ஞாயிறு, 6 ஜனவரி, 2019

இதுதான் நமது காலக்சியில்
நாம் இருக்கும் இடம்.
Please understand how INSIGNIFICANT we are!

நமது காலக்சி இந்தப் பிரபஞ்சத்தில் எங்கு
இருக்கிறது? அடுத்து அதைப் பார்ப்போம்.


முயற்சி செய்தாள் என்பது தொடர்புறுத்தும்
மொழியாக இருப்பதால், முயற்சித்தாள் என்பதை
ஏற்க இயலவில்லை.

அது இல்லை, அது அன்று (அதுவன்று) , அது அல்ல
(அதுவல்ல) என்னும் மூன்றில், அது அல்ல என்பது
தவறானதே. ஆயினும் அதுவன்று என்று எழுதினாலும்
அது அன்று என்று எழுதினாலும் பொருள் மயக்கம்
கொள்வோர் 99 .விழுக்காட்டினர். எனவே தவறு என்று
நன்கு தெரிந்தும் அது அல்ல என்றே எழுத வேண்டி
உள்ளது. அப்போதுதான் தொடர்புறுத்த இயலும்.
என்ன செய்ய, தமிழ்ச் சமூகம் இப்படித்தான்
இருக்கிறது.

ஒரு முழு அடைப்புப் போராட்டம் (பந்த்) நடக்கிறது.
"நாளை பந்த் எனவே பேருந்துகள் ஓடாது"
என்று செய்தித்தாளில் செய்தி வெளிவருகிறது.
பேருந்துகள் ஓடா என்று சரியாக எழுதினால்
புரிந்து கொள்ள மாட்டான் இன்றைய தமிழன்.
பேருந்துகள் ஓடாது என்றுதான் எழுத வேண்டி
உள்ளது.

என் தலைமுறையைச் சேர்ந்தவர்களோடு
தமிழைச் சரியாக எழுத வேண்டும் என்ற
அக்கறை போய்விட்டது. யாருக்கும் தமிழ் மீது
பற்று இல்லாமல் இல்லை. ஆனால் தமிழில்
குறைந்தபட்ச அறிவு இல்லாமல் போய்விட்டது.

எனவே மனச்சாட்சியைக் கொன்று விட்டு
பேருந்துகள் ஓடாது என்றுதான் நான் எழுதிக்
கொண்டிருக்கிறேன். தொடர்புறுத்தல்
என்பதற்கு நான் பிரதான முக்கியத்துவம்
அளிக்கிறேன்.

நான் மாணவனாக இருந்த காலத்தில் இருந்து
இன்று வரை மாணவர்களுடன் எனக்கு  இழையறாத
தொடர்பு இருந்து வருகிறது. படிப்பறிவில்லாத
தொழிலாளர்களுடன் தொடர்பு இருந்து வருகிறது.
அவர்களுக்குப் புரிய வேண்டும் என்ற நோக்கில்தான்
நான் எழுதுகிறேன்.

மறைந்த சி பா ஆதித்தனாரை நான் பின்பற்றுகிறேன்.
அவருடைய நாள் தாள் எழுத்தாளர் கையேடு
என்ற நூலைப் படியுங்கள். அதுதான் என்னுடைய 
பைபிள்.
    

மறைமலை அடிகள் பெரும் மதிப்புக்கு
உரியவர். யாரே மறுக்கவியலும்?
ஆயினும் நான் மறைமலை அடிகளைப்
பின்பற்றுவதில்லை. நான் சி பா ஆதித்தனாரைப்
பின்பற்றுகிறேன்.

பொன்விதி: ஆதித்தனார்  கூறிய பொன்விதி
(Golden rule) இதுதான்: "பேச்சு வழக்கில் இருக்கும்
தமிழே உயிருள்ள தமிழ்; அதைக் கொச்சை
நீக்கி எழுத வேண்டும்".

என்னுடைய 20களில் நான் தனித்தமிழ்
மயக்கம் கொண்டிருந்தேன். பின் தெளிந்தேன்.
மார்க்சியம் என்னைத் தெரிவித்தது.

தமிழ்நாட்டில் உள்ள ஊடகவியலாளர்கள்
அனைவரும் பின்வருமாறு செய்தி
வாசிக்கின்றனர்; உரையாடுகின்றனர்;
பேசுகின்றனர்;-

1. லட்சக் கணக்கான புத்தகங்கள் புத்தகச்
சந்தையில் விற்பனைக்கு உள்ளது.
(கவனிக்கவும்: உள்ளது= ஒருமை)
2. நாளை பந்த் என்பதால் பேருந்துகள்
ஓடாது; ஆட்டோக்கள் ஓடாது.

இவ்வாறு செய்தி வாசிப்போர் அனைவரும்
தமிழ்ப் பற்று உடைய தமிழர்களே.
1980உடன் பிழையின்றித் தமிழ் எழுத வேண்டும்
என்ற அக்கறை போய் விட்டது. சரியாகத்
தமிழ் எழுதுபவன் அம்மண ஊரில் கோவணம்
கட்டுகிறவன்.
     

வேற்றுமை விரியில் வல்லினம் மிகும்.

வந்துகொண்டிருக்கிறார்கள் என்று எழுதினால்
வாசிப்பவனால் வாசிக்க இயலவில்லை.
எனவே  "வந்து  கொண்டு  இருக்கிறார்கள்"
என்று எழுத வேண்டிய தேவை இருக்கிறது.
நாம் எழுதுவது வாசிப்பவனுக்குப் புரிய
வேண்டுமே என்ற எண்ணமே இல்லாமல்
இருந்தால் எப்படி?

என்னுடைய இருபதுகளில் நான் கடைப்பிடித்த
மொழிநடையையும் மொழிக்கொள்கையையும்
என்னுடைய முப்பதுகளில் நான் மாற்றிக்
கொண்டேன். ஆதித்தனாரின் மொழிக்
கொள்கையில் உள்ள "தொடர்புறுத்தல்"
என்னும் அம்சம் நான் பின்பற்றி ஒழுகிய
மார்க்சியத்துடன் பெரிதும் உடன்பட்டது.

1. ஆதித்தனாரின் மொழிக்கொள்கை
2. மார்க்சியம் கூறும் வர்க்கச்
சிந்தனையின்பாற்பட்ட மொழிக்கொள்கை
3. மாணவர்களுடனான என்னுடைய இழையறாத
தொடர்பினால், அவர்களுக்குப் புரியும்
விதத்தில் பேச வேண்டிய தேவையின்பாற்பட்ட
என்னுடைய அனுபவத்தின் அடிப்படையிலான
மொழிக்கொள்கை
ஆகிய மூன்றின் ஒருங்கிணைப்பே என்னுடைய
மொழிக்கொள்கை.

இது இலக்கணம் மீறிய மரபு மீறிய
மொழிக்கொள்கை என்று கொள்ளப்படலாம்.
அது பற்றி அக்கறை கொள்ள இயலாது.

மக்களுக்காகத்தான் மொழியே தவிர,
மொழிக்காகத்தான் மக்கள் என்பதை
என்னால் ஏற்க இயலாது.

சர்வம் மனுஷ்யார்ப்பணம் என்று நமது
உபநிடதம் கூறுகிறது. எனவே மொழியும்
மனிதனுக்கே அர்ப்பணம். மனிதனை
மொழிக்கு அர்ப்பணிக்க இயலாது.
---------------------------------------------------------
பின்குறிப்பு: "ஆஹா" என்று எழுதும்போது எனக்கு
மனம் சிறிது வலிக்கத்தான் செய்கிறது. அப்படி
காலங்காலமாக எழுதுபவன் அல்ல நான்.
ஆனால் "ஆகா" என்று எழுதினால் "ஆக்கா"
என்று வாசிக்கிறானே தமிழ் மாணவன்! அதைத்
தவிர்க்கவே "ஆஹா"என்று எழுதித் தொலைக்க
வேண்டி இருக்கிறது. நாங்களெல்லாம்
மாணவர்களாக இருந்தபோது, "ஆஹா" என்ற
 எழுத்தை வாசிக்கும்போது ஒவ்வாமை ஏற்படும்.
இன்று நிலைமை தலைகீழ்.
***********************************    

தலிபானியம் என்பது பழமைவாதம்தானே!
இத்தகைய செயற்கையான காலத்துக்குப்
பின்னால் இழுத்துச் செல்லும் மொழிநடை
நிலவுடைமைச் சிந்தனையின் விளைவு.

விஞ்ஞானத்தை ஒருபோதும் விட்டுக்
கொடுப்பதில்லை. விட்டுக் கொடுக்கப்
போவதும் இல்லை. மானுட வீறு பாடுவதுதானே
சோஷலிஸ்ட் யதார்த்தவாதம் என்று சொன்னான் 
மாக்சிம் கார்க்கி.  "வேறுள குழுவை எல்லாம்
மானுடம் வென்றதம்மா"என்றுதானே கம்பன்
பாடினான்! 

இளம் வயதிலேயே மக்களை நேசிக்கக் கூடிய
ஒரு இயக்கத்தில் போய்ச் சேர்ந்தாச்சு.
அதற்கேற்ற விதத்தில் மூளையை சிந்தனையை
மாற்றிக் கொண்டாயிற்று. இது irreversible process.
எனவே மீண்டும் பழைய மனநிலைக்கோ மன
அமைப்புக்கோ போக முடியாது. 
           
 

இன்று ஞாயிறு 06.01.2019 மாலை 5.30 மணிக்கு
இயங்கியல் கூட்டம். 5, மேற்கு அவென்யூ,
கோடம்பாக்கம். அனைவரும் வருக.
தொடர்புக்கு 94442 30176.

(மேனகா கார்ட்ஸ் எதிரில்)   செந்தழல் ஞானம்
மருதுபாண்டியன் கிருஷ்ணசாமி தியாகராஜன்
திருப்பூர் குணா சிலம்பரசன் சே   த ஜீவானந்தம்


யதார்த்தத்தில் இருந்துதான் தொடங்க வேண்டும்.
அதுதான் சாத்தியமும் ஆகும். எனவே இன்று
என்ன இருக்கிறதோ எப்படி இருக்கிறதோ
அதில் இருந்து தொடங்கி நமது இலக்கை
நோக்கிச் செல்ல வேண்டும். இதுதான் வழிமுறை.
பிற அனைத்தும் கனவுகளே ஆகும்.

வெப்ப இயக்கவியலில் ஒரு விதி உண்டு.
(Law of thermo dynamics). இந்தப் பிரபஞ்சத்தையே
ஆட்டிப் படைக்கிற விதி. அது இதுதான்:
The entropy is always increasing.
Entropy = Disorderliness in a system அதாவது ஒழுங்கீனம்.
நாளாக ஆக ஒழுங்கீனம் அதிகரிக்கும் என்று
கூறும் இந்த விதி, தமிழறிவில் தமிழ் எழுத்தில்
தமிழ் வாசிப்பில்  அதிகரித்துக் கொண்டே
வரும் ஒழுங்கீனத்தைச் சுட்டிக் காட்டுகிறது.

1960, 1970..... பிழையின்றித் தமிழ் எழுதுவோர் = 90 சதம்.
1980..90////////    ....... ............ ...................................................      = 60 சதம்
1990-2000/////////////////////////////////////////////////////////........................= 30 சதம்
2000-2010///////////////////////////////////////////////////////////......................= 20 சதம்
2011-2019////////////////////////////////////////////////////..............................= 10 சதம்/

The entropy is on the increase. What to do?

    
   

சனி, 5 ஜனவரி, 2019


குமுகம், மாந்தம் என்று எழுதினால் புரியுமா?
புரியாமல் எழுதுவதா மார்க்சியம்?
பிழையுடன் எழுதுவது குளிக்காமல்
அழுக்குடன் இருப்பது போன்றது!
---------------------------------------------------------------
நியூட்டன் அறிவியல் மன்றம்
------------------------------------------------------
பரவலாகக் காணப்படும் பிழைகள், common misconceptions
ஆகியவை களையப்பட்ட, அதாவது அழுக்கு நீங்கிக்
குளித்தது போன்ற ஒரு மொழிநடையை,
தமிழ் மற்றும் ஆங்கில மொழிநடையை அனைவரும்
எழுத வேண்டும் என்ற நோக்கில், ஒரு சிறிய
முயற்சியாக பிழை திருத்தம் குறித்த வினாக்களைப்
பதிவிட்டேன். அதற்கு பெரும் வரவேற்பு
இருப்பதைக் காண முடிகிறது.

எனினும் வரவேற்பு இருப்பதாலேயே இத்தகைய
பதிவுகளைத் தொடர்ந்து எழுத முடியாது. இது
யாம் ஏற்றுக்கொண்ட பணிகளில் அடங்குவதன்று.
இது எமது வேலைத்திட்டத்திலோ நிகழ்ச்சி நிரலிலோ
கிடையாது. 

TET உள்ளிட்ட தேர்வெழுதும் மாணவர் மற்றும்
ஆசிரியர்களுக்குப் பயனளிக்கும் நோக்கில்
இப்பதிவுகள் அமையும். எனினும் இதைத் தொடர்வது
எமக்குக் கட்டுப்படி ஆகாது. எனவே இன்றுடன்
மொழியிலக்கணப் பதிவுகளை நிறுத்திக்
கொள்கிறோம்.

தமிழ்ப்பற்று மிகுதியும் கொண்டுள்ள பலரும்
தமிழில் பிழையின்றி எழுத இயலாதவர்களாகவே
இருக்கின்றனர் என்பது கண்கூடு. இந்நிலையில்
தனித்தமிழ் என்ற பெயரில் குமுகம்
(குமுகம் = சமூகம்), மாந்தம் (humanity) போன்ற
சொற்களைப் பெய்து எழுதப்படும் மருட்சியூட்டும்
மொழிநடையால் என்ன பயன் விளையும்? எனவே
தொடர்புறுத்தும் மொழிநடையையே (communicable)
தமிழர்கள் பயன்படுத்த வேண்டும் என்று
வேண்டுகோள் விடுக்கிறேன்.  

நான் தனிப்பயிற்சி மையங்களில்  வெகுகாலம்
பணியாற்றினேன். அங்கு பணியாற்றும் பலரும்
அப்போதுதான் பட்டம் பெற்று வெளியில் வந்த
இளைஞர்கள். விடுமுறையின்போது சொந்த
ஊர் சென்று திரும்பும் அவர்கள் தங்களின்
வகுப்புகளை ஓரிரு நாட்கள் எடுக்குமாறு என்னைக்
கேட்டுக் கொள்வது உண்டு.

நான் மிகுதியும் X std CBSE Maths, XI CBSE Physics,
XII State board physics ஆகியவற்றையே எடுப்பது உண்டு.
Chemistry வகுப்பு எடுக்கும் இளைஞர் அவரின்
வகுப்பை எடுக்கச் சொல்வார். அதாவது பரவாயில்லை.
Biology எடுக்கும் இளைஞர் அவரின் biology வகுப்பை
எடுக்கச் சொல்வார். Biology வகுப்புகளை நான்
எடுப்பது முறையாகாது. நன்கு தயாரித்துக்
கொண்ட பிறகுதான் அந்த வகுப்பை எடுக்க
முடியும் என்றாலும், நான் பட்டம் பெறாத
பாடங்களில் வகுப்பு எடுப்பதை நான்
விரும்புவதில்லை.

ஆங்கில வகுப்பு எடுக்கும் இளைஞர்களும்
அவர்களின் வகுப்புகளை நமது தலையில்
கட்டுவார்கள்.எந்த ஒரு பயிற்சி மையத்திலும்
நிலவும் சூழ்நிலை என்னவெனில், ஒரு ஆசிரியர்
வராத நிலையில், இருக்கும் பிற ஆசிரியர்கள்
அந்த வகுப்புகளை எடுக்க வேண்டும் என்பதே.

எனவே தனிப்பயிற்சி மைய ஆசிரியர் ஒரு சகல
கலா வல்லவனாக இருக்க வேண்டும் என்பது
எதிர்பார்ப்பு. இதை உணர்ந்து கொள்ள எனக்குச்
சிறிது காலம் .பிடித்தது. உணர்ந்து கொண்டதும்
என் மீதான எதிர்பார்ப்பை வெகு சிறப்பாக
நிறைவேற்றினேன். இதன் பயன் என்னவெனில்,
இன்று இத்தனை வயதுக்குப் பிறகும், பள்ளிப்
பாடங்களில் ஆழமான பரிச்சயமும் புரிதலும்
இருப்பதுதான்.

கண்டது கற்கப் பண்டிதன் ஆவான். அவன்
சமூகத்திற்குப் பயன்படுவான்.

எனவே தமிழ் ஆங்கிலம் இந்தி  சமஸ்கிருதம்
உள்ளிட்ட மொழிகளையும் கணிதம் அறிவியல்
போன்ற பாடங்களையும் !படியுங்கள்!
படியுங்கள்! எதையும் ஒதுக்காதீர்கள்!

படிப்பதற்கும் படிப்பிப்பதற்கும் எதிராக உள்ள
பிற்போக்குச் சக்திகளை முறியடியுங்கள்.
************************************************                      


வெள்ளி, 4 ஜனவரி, 2019

மீண்டும் இயங்கியல் வகுப்புகள்!
வரும் ஞாயிறு 06.01.2019 மாலை 5.30  மணி முதல்.
----------------------------------------------------------------------------------
நியூட்டன் அறிவியல் மன்றம்
---------------------------------------------------------------------------
இடம்: 5. மேற்கு அவென்யூ, கோடம்பாக்கம்,
சென்னை 600 024.(:மேனகா கார்ட்ஸ் எதிரில்)
அடையாளம்: சேகர் எம்போரியம்
கோடம்பாக்கம் மேம்பாலம் எதிரில் உள்ள தெரு.

நாள்: ஞாயிறு 06.01.2019 மாலை 5.30 மணி முதல்

பொருள்: இயங்கியல் வகுப்பு-6
மீள்பார்வை மற்றும் சார்பியல் கொள்கை,
குவான்டம் கொள்கை, இயங்கியல்.

உரை: பி இளங்கோ சுப்பிரமணியன்
தலைவர், நியூட்டன் அறிவியல் மன்றம். 
அனைவரும் வருக!
 **************************************************

இன்று ஜனவரி 4 நியூட்டன் பிறந்த  நாள்!
கிரகோரி காலண்டரின்படியும்,
உலகப் பொதுக் காலண்டரின்படியும்
ஜனவரி 4 நியூட்டன் பிறந்த நாள்!
இந்த உலகம் நியூட்டனுக்கு கடன் பட்டுள்ளது!  


மருதுபாண்டியன் திருப்பூர் குணா செந்தழல் ஞானம்

அ கா ஈஸ்வரன்

சிலம்பரசன் சே 
     கிருஷ்ணசாமி தியாகராஜன்

திரு தேனமுதன் Then Amudhan அவர்களின் பதிவு!
------------------------------------------------
பொருள்முதல்வாதம் கற்பீர்!
இன்று ஜனவரி 4. குவான்டம் இயற்பியல் அறிஞர்
எர்வின் ஷ்ராடிங்கர் மறைந்த நாள்.

ஷ்ராடிங்கரின் சமன்பாடுகள் பற்றி எதுவும்
தெரியாமல், பொருள்முதல்வாதம் கற்றதாக
எவரும் கூற இயலாது.

எனினும் ஷ்ராடிங்கரின் சமன்பாடு பற்றி அறிய
இயற்பியலில் வலுவான அடிப்படையும்
நல்ல புலமையும் அவசியம்.
*************************************** 
ஷ்ராடிங்கரின் பூனை
---------------------------------------
ஷ்ராடிங்கரின் பூனை என்ற தலைப்பில்
நான் எழுதிய கட்டுரையை அறிவியல் ஒளி
இதழில் படிக்கலாம்.


அறிவியலைக் கற்காமல்
பொருள்முதல்வாதத்தைக் கற்க முடியாது.
அறிவியல் கற்காதவன் பொருள்முதல்வாதம்
கற்றதாகக் கூறுவது பேதைமையுள் எல்லாம் பேதைமை ஆகும்  


நித்யானந்தா ஐன்ஸ்டீனுக்கு எதிராகக் கூறிய
எதுவும் சாரமற்றதாகவும் விமர்சிப்பதற்கான
அருகதையற்றதாகவும் உள்ளது.


Schrodinger's cat is unparalleled in the history of science.
Butterfly analogy was used by Edward Lorenz while explaining
chaos theory and this is less popular than Schrodinger's cat.

Russian Doctor Pavlov made many experiments
with dogs.Thus animals and insects were used by scientists and
of all these, Schrodinger's cat stood first in explaining the
complex quantum theory to the laymen.


aangilam

ஆங்கிலம் அறிக!
hedgehog என்றால் என்ன?
porcupine என்றால் என்ன?
பொருள் அறிக! விடை தருக!
  

நல்ல ஆங்கிலப் புலமை உள்ளவர்கள்
முதலிலேயே விடை எழுத வேண்டாம் என்று
கேட்டுக் கொள்கிறேன்.

இலக்கணக் குறிப்புத் :தருக:-
1. வாடாமலர் 2. ஆடிய பாதம்
3. தேங்காய் பழம் 4. அவனும் அவளும்.
5.தேடிய செல்வம்.

பண்ணட்டுமே! நல்லதுதானே!
 

-
 ஈயத்தைப் பார்த்து இளித்ததாம் பித்தளை.
என்பதற்கு இணையான ஆங்கிலப்
பழமொழி இதுதான். சிறந்த ஆங்கிலப் புலமை
உடைய கோதை நாச்சியார் விடையளித்து விட்டார்.
நன்றி..


கடந்த 11 ஆண்டுகளாக வெளிவந்து கொண்டிருக்கும்
அறிவியல் மாத இதழே அறிவியல் ஒளி. இது
கடைகளில் கிடைக்காது. சந்தா கட்டிப்
பெற்றுக்  கொள்ள வேண்டும். இதழின் ஆசிரியர்
திரு நா சு சிதம்பரம் அவர்களைத் தொடர்பு
கொள்ளவும்.
அலைபேசி: 94440 63497.
மின்னஞ்சல் ariviyaloli@yahoo.co.in 


இலக்கணக் குறிப்பு:
கேள்வியும் பதிலும்!
------------------------------------
கேள்வி:
இலக்கணக் குறிப்புத் :தருக:-
1. வாடாமலர் 2. ஆடிய பாதம்
3. தேங்காய் பழம் 4. அவனும் அவளும்.
5.தேடிய செல்வம்.

பதில்கள்:
------------------ 
1. வாடா மலர் = ஈறு கெட்ட எதிர்மறைப் பெயரெச்சம்.
 வாடாத என்றால்  ஈறு கெடவில்லை.
வாடா என்றால் ஈறு கெடுகிறது.
 வாடிய என்றால் நேர்மறை; வாடாத என்றால்
எதிர்மறை.

2. ஆடிய பாதம் = பெயரெச்சம்.
ஆடிய என்பதில் செய்தி முற்றுப்பெறவில்லை.
எனவே இது எச்சம். ஆடினான் ஆடினாள் என்றால்
அது முற்று. செய்தி முற்றுப்பெற்ற நிலை.
ஆடிய தேடிய படித்த உண்ட பூத்த சமைத்த
ஆகியவை எச்சங்கள். ஆடினான், தேடினான்,
படித்தான், உண்டான், பூத்தது, சமைத்தான்
ஆகியவை முற்றுப் பெற்றவை.

ஆடிய என்னும் எச்சம் பாதம் என்னும் பெயரைத்
தழுவி நிற்பதால் இது பெயரெச்சம்.
 
எச்சம் பெயரைத் தழுவுமாயின் பெயரெச்சம்.
வினையைத் தழுவுமாயின் வினையெச்சம்.
படுத்து உறங்கினான் என்பதில் படுத்து
என்னும் எச்சம் உறங்கினான் என்னும் வினையைத்
தழுவி நிற்பதால் அது வினையெச்சம் ஆகும்.

கடித்துத் தின்றான், பார்த்து மகிழ்ந்தான் ஆகியவை
வினையெச்சங்கள்.

3. தேங்காய் பழம் = உம்மைத்தொகை
தேங்காயும் பழமும் என்று வர வேண்டும்.
அவ்வாறு வராமல் உம் என்பது (உம்மை)
தொக்கி நிற்கிறது. அதாவது மறைந்து
நிற்கிறது. எனவே இது உம்மைத்தொகை.

ஆண் பெண், பட்டி தொட்டி, நாடு நகரம்,
வெற்றிலை பாக்கு, கணவன் மனைவி,
தாய் தந்தை ஆகியவையும் உம்மைத்தொகையே.

4. அவனும் அவளும் = எண்ணும்மை.
ஆணும் பெண்ணும், ஆடும் மாடும் போன்றவற்றில்
வரும் உம்மை எண்ணுபம் எண்ணுப் பொருளில்,
எண்ணிக்கைப் பொருளில் வருவதால் எண்ணும்மை
ஆகும். உம்மைத்தொகை எண்ணும்மை இரண்டுக்கும்
உள்ள வேறுபாட்டையும் அறிந்திடுக.

5. தேடிய செல்வம் = பெயரெச்சம்.
-----------------------------------------------------------------------

சரியான விடையும் விளக்கமும்
-------------------------------------------------------
ஆங்கிலத்தைத் தாய் மொழியாகக் கொண்டவர்கள்
( Native speakers of English) porcupine, hedgehog இரண்டையும்
ஒரே பொருளில் பயன்படுத்துகிறார்கள். முள்ளெலி,
முள்ளம்பன்றி, கடலில் வாழும் ஒருவகை முள் மீன்
ஆகிய அனைத்தையும் குறிப்பிட hedgehog
பயன்படுகிறது. அதாவது முதுகில் முள்ளடர்ந்த
விலங்கு என்றே இரண்டும் பொருள்படுகின்றன.
Cambridge அகராதி முள்ளடர்ந்த விலங்கு என்றே
குறிப்பிடுகிறது. 

மேலும் விவரம் அறிய விரும்புவோர் Cambridge Dictionaryஐப்
புரட்டவும்.  விடையளித்த அனைவருக்கும் நன்றி.

------------------------
நியூட்டன் அறிவியல் மன்றத்தின்
பதிவுகளைப் படிக்காதவர்கள்
நிறையவே இழக்கிறார்கள்!
பெருத்த சேதாரத்துடன் கூடிய இழப்பு!
------------------------------------------------------------------

வரம்பற்ற குரங்குகள் தேற்றம்!
புதிய தமிழ்ச் சொற்களுக்கு வழி வகுக்குமா?
-----------------------------------------------------
நியூட்டன் அறிவியல் மன்றம்
-----------------------------------------------------------
வரம்பற்ற குரங்குகள் தேற்றம் என்று ஒரு
தேற்றம் நிகழ்தகவில் உண்டு.
Infinite monkey theorem என்று ஆங்கிலத்தில்
கூறுவார்கள்.

நிறையவே குரங்குகள் வேண்டும்.
குரங்குகளின் எண்ணிக்கை வரம்பிலியாக
(infinity) இருக்க வேண்டும். அந்தக் குரங்குகளிடம்
தட்டச்சு எந்திரத்தின் கீ போர்டுகளைக்
(keyboards) கொடுக்க வேண்டும். அவைகள்
டைப் அடிக்கும்.

குரங்குகள் எவ்வளவு நேரம் டைப் அடிக்கும்?
நேரத்துக்கு வரம்பு கிடையாது.
வரம்பற்ற நேரம் (infinite time) அவை டைப் அடிக்கும்.

அப்படி வரம்பற்ற குரங்குகள் வரம்பற்ற நேரம்
டைப் அடிக்குமானால், அக்குரங்குகளால்
சேக்ஸ்பியரின் நாடகங்கள் முழுவதையும்
மிகச்சரியாக டைப் அடித்துக் கொடுக்க இயலும்.

ஒவ்வொரு குரங்கும் காமா சோமா என்று டைப்
அடிக்கும்தான். என்றாலும் வரம்பற்ற குரங்குகள்
வரம்பற்ற நேரம் டைப் அடிப்பதால், அவற்றுள்
சேக்ஸ்பியரின் படைப்புகள் சரியாக டைப்
அடிக்கப்பட்டு இருப்பதற்கான வாய்ப்பு
மிக மிக அதிகம். இதுதான் வரம்பற்ற குரங்குகள்
தேற்றம் (infinite monkey theorem)

சிந்தித்துப் பாருங்கள். இது ஒரு உறுதியாக
நடக்கக் கூடிய நிகழ்வாக இருக்கக் கூடும் (sure event).

காமா சோமா என்று தமிழ் எழுத்துக்களைத்
தட்டச்சு செய்தால், அவற்றில் இருந்து 
அர்த்தமுள்ள சொற்களை உருவாக்க இயலும்
என்று சில கணிப்பொறி நிபுணர்கள் முயற்சி
செய்து .வருகின்றனர். அவர்களின் முயற்சி
பலனளிப்பதற்கான வாய்ப்பு அதிகம்.
****************************************** 

 .

புதன், 2 ஜனவரி, 2019

செயற்கைத் தோல் PINATEX 
மின்சாரம் 20ஆம் நூற்றாண்டின் கொடை
என்றும் மார்க்ஸ் எங்கல்ஸ் காலமான
19ஆம் நூற்ராண்டில் மின்சாரம் கிடையாது
என்றும் நான் தொடர்ந்து கூறி வருகிறேன்.
அதற்கான நிரூபணமாக இத்தகவல்கள்
வெளியிடப் படுகின்றன.    

சரியான விடையும் விளக்கமும்!
-------------------------------------------------------
அது கார்பன் இழை. 10 மணி நேரம் முதல்
அதிகபட்சமாக  14 மணி நேரம் மட்டுமே எரிந்தது.
இன்றைய டங்ஸ்டன் இழையுடன்  கூடிய பல்பு
வருடக்கணக்கில் எரிகிறது.

தமிழினி சுதா ஆறுமுகம்

மார்க்ஸ் எங்கல்ஸ் காலத்தில் மின்சாரம் இல்லை.
மின்சாரத்தால் இயங்கும் தொழில்கள் இல்லை.
மின்சாரம்  என்பதே 20ஆம் நூற்றாண்டின் கொடை.

மின்சாரம் வந்தது 20ஆம் நூற்ராண்டில்


தமிழினி


-----------------------------------------------
ஆரியனும் இல்லை; பார்ப்பானும் இல்லை. சித்திரைப் 
புத்தாண்டை அறிவியல் அடிப்படையில் உருவாக்கியவன் 
தமிழன். ஆரியன் அல்ல. SUMMER SOLSTICE எனப்படும் 

கோடைக்கால கதிர்த்திருப்பத்தின் அடிப்படையில் 
சித்திரைப் புத்தாண்டை உருவாக்கியவன் தமிழன்.
இந்த உண்மையை உணர்தல் வேண்டும். அடுத்து 
இது ஆரிய--திராவிட சர்ச்சைக்கான கட்டுரை அல்ல.
இது அறிவியல் கட்டுரை. எனவே சித்திரையும் தையும் 
ஆவணியும் தமிழரின் புத்தாண்டுகளே. அவை 
நமது பண்பாட்டுப் புத்தாண்டுகள் ஆகும்


=================================================


செவ்வாய், 1 ஜனவரி, 2019

இயங்கியல் வகுப்புகள் நடைபெறும் இடம்:
---------------------------------------------------------------------------
OBC வங்கி ஊழியர் நலச்சங்க அலுவலகம்
எண்: 5, மேற்கு அவென்யூ
கோடம்பாக்கம், சென்னை 600 024.
அடையாளம்: மேனகா கார்ட்ஸ் .எதிரில்
கோடம்பாக்கம் ரயில்  நிலையம் அருகில் உள்ள
மேம்பாலத்தை ஒட்டிய தெரு,
பேருந்து நிறுத்தம்: சேகர் எம்போரியம்.


பசி தாக்கம் தூக்கம் காமம் இந்நான்கும்
உயிரியல் .துடிப்புகள். புலனடக்கம் எளிதில்
கைகூடாது.
உலகெங்கும் இரண்டு காலண்டர்கள்!
-----------------------------------------------------------------
நியூட்டன் அறிவியல் மன்றம்
---------------------------------------------------------------
உலக மக்கள் அனைவரும் இரண்டு காலண்டர்களைக்
கொண்டு இருக்கிறார்கள். ஒவ்வொரு கலாச்சாரமும்
இரண்டு காலண்டர்களைக் கொண்டுள்ளது.

1. உற்பத்திக்கான காலண்டர்
2. மரபார்ந்த பண்பாடு சார்ந்த காலண்டர்.

உற்பத்திக்கான காலண்டரை தமிழகத்தில் சிலர்
ஆங்கிலப் புத்தாண்டு என்று .தவறாக அழைக்கின்றனர்.
உண்மையில் அது ஆங்கிலப் புத்தாண்டு அல்ல.
ஆங்கிலேயர்களுக்கும் பிரெஞ்சுக்காரர்களுக்கும்
ஜப்பானியர்களுக்கும் சீனர்களுக்கும்
தமிழர்களுக்குமான காலண்டர் அது.

அது உலகப் பொது காலண்டர் ஆகும். இன்றைய
தேதியை நாம் 01.01.2019 என்று குறிப்பிடுகிறோம்
அல்லவா? இப்படி நாம் பின்பற்றி வரும்
காலண்டர் உலகப் பொதுக் காலண்டர் ஆகும்.
இதை அறிவியல் அறிஞர்கள் உருவாக்கிப் பேணி
வருகின்றனர்.

மதத் தலைவர்களின் ஆதிக்கத்திலும்
கட்டுப்பாட்டிலும் இருந்த இந்தப் பொதுக்
காலண்டர் தற்போது அறிவியலின்
கட்டுப்பாட்டுக்குள் வந்து விட்டது.
கிமு கிபி என்கிற கிறிஸ்து சகாப்தம் எல்லாம்
போயே போய் விட்டது என்று ஆயிரம் முறை
கூறி உள்ளேன்.

இந்த உலகப் பொதுக் காலண்டர் மதச்சார்பு
எதுவும் இல்லாதது. உலக மக்கள் அனைவருக்கும்
அனைத்து நாட்டினருக்கும் அனைத்து
கலாச்சாரத்திற்கும் பொதுவானது. எனவே இதை
ஆங்கிலப் புத்தாண்டு என்றோ, ஆங்கிலக்
காலண்டர் என்றோ அழைப்பது தவறாகும்.

இந்தக் காலண்டர்தான் சமூகத்தின் பொருள்
உற்பத்தியில் இருக்கிறது. அதாவது இது
உற்பத்திக்கான  காலண்டர் ஆகும்.

அடுத்து மரபார்ந்த காலண்டர். ஒவ்வொரு
கலாச்சாரத்தைச் சார்ந்த மக்களும் தங்களின்
பண்பாட்டில், மரபில் உருவாக்கிப் பேணி
வந்த காலண்டரே இதுவாகும்.

உதாரணமாக சித்திரையைப் புத்தாண்டாகக்
கொண்ட தமிழ்க் காலண்டரை நாம் கடந்த
நூற்றாண்டு வரை நடைமுறையில் வைத்து
இருந்தோம். சித்திரை அல்லது தை என்று எதை
ஆண்டின் தொடக்கமாகக் கொண்டாலும்,
இந்தக் காலண்டர் நமது பண்பாட்டுக்
காலண்டர் ஆகும்.

இந்தத் தமிழ்க் காலண்டரின்படி, இன்று என்ன
தேதி? அநேகமாக விரல் விட்டு எண்ணக்கூடிய
ஒரு சிலருக்குத்தான் இன்று மார்கழி மாதம்
என்பதும் தேதி 17 என்பதும் தெரியும். 99 சதம்
தமிழர்களுக்குத் தெரியாது. ஏனெனில்
தமிழ்க் காலண்டர் உற்பத்தியில் இல்லை.

மலையாளிகள் கொல்லம் ஆண்டுக் கணக்கையும்
விஷுவைப் புத்தாண்டுப் பிறப்பாகவும் ஏற்றுள்ளனர்.
தெலுங்கர்கள் யுகாதியை புத்தாண்டுப் பிறப்பாக
ஏற்றுள்ளனர்.

உலகம் முழுவதும் இரண்டு காலண்டர்களும்
பயன்பாட்டில் இருக்கின்றன. இஸ்லாமியர்கள்
தங்களின் ஹிஜிரா காலண்டரையும் உலகப்
பொதுக் காலண்டரையும் ஏற்றுக் கொண்டுள்ளனர்.
சீனர்கள் தங்களின் மரபார்ந்த காலண்டரையும்
உலகப் பொதுக் காலண்டரையும் ஏற்றுள்ளனர்.

தமிழர்களைப் பொறுத்தமட்டில் தமிழ் தமிழ்
போலிக்கூச்சல் காதைத் துளைக்கிறது.
அப்படிக் கூச்சலிட்ட ஒரு பயலிடம் கேட்டேன்.
இன்றைக்கு தமிழ்த்தேதி என்ன என்று. பேய்முழி
.முழித்தான். மார்கழி மாசம் என்று  கூடச்
சொல்லத் தெரியாத நாய்கள்தான் அதிகம்
குரைக்கின்றன.

திருப்பாவையில் ஏதாவது ஒரு பாட்டுச் சொல்லுலே
என்றேன்; ஓடி விட்டான். தமிழ்ப் பண்பாட்டின்
மீதான பற்று தமிழனுக்கு இருக்கிற லட்சணம்
இதுதான்!

உற்பத்திக் காலண்டரான உலகப் பொதுக்
காலண்டரை யார் எவராலும் புறந்தள்ள
முடியாது. இந்த உண்மையை உணர வேண்டும்.
******************************************************.