Ilango Arasiyal

மேற்கூறிய கேள்விகள் பிறிதொரு நீளமான கட்டுரையைக்
கோருகின்றன. போன மாதம் இது குறித்து மிகவும் ஆழமாக
சென்னை அலுவலர்கள் சங்கக் கூட்டத்தில் பேசினேன்.
Power point presentation மற்றும் செய்முறை விளக்கத்துடன்
பேசியதால் சுலபமாகப் புரிந்து கொண்டனர் அவையோர்.
தற்போது, விரைவில் பெரியார் திடலில் இது குறித்துப்
பேச உள்ளேன். சென்னையில் உள்ளவர்கள் என்றால்
கூட்டத்துக்கு வரலாம். தற்போது, வெளி எவ்வாறு வளைந்து
உள்ளது என்பதைக் காட்டும் சில படங்களை அடுத்த
கமென்ட்டில் இணைத்துள்ளேன்.

ஒரு கனமான பொருள் அது இருக்கும் இடத்தில்,
அண்ட வெளியை எப்படி வளைத்து விடுகிறது என்பதைக்
காட்டும் படம்.

நமது சூரியன் அண்டவெளியில் உள்ளது. இந்தச் சூரியனை
சுற்றி வரும் பூமி உட்பட எட்டுக் கோள்களும் அண்டவெளியில்
உள்ளன. நமது சூரியக் குடும்பம் பால்வீதி (Milky way) என்னும்
காலக்சியில் உள்ளது. நமது  காலக்சி (நட்சத்திரக் கூட்டம்)
போன்று பத்தாயிரம் கோடி காலக்சிகள் இந்தப் பிரபஞ்சத்தில்
உள்ளன. இவை அனைத்தும் அண்ட வெளியில்தான் உள்ளன.
ஆக, கற்பனைக்கும் அப்பாற்பட்ட அளவு பெரியது  அண்டவெளி.
இங்கு கூறுவது அனைத்தும் அறியப்பட்ட பிரபஞ்சம்
(observable universe) பற்றிய தகவல்கள் மட்டுமே. அறியப்படாத
பிரபஞ்சமும் உள்ளது. இவை அனைத்தையும் உள்ளடக்கியது  
அண்டவெளி ஆகும்.
**
அண்டவெளி எல்லையற்றதா அல்லது எல்லைக்கு
உட்பட்டதா என்ற கேள்விக்கு நிரூபணத்துடன் கூடிய
விடை இன்று விஞ்ஞானிகளிடம் இல்லை. பல்வேறு
அனுமானங்கள் மட்டுமே உள்ளன.