Ilango Arasiyal

மன்னிக்கவும் தோழர் பகத்சிங் பாரதி.
சாதி உற்பத்தி உறவாகவும் இருக்கிறது என்று
சொல்ல வரவில்லை. உற்பத்தி உறவாக சாதி
இருக்க வேண்டுமென்றால், அது உற்பத்தியில்
தாக்கம் செலுத்த வேண்டும் என்ற நிபந்தனை
உள்ளது என்று மட்டுமே கூறியுள்ளேன்.

நவீன கால உற்பத்தியில், சாதியானது எவ்விதத்திலும்
உற்பத்தியின் மீது தாக்கத்தை ஏற்படுத்தவில்லை
என்பது அனைவரும் அறிந்த வெளிப்படை உண்மையே.

ஆனால் சாதி தோன்றிய ஆரம்ப  காலக்கட்டத்தில்,
தொடக்கநிலை நிலவுடைமை உற்பத்தி நிலவிய காலத்தில்
சாதி உற்பத்தியில் என்ன பங்கு வகித்தது என்று கூற
எந்த ஆய்வு முடிவும் இல்லை. 

இரும்பின் பயன்பாட்டை இந்திய சமூகம் அறிந்து
கொண்டதைத் தொடர்ந்து, இரும்பு சார்ந்த வேலைகளில்
திறன் பெற்றோர் பெரும் சமூக அந்தஸ்த்தைப்
பெற்றிருந்தனர். இரும்பு சார்ந்த வேலைப்பிரிவினைகளே
பின்னாளில் சாதியாகப் பரிணமித்தது என்ற
கோட்பாடு மட்டுமே சாதியின் தோற்றத்தைச்
சரியாக விளக்கும் ஒரு கோட்பாடு. எனவே அக்காலக்
கட்டத்தில், சாதி உற்பத்தியின் மீது தாக்கம்
விளைவித்ததா, சாதி உற்பத்தி உறவாகவும்
இருந்ததா என்பனவெல்லாம் மார்க்சிய
ஆய்வுக்குக் காத்திருக்கும் விஷயங்கள்.

இக்கட்டுரை சாதியின் தோற்றம் பற்றிப் பேசும்
கட்டுரை அல்ல. எனவே அது குறித்துப் பின்னர்
பார்ப்போம். நவீன கால உற்பத்தியில்,சாதியானது
உற்பத்தி உறவாக இல்லை என்பது கண்கூடு. 
-------------------------------------------------------------------------------
தனித்தமிழ் தலிபானியம் என்றால் என்ன?
-------------------------------------------------------------------------
தமிழில் நவீன அறிவியலை எழுதும்போது,
புதிய கலைச்சொற்களை உருவாக்கும்போது,
தனித்தமிழ் தலிபானியம் என்ற போக்கு (trend)
உருவாகி உள்ளது. தியாகு அவர்கள் மட்டுமல்ல
வேறு சிலரும் தலிபானியக் கொள்கைகளைக்
கடைப்பிடிக்கின்றனர்.

இயற்பியலில் singularity என்ற சொல்லுக்கு முற்று ஒருமை
என்று எழுதலாம் என்று சொன்னால் தியாகு அவர்கள்
இயன்வழுப்புள்ளி என்பார். Positron என்ற சொல்லுக்கு
நேர்மம் என்று எழுதலாம் என்று சொன்னால்,
Proton என்ற சொல்லுக்கு நேர்மம் என்று எழுதலாம்
என்பார் தியாகு.

எனவே அறிவியல் கற்ற, அறிவியல் கலைச்
சொல்லாக்கத்தில் பயிற்சி பெற்ற, இருமொழிப்
புலமையுடன் மொழிபெயர்ப்புத் திறன் பெற்ற
அறிஞர் பெருமக்கள் இந்த விஷயத்தில் கருத்துக்
கூறுவது ஏற்புடைத்தாக அமையும்.

பேதை கழாஅக்கால் பள்ளியுள் வைத்தற்று என்பது
போன்ற செயல்கள் தவிர்க்கப் பட வேண்டும்.