வெள்ளி, 10 பிப்ரவரி, 2017

பாஜக தமிழ்நாட்டில் வளருமா?
ஸ்டாலின் முதல்வர் ஆவாரா?
மில்லியன் டாலர் கேள்விகளுக்கு விடை! 
--------------------------------------------------------------------------
பன்னீர்-சசி மோதலால், அதிமுக அழிந்தாலோ
அல்லது வெகுவாக பலவீனப்பட்டாலோதான்
தமிழகத்தில் பாஜக வளர முடியும். திமுகவில் இருந்து ஒருவரைக்கூட பாஜகவால் இழுக்க முடியாது. ஆனால்
அதிமுக அப்படி அல்ல. எந்தக் கொள்கையும் இல்லாமல்,
சினிமாக் கவர்ச்சியின் அடித்தளத்தில் கட்டப் பட்ட
ஒரு தளர்வான கட்டுமானம் உடைய கட்சி அதிமுக.
(ADMK is a loosely knit body). அக்கட்சி உடைந்து பலவீனம்
அடையும்போது, அக்கட்சியின் தலைவர்களையும்,
அதைவிட முக்கியமாக, அக்கட்சியின் வெகுஜன
அடித்தளத்தையும் பாஜக கைப்பற்ற வேண்டும்.
அப்படிக் கைப்பற்றினால்தான் பாஜகவுக்கு
தமிழ்நாட்டில் எதிர்காலம். இது சாத்தியமானதே.

ஆனால், குறைவான IQ உடைய தமிழிசை,
வெகுஜன உளவியலுக்கு எதிராகவே எப்போதும்
பேசும், செயல்படும் ஹெச் ராஜா, ஹோமியோபதிச்
செயல்பாடு கொண்ட பொன்னார் ஆகியோரை
வைத்துக் கொண்டு, பாஜக இந்தப் பணியை எவ்வளவு
தூரம் வெற்றிகரமாகச் செய்யும்? இதற்கு
எதிர்காலம் பதில் கூறும்.

ஸ்டாலின் 2018இல் அல்லது 2017 இறுதியில் (தேர்தல்
மூலம்) முதல்வர் ஆகாமல், அதிமுகவின் வீழ்ச்சி
சாத்தியமல்ல. எனவே பாஜக, பாமக ஆகிய
கட்சிகளுக்கும் ஸ்டாலின் முதல்வராவது அவசியம்.
ஸ்டாலின் முதல்வர் ஆகாமல் பாஜக, பாமக
கட்சிகளால் அதிமுகவின் இறைச்சியை உண்ண
முடியாது.
**************************************************************

கருத்துகள் இல்லை:

கருத்துரையிடுக