க வரும்போது, வாக்காளரின் அடையாளச் சான்றிதழ்களைச் சரிபார்த்த பின்னர், வாக்குச்சாவடி அலுவலர் கண்ட்ரோல் யூனிட்டில் பேலட் பட்டனை அழுத்தி வாக்காளர் தனது வாக்கைச் செலுத்த அனுமதிப்பார்.
பதிவான வாக்காளர் வாக்களித்த வரிசை எண், கட்சியின் பெயர் மற்றும் சின்னம் அடங்கிய அச்சிட்ட காகித ஒப்புகைச் சீட்டு VVPAT சாதனத்தில், பார்வையிடலாம் ,வெளியே எடுத்துச் செல்ல முடியாது.
வெற்றி பெற்றவர்கள் குதூகளிக்கவும் தோல்வி அடைந்தவர்கள் புகார் சொல்லவும் மத்தளத்துக்கு இரண்டு பக்கம் அடிபோல மின்னணு எந்திரம் அடிபட்டுக் கொண்டிருக்கிறது.
B மின்னணு வாக்கு இயந்திரம் என்கிற புள்ளியைச் சுற்றி, தேர்தலை வைத்து நடைபெறும் வேறு சில முறைகேடுகள், செய்ய வேண்டிய சீர்திருத்தங்கள், அதற்கு முட்டுக்கட்டையாகக் கிடக்கும் தடைக்கற்கள், வருங்கால வாய்ப்புகள் எனப் பிற பரிமாணங்களையும் இங்குச் சுட்டிக் காட்டியுள்ளார் ஆசிரியர்.

இடுகையிட்டது நேரம் கருத்துகள் இல்லை:
இதற்கு குழுசேர்: இடுகைகள் (Atom)