வெண்பா வெண்பா வெண்பா
இப்போது இங்கு ஐந்து வெண்பாக்களைத்
தந்துள்ளேன். அவற்றைப் படியுங்கள்!
--------------------------------------------------
வளையணிந்த பெண்ணே தொகைஎட்டும் கேளாய்
திளைத்திடும் நற்றிணை ஐங்குறுநூ றும்அகம்
சீர்புறம் மன்னுபரி பாடல் குறுந்தொகை
சூழ்பதிற்றுப் பத்துகலி என்க.
------------------------------------------------
திருமுருகு சீர்பொருநர் நற்சிறுபாண் நற்பெரும்
பாண்எனஆற் றுப்படை மீன்மதுரைக் காஞ்சிமுல்லைப்
பாட்டுநெடு நல்வாடை பட்டினப்பா லைகுறிஞ்சிப்
பாட்டும லைபடுக டாம்.
------------------------------
பாடா வதியே தரக்குறைவே வேண்டாமே
கேடான மென்பொருளே இந்தியா --நாடா
பெகாசசே பேயே பிசாசே இகழ்வோமே
ஆகாதென் றுன்னை யே.
----------------------------------------
பசும்பொன்னில் தோன்றிய ஆடகப்பொன் தெய்விகமும்
தேசியமும் கண்ணிரண்டாய்க் கொண்டகோ- காசுபணம்
தேடாமல் மாசெதுவும் அண்டாமல் வாழ்ந்தொளிர்ந்த
தேவரையா வாழியவே நீடு.
------------------------------------------
வாங்கிய கோடிபத்தில் என்பங்கு எங்கேகூறு
வீங்கிடும் கன்னம் என்றுகையிலே --ஓங்கிய
வாளுடன் அங்கே பொலிட்பீரோ கூட்டத்தில்
தோள்தட்டும் நம்அருணன் பார்.
-----------------------------------------
வெண்பாவுக்கோர் புகழேந்தி!
புகழேந்திப் புலவர் பாண்டி நாட்டவர்.
அவர்தான் நான்!
--------------------------------------------------------
கருத்துகள் இல்லை:
கருத்துரையிடுக