மார்க்சியக் கல்வியில் பின்தங்கும் தமிழகம்!
அணில் ஆணி இலை ஈக்களைத் தாண்டாத அரிச்சுவடி மார்க்சியம்!
மார்க்சியம் கற்க ஆங்கிலம் தேவையா?
-------------------------------------------------------------------------
நியூட்டன் அறிவியல் மன்றம்
-------------------------------------------------------------------------
மார்க்சும் எங்கல்சும் கம்யூனிஸ்ட் அறிக்கையை
எழுதிய 1848ஆம் ஆண்டையே கம்யூனிசத்தின்
தொடக்கமாகக் கொள்ளலாம். அப்படியானால்
உலகில் கம்யூனிசம் தோன்றி 170 ஆண்டுகள்
ஆகிவிட்டன. இந்தியாவிலும் கம்யூனிஸ்ட்
இயக்கத்தின் வயது நூறை நெருங்குகிறது.
எனினும் மார்க்சியக் கல்வியானது அரிச்சுவடி
நிலையைத் தாண்டவில்லை. மார்க்சியர்கள்
என்போரின் மார்க்சிய அறிவு அணில் ஆணி இலை
ஈக்கள் என்ற மட்டத்திலேயே தேங்கி நிற்கிறது.
1960-1980 காலக்கட்டத்தில் NCBH நிறுவனம் 5 காசு
10 காசு விலையில் காத்திரமான மார்க்சிய
நூல்களை வழங்கியது. ஒரு ஐந்து ரூபாய்
செலவில் ஓராண்டு முழுவதும் படிப்பதற்குத்
தேவையான புத்தங்கங்களை NCBH வழங்கியது.
மார்க்சிய நூல்களை மட்டுமின்றி, பெருமளவிலான
அறிவியல் நூல்களையும் NCBH வழங்கியது.
இவை அனைத்தும் மாஸ்கோவில் உள்ள முன்னேற்றப்
பதிப்பகத்தில் அச்சடித்து சோவியத் ஒன்றியத்தால்
இலவசமாக வழங்கப்பட்ட நூல்களாகும்.
பெரல்மான் எழுதிய பொழுதுபோக்குப் பௌதிகம்
என்ற அறிவியல் நூல் இன்று 200 ரூபாய். அன்று
10 காசுக்கு கிடைத்தது. அதுதான் பொற்காலம்.
அ) 1990களில் சோவியத்தின் வீழ்ச்சி, ஆ) பின்னர் சீனத்தின்
வீழ்ச்சி, இ) தொடர்ந்து இந்தியாவில் நக்சல்பாரி
இயக்கம் பின்னடைந்தும் பிளவுபட்டும் பல்வேறு
குழுக்களாகச் சிதறியமை, ஈ) NGO எனப்படும்
ஏகாதிபத்தியத் தொண்டு நிறுவனங்களின் பெருக்கம்,
உ) பின்நவீனத்துவம் இந்தியாவில் அறிமுகமாகி
செல்வாக்குப் பெற்றது உள்ளிட்ட பல்வேறு காரணங்களால்
மார்க்சியம் செல்வாக்கு இழந்தது.மார்க்சியச் செயல்பாடுகள் குறைந்தன. கூடவே மார்க்சியக் கல்வியும் வீழ்ந்தது.
எனினும் 90களில் நம் நாட்டில் இணையம் பரவலாகத்
தொடங்கியது. இந்த மில்லேனியத்தின் தொடக்கத்தில்
மின்னஞ்சல், மொபைல் பேசி, முகநூல் உள்ளிட்ட
சமூக வலைத்தளங்கள் பெருகி, மார்க்சியக்
கல்விக்கான புதிய வாசல்களைத் திறந்தன.
வலைத்தளங்கள் (web sites), தேடுபொறிகள், கூகுள்,
விக்கிப்பீடியா, யூடியூப் உள்ளிட்ட இணைய வசதிகள்
மார்க்சியக் கல்விக்கான புதிய வாய்ப்புகளை நல்கின.
மார்க்ஸ் எங்கல்ஸ் லெனின் உள்ளிட்ட மூல ஆசான்களின்
நூல்கள், பிற மார்க்சிய இலக்கியங்கள், மார்க்சியத்
திறனாய்வு நூல்கள், கட்டுரைகள், மற்றும் அறிவியல்
நூல்கள் கட்டுரைகள் வீடியோக்கள் ஆகியவை
இணையத்தில் கணக்கு வழக்கின்றி இலவசமாகக்
கிடைக்கின்றன. உதாரணமாக, எங்கல்சின்
" இயற்கையின் இயக்கவியல்" என்ற நூல்
இணையத்தில் இலவசமாகக் கிடைக்கிறது.
மார்க்சியத்தின் அடிப்படை நூல்களில் முக்கியமான
நூலாகும் இது. ஆனால் இந்நூல் ஆங்கிலத்தில்
மட்டுமே கிடைக்கிறது.
இது மட்டுமின்றி, வேண்டிய எந்த மார்க்சிய நூலும்
இணையத்தில் இலவசமாக ஆனால் ஆங்கிலத்தில்
கிடைக்கிறது. மார்க்சியம் கற்க விரும்புவோர்க்கு
இது ஒரு வரப் பிரசாதம் என்றாலும், இந்த வாய்ப்பை
அனுபவிக்க, ஆங்கிலம் தெரிந்திருப்பது அவசியமாகிறது.
இங்கு ஆங்கிலம் தெரிந்திருத்தல் என்பது ஆழமான
ஆங்கிலப் புலமையை மட்டுமே குறிக்கிறது.
ரயில் நிலையத்தில் டிக்கட் வழங்கும் பொறுப்பில்
உள்ள ஒரு அரசு ஊழியர்க்கோ அல்லது வங்கியில்
உங்களின் அக்கவுண்டில் இருந்து பணம் தரும் வங்கி
ஊழியர்க்கோ தெரிந்திருக்கும் ஆங்கிலம்
மார்க்சியம் கற்கப் போதாது. மார்க்சிய
இலக்கியங்களை ஆங்கிலம் வழி கற்க விரும்பும்
எவர் ஒருவருக்கும் ஆழமான ஆங்கிலப் புலமை
தேவை என்பது கண்டிப்பான முன்நிபந்தனை ஆகும்.
உதாரணமாக, 1980-90களில் சோவியத்தில் கோர்பச்சேவ்
கொண்டு வந்த கிளாஸ்நாஸ்ட், பிரஸ்டோரிக்கா
(Glasnost and Perestroika) ஆகிய சீர்திருத்தங்களைப்
பற்றி அறிந்திட, இணையத்தில் தேடினால், இலவசமாக
100 நூல்களும் 10,000 கட்டுரைகளும் ஆங்கிலத்தில்
கிடைக்கின்றன.(பிரெஞ்சு, ரஷ்யன், ஜெர்மனி,
இத்தாலி ஆகிய ஐரோப்பிய மொழிகளிலும்
கிடைக்கின்றன). ஆனால் தமிழில் இப்பொருளில்
என்ன கிடைக்கிறது என்று பார்த்தால் ஏமாற்றமே
மிஞ்சும். ஒன்றிரண்டு கட்டுரைகள் கிடைத்தாலே
மிகவும் அபூர்வம்.
சுருங்கக் கூறின், மார்க்சியக் கல்விக்கான
பிரம்மாண்டமான வாய்ப்புகளை இணையம்
வழங்கினாலும், அவற்றை அறிவுஜீவிகளே
பயன்படுத்த முடியும் என்ற நிலையே உள்ளது.
SSLC, ப்ளஸ் டூ அல்லது அதற்கும் குறைவாகப்
படித்தவர்களால், ஆங்கிலத்தில் மட்டுமே உள்ள
மார்க்சிய இலக்கியங்களைக் கற்க இயலாது என்பது
கள யதார்த்தம் ஆகும்.
ஆக இணையமானது அறிவாளிகளை மேலும்
அறிவாளிகள் ஆக்குவதற்கும், படிக்காதவர்களை
முட்டாள்களாகவே வைத்திருப்பதற்கும் மட்டுமே
பயன்படுகிறது. ஆங்கிலம் தெரியாதவர்கள்
இணையம் வழி அடையும் பயன் என்னவெனில்,
ஒன்றிண்டு நீலப்படங்களை (Blue Films) பார்த்துக்
கிளர்ச்சி அடைய முடியும் என்பதே. இந்த அவல
நிலையை மாற்ற வேண்டியது கம்யூனிஸ்ட் கட்சிகளின்
பொறுப்பாகும். மார்க்சிய நூல்களைத் தமிழில்
கிடைக்கச் செய்யும் பெரும் பொறுப்பு கம்யூனிஸ்ட்
கட்சிகளுக்கே உண்டு.
அறிவியலுக்கு எதிராக உள்ள மார்க்சியர்கள்!
----------------------------------------------------------------------------------
"மார்க்சியம் ஒரு விஞ்ஞானம்; அது விஞ்ஞானங்களுக்கு
எல்லாம் விஞ்ஞானம்" என்று மார்க்சியர்கள் பலரும்
கூறுவதுண்டு. ஆனால் இப்படிக் கூறும் பலரும்
அறிவியலுக்கு எதிராகவே இருப்பது கண்கூடு.
மார்க்சியக் கல்வி என்பது பெருமளவுக்கு அறிவியல்
கல்வியே ஆகும். இயங்கியல், பொருள்முதல்வாதம்
ஆகியவற்றை அறிவியலின் துணை இல்லாமல் கற்க
முடியாது. அறிவியலற்ற மார்க்சியக் கல்வி என்பது
அர்த்தமற்றது.
ஆனால் தமிழ்நாட்டில் கட்சி அணிகளுக்கு வழங்கப்பட்ட மார்க்சியக் கல்வி என்பது அதன்
தொடக்கம் முதலே அறிவியலில் இருந்து முற்றிலும்
துண்டித்துக் கொண்டதாகவே இருந்து வந்தது.
இன்றும் இதே நிலை மாற்றமின்றி நீடிக்கிறது.
1950,60களில் தமிழ்நாட்டில் SSLC என்னும் 10ஆம் வகுப்பு
வரை படிப்பதே பெரிய படிப்பாகக் கருதப்பட்டது.
படிப்பறிவு குறைந்த தொழிலாளி, விவசாயி
வர்க்கங்களில் இருந்துதான் கம்யூனிஸ்ட் கட்சிகள் உறுப்பினர்களைப் பெறும். அப்படிச் சேர்பவர்களுக்கு
ஏற்ற விதத்தில் மார்க்சியக் கல்வியானது மிகவும் எளிமையுடனும் கணிதம் அறிவியலைத்
தவிர்த்தும் வழங்கப்பட்டது.
இன்றைய தமிழ்நாட்டில் ஒவ்வொரு ஆண்டிலும்
ஒரு லட்சம் பேர் பொறியியல் படிப்பில் சேருகின்றனர்.
அறிவியல் பட்டப் படிப்புகளில் பெறுவோர் இதுபோல
ஒரு லட்சம் ஆகும். கடந்த ஆண்டில் (2017) மட்டும்
ஒன்பது லட்சம் பேர் ப்ளஸ் டூ (XII std) தேர்வு எழுதி
உள்ளனர். இதில் 4 லட்சம் பேர் அறிவியல் பிரிவுப்
பாடங்களைப் படித்தவர்கள்.
தமிழக மக்கள்தொகை 2017ன் கணக்குப்படி
8 கோடி ஆகும். எழுத்தறிவு பெற்றோர் 80 சதம் ஆகும்.
தமிழக வாக்காளர்களின் எண்ணிக்கை 5.86 கோடி
ஆகும். எல்லாப் புள்ளி விவரங்களையும் ஆராய்ந்து
பார்த்தால், தமிழ்நாட்டில் அறிவியல் பாடங்களைப்
படித்தவர்கள் மட்டும், எவ்வளவு குறைத்து
மதிப்பிட்டாலும் 2 கோடி இருக்கும். இது மொத்த
வாக்காளர் எண்ணிக்கையில் மூன்றில் ஒரு
பங்கு ஆகும். ஒவ்வொரு மூன்று தமிழர்களிலும்
ஒருவர் அறிவியல் கற்றவர் என்பது இந்தியா போன்ற
ஏழை நாட்டில் மிகவும் அசாதாரணமானது.
1950ல் SSLC படிப்பே மிகப்பெரிய விஷயமாக இருந்த
நிலைக்கும், இன்று இந்த 2018ல் 1 லட்சம் பேர்
பொறியியலும் 1 லட்சம் பேர் அறிவியல் பட்டப்
படிப்பு படிப்பதுமான சூழலுக்கும் மலைக்கும்
மடுவுக்கும் உள்ள வேறுபாடு உள்ளது. இன்று
தெருவுக்கு நாலைந்து பேர் இஞ்சினியரிங்
படிக்கின்றனர். தடுக்கி விழுந்தால் யாராவது
ஒரு இன்ஜினியர் மீதுதான் விழ வேண்டி இருக்கிறது.
ஆக, அறிவியல் கல்வியைப் பொறுத்தமட்டில் தமிழகம்
ஒளிவீசும் மாநிலமாக உள்ளது. ஒவ்வொரு குடும்பத்திலும்
குறைந்தபட்சம் யாராவது ஒருவர் அறிவியல் படித்தவராக
இருக்கிறார்.
ஆனால் தமிழகத்தில் மார்க்சியக் கல்வியானது எவ்வித
மாற்றமும் அடையாமல், நூற்றாண்டு கால இருளிலேயே
மூழ்கிக் கிடக்கிறது. அறிவியலில் இருந்து முற்றிலுமாகத்
துண்டித்துக் கொண்ட, தற்குறித்தனமான மார்க்சியக்
கல்வியே கம்யூனிஸ்ட் கட்சிகளால் அணிகளுக்கு
வழங்கப் படுகிறது.
புறச்சூழலுக்கு முற்றிலும் எதிராகவும், மொத்த சமூகமும்
அறிவியல் கல்வியைப் பெற்றிருக்கிறது என்ற
உண்மையைப் பார்க்க மறுத்தும் கம்யூனிஸ்ட் கட்சிகள்
கண்ணை மூடிக் கொண்டுள்ளன.அறிவியலே
இல்லாத மார்க்சியக் கல்வியை இன்னும் எவ்வளவு
காலத்திற்கு இவர்கள் அணிகளுக்கு வழங்குவார்கள்?
இன்னும் எவ்வளவு காலம் அணிகளை இவர்கள்
தற்குறிகளாகவே வைத்து இருப்பார்கள்?
சமூகத்தின் அறிவை விட மார்க்சியர்களின் அறிவு
அதிகமாக இருந்தால் அல்லவா, மார்க்சியர்களால்
சமூகத்துக்குத் தலைமை தாங்க முடியும்! லெனின்
கூறியபடி, பாட்டாளி வர்க்கத்தின் முன்னணிப் படையாக மார்க்சியர்கள் இருக்க வேண்டுமென்றால்,
மார்க்சியர்கள் அறிவியலைக் கற்க வேண்டாமா?
"மார்க்சியம் என்பது இதுநாள் வரை மனித குலம்
சேகரித்து வைத்துள்ள அறிவுச் செல்வத்தின்
ஒட்டுமொத்தம்" என்று லெனின் கூறிய வரையறையை
மார்க்சியக் கட்சிகள் மதிக்க வேண்டாமா?
a plus b whole squared என்று மிகவும் தொடக்க நிலையிலான
கணிதத்தைச் சொன்னால், மொத்த சமூகமும்
புரிந்து கொள்ளும்போது, மார்க்சியர்கள் மட்டும்
மூர்ச்சை அடைவது ஏன்? இந்த அவலம் முடிவுக்கு
வர வேண்டாமா?
நியூட்டன் அறிவியல் மன்றம் வழங்கும்
அறிவியல்பூர்வமான மார்க்சியக் கல்வி!
------------------------------------------------------------------------
தமிழ்ச் சமூகத்தில் நியூட்டன் அறிவியல் மன்றம்
மட்டுமே கடந்த 20 ஆண்டுகளுக்கும் மேலாக
அறிவியல் பூர்வமான மார்க்சியக் கல்வியை
மக்களுக்கு வழங்கி வருகிறது. வேறு எவரும் அல்லது
எந்த அமைப்பும் அறிவியல் வழியிலான மார்க்சியக்
கல்வியை வழங்கவில்லை, வழங்குவது பற்றிச்
சிந்திக்கவும் இல்லை என்பதுடன், அவர்களால்
வழங்கவும் இயலாது என்ற உண்மையையும்
நியூட்டன் அறிவியல் மன்றம் அறிந்தே வைத்திருக்கிறது.
அச்சு ஊடகம், மின்னணு ஊடகம், சமூக ஊடகம்
(print electronic and social media) ஆகிய மூன்று ஊடகங்களிலும்
நியூட்டன் அறிவியல் மன்றம் அறிவியலையும்,
அறிவியல்பூர்வமான மார்க்சியத்தையும் பரப்பி
வருகிறது.
அறிவியலும் சரி, மார்க்சியமும் சரி மிகுதியும்
ஆங்கில மொழியிலேயே உள்ளன என்ற கசப்பான
உண்மையை உணர்ந்துள்ள நியூட்டன் அறிவியல்
மன்றம், தாய்மொழியாம் தமிழில் மார்க்சியத்தையும்
அறிவியலையும் பரப்பி வருகிறது.
தமிழ்ச் சமூகம் அறிந்திராத, தமிழக மார்க்சியர்கள்
அறிந்தே இராத பல்வேறு விஷயங்களை நியூட்டன்
அறிவியல் மன்றம் மட்டுமே அறிமுகப் படுத்தியது.
அயன் ராண்டு முதல் அன்வர் ஹோக்சா வரை
(Ayn Rand to Enver Hoxha) மார்க்சிய வாசகர்களுக்கு
அறிமுகப்படுத்தியது நியூட்டன் அறிவியல் மன்றமே.
இமானுவேல் கான்ட்டை ஒரு தத்துவஞானியாக
மட்டுமே அறிந்திருந்த மார்க்சியர்களுக்கு அவர் ஒரு
சிறந்த விஞ்ஞானியும்கூட என்ற உண்மையை
முதன் முதலில் தெரியப் படுத்தியது நியூட்டன்
அறிவியல் மன்றமே. மார்க்ஸாலஜி, மார்க்ஸாலஜிஸ்ட்
(Marxologist) என்ற கருத்தாக்கங்களை முதன் முதலில்
தமிழ்ச் சமூகத்திற்கு அறிமுகப் படுத்தியதே
நியூட்டன் அறிவியல் மன்றம்தான். இவ்வாறு சொல்லிக் கொண்டே போவதற்கு நிறைய விஷயங்கள் உள்ளன.
நியூட்டன் அறிவியல் மன்றத்தின் பணிகளுக்கு
எதிர்ப்பு இல்லாமல் இல்லை. பத்தாம் பசலி
மார்க்சியர்களும் மார்க்சியச் சிந்தனைக் குள்ளர்களும்
அறிவியல்பூர்வமான மார்க்சியத்தைக் கடுமையாக
எதிர்த்தனர். இவர்களின் அறிவு மட்டமான (level of intelligence)
அணில் ஆணி இலை ஈக்களுக்கு மேலாக எந்த ஒரு
துளி அறிவும் மார்க்சியர்களுக்குச் சென்று சேர்ந்து
விடக்கூடாது என்று இத்தற்குறிகள் விரும்பினர்.
நவீனப் பார்வையோ தேவையான மார்க்சிய அறிவோ
இல்லாத இக்கிணற்றுத் தவளைகள் தங்களைத்
தாங்களே மார்க்சியப் பேரறிஞர்களாக நினைத்துக்
கொண்டு அனுபவித்து வந்த சுயஇன்பம் எமது
அறிவியல் வழி மார்க்சியத்தால் முடிவுக்கு வந்தது.
வேறு சில குட்டி முதலாளித்துவ அற்பர்களின் கள்ள
மௌனம், கண்டு கொள்ளாமை, புறக்கணிப்பு
ஆகிய அனைத்தும் முடிவுக்கு வந்தன. அறிவியலின்
பிரம்மாண்டம் சகல குட்டி முதலாளித்துவப் பிற்போக்குக்
கசடுகளையும் எரித்துச் சாம்பலாக்கியது. எனவே
விண்ணதிரும் முழக்கங்களுடன் நியூட்டன் அறிவியல்
மன்றத்தின் அறிவியல் தேர் முன்னேறிச் செல்கிறது.
*************************************************************
--------------------------------------------------------------------------------------------------------------------------
நியூட்டன் அறிவியல் மன்றம்
---------------------------------------------------
பொருள்முதல்வாத இயங்கியல் வகுப்பில் (02.09.2018)
கூறப்பட்ட மேற்கோள்கள்:
------------------------------------------------------------------------------------
எனவே இயற்கை மனித சமூகம் என்னும் இரண்டின்
வரலாற்றில் இருந்துதான் இயங்கியலின் விதிகள்
உருவாக்கப்பட்டன.
இயங்கியலின் மூன்று விதிகளையும் கருத்துமுதல்வாத
பாணியில், சிந்தனையின் விதிகளாக மட்டுமே
உருவாக்கினார் ஹெக்கல்.
இயங்கியல் குறித்த ஒரு கையேட்டை எழுதுவது குறித்து
நாங்கள் அக்கறை கொள்ளவில்லை. ஆனால் இயங்கியலின்
விதிகள் மெய்யாகவே இயற்கையின் வளர்ச்சியின் விதிகள்
என்பதையும் எனவே கோட்பாட்டு ரீதியான இயற்கை
விஞ்ஞானத்துக்கும் அவை பொருந்தும் என்பதையும்
உணர்த்தவே நாங்கள் விரும்புகிறோம்.
இயற்கை, சமூகம், சிந்தனை இம்மூன்றின் வளர்ச்சிக்கான
பொது விதியானது சர்வாம்ச அளவில் செல்லத்தக்க விதியாக
முதன் முதலாக உருவாக்கப் பட்டுள்ளது. இது வரலாற்று
முக்கியத்துவம் வாய்ந்த ஒரு சாதனையாக என்றும்
நிலைத்திருக்கும்.
(பார்க்க எங்கல்ஸ் எழுதிய இயற்கையின் இயக்கவியல்
நூலின், 2ஆம் அத்தியாயம், தலைப்பு: இயக்கவியல்.)
----------------------------------------------------------------------------------------------------------------
மாவோவின் மேற்கோள்கள்:
------------------------------------------------
“It is good to have criticism. It would not be good to have no criticism, or to suppress
criticism. It is this mistake that Stalin committed. Stalin did a lot of good things, but he
also did some bad things. He confused the two; he used the methods that are for dealing
with the enemy to deal with the people, with contradictions among the people. He
wouldn’t let people say bad things about the government, or about the Communist Party;
if you said anything bad or if there were any rustling in the air, any movement in the grass,
he would say that you were a spy and have you arrested.”
—Speech at [a] Conference of Members and Cadres of Provincial-Level
Organizations of [the] CPC in Shandong (March 18, 1957),
The Writings of Mao Ze Dong volume II 1949 to 1976, pp. 419-420.
There were two sides to Stalin. One side was the elimination of true counterrevolutionaries;
that was the correct side. The other side was the incorrect killing of numerous people,
important people. For example, a high percentage of delegates to the Communist Party
[National] Congress were killed. How many in the Central Committee did he kill? He
seized and killed 80 percent of the Seventeenth Party Congress delegates, and he seized
and killed 50 percent of the Central Committee members elected at the Seventeenth
Congress [in 1934].”
—“On the Correct Handling of Contradictions among the People” (Speaking Notes),
(Feb. 27, 1957), The Secret Speeches of Chairman Mao: From the Hundred Flowers
to the Great Leap Forward, ed. by Roderick MacFarquhar, Timothy Cheek, &
Eugene Wu pp. 141-2, and footnote 11.
“Even in 1949 when we were about to cross the Yangtze River, someone [emphasis added]
still wanted to prevent us. According to him we should under no circumstances cross the
Yangtze. If we did so America would send troops to China and become directly involved
in China’s Civil War and the South and North dynasties would reappear in China.
“I did not listen to what they [sic] said. We crossed the Yangtze. America did not send
troops to China and there were no South and North dynasties. If we really had followed
his words surely there would be a situation of South and North dynasties.
“Later on I met that person who intended to prevent us from crossing the Yangtze.
His first words in our conversation were: ‘The victor bears no blame.’
“I had not listened to him. As a result he not only did not blame me. On the contrary,
he recognized me as the victor. It is very important that one should analyze and solve
problems on one’s own and always seek truth from facts.”
—Mao’s comments in 1957, as recorded by Wang Fangming of Beijing People’s University, People’s Daily, Jan. 2, 1979. English translation in NE, p. 15. The “someone”
referred to was obviously none but Stalin.
----------------------------------------------------------------------------------------------
***************************************************************************
நியூட்டன் அறிவியல் மன்றம்
-------------------------------------------------------
தோழர் பி இளங்கோ சுப்பிரமணியன் அவர்கள்
பற்றிய சிறு குறிப்பு!
-------------------------------------------------------------------------
டாக்டர் பி மனோகர்
-----------------------------------------------------------------------
1) தோழர் பி இளங்கோ சுப்பிரமணியன் அவர்கள்
மத்திய அரசின் தொலை தொடர்புத் துறையிலும்
பின்னர் BSNL நிறுவனத்திலும் பணியாற்றியவர்.
2) தொலைதொடர்புத்துறை தொழிற்சங்கத்தில்
(National Federation of Telecom Employees) முப்பது ஆண்டுகளுக்கும்
மேலாக பல்வேறு பொறுப்புகளில் செயல்பட்டவர்.
மாவட்டச் செயலாளர், மாநிலச் சங்க நிர்வாகி,
பேச்சு வார்த்தைக் கவுன்சில் உறுப்பினர், செயலாளர்
ஆகிய பொறுப்புகளில் திறம்படப் பணியாற்றியவர்.
3) துறை சார்ந்த உள்ளக விசாரணைகளில் (Domestic inquiry)
மத்திய அரசு மற்றும் மத்தியப் பொதுத்துறை
ஊழியர்களின் சார்பாக கணக்கற்ற வழக்குகளில்
வாதாடி,சஸ்பென்ஷன் வேலைநீக்கம் செய்யப்பட்ட
தொழிலாளர்களை மீண்டும் வேலையில் சேர்த்தவர் இவர்.
4) தொழில் தகராறுச் சட்டத்தில் வேலைநீக்கம்
செய்யப்பட்ட தனியார் நிறுவனத் தொழிலாளர்களுக்காக
பல்வேறு தாவாக்களில் (disputes ) தொழிலாளர் நல
ஆணையர் மற்றும் சமரச அதிகாரிகளிடம் (Labour conciliator)
வாதாடி தொழிலாளர்களுக்கு உரிய நிவாரணம் பெற்றுத்
தந்தவர் இவர்.
5) முப்பது ஆண்டுகளுக்கும் மேலான நெடிய
தொழிற்சங்க வாழ்க்கையில் பல்வேறு
போராட்டங்களை, குறிப்பாக பல்வேறு அகில
இந்திய அளவிலான வேலைநிறுத்தங்களை
வெற்றியுடன் ஒழுங்கமைத்து நடத்தியவர் இவர்.
6) தமது தொழிற்சங்க நடவடிக்கைகளுக்காக
இடமாற்றம், சஸ்பென்ஷன், சேவை முறிவு உள்ளிட்ட
நிர்வாகத்தின் பழிவாங்கல் நடவடிக்கைகளை
எதிர்கொண்டவர்.
7) தொழிற்சங்கப் போராட்டங்களில் பங்கேற்று
பலமுறை கைதானவர். ஒரு முறை தேசத் துரோகக்
குற்றச்சாட்டின்கீழ் 124A சட்டப் பிரிவின் கீழ்
கைது செய்யப்பட்டு சிறை சென்றார்.
8) தொழிற்சங்க நடவடிக்கைகள் மட்டுமின்றி
அறிவியல் பரப்பும் பணியிலும் ஈடுபட்டு வருபவர்
இவர். கடந்த 20 ஆண்டுகளாக நியூட்டன் அறிவியல்
மன்றம் என்ற அமைப்பின் வாயிலாக பரந்துபட்ட
மக்களிடம் அறிவியலைக் கொண்டு செல்பவர் இவர்.
9) இவரின் அறிவியல் பணிகளை இனங்கண்டு
பெரியார் திடலில் ஒரு விழா நடத்திப் பாராட்டிச்
சிறப்பித்தார் தி.க தலைவர் ஆசிரியர் கி வீரமணி அவர்கள்.
10) அறிவியல் ஒளி என்னும் அறிவியல் மாத இதழில்
தொடர்ந்து அறிவியல் கட்டுரைகளை எழுதி வருபவர்
இவர். இவரின் எழுத்துப் பணியைப் பாராட்டி
பிர்லா கோளரங்கத்தில் உள்ள தமிழ்நாடு அறிவியல்
தொழில்நுட்ப மையத்தில் நடைபெற்ற விழாவில்
நீதியரசர் ஹரி பரந்தாமன் அவர்கள் கேடயம் (shield)
வழங்கிச் சிறப்பித்தார்.
11) இவர் சதுரங்க விளையாட்டு வீரரும் ஆவார்.
தொலைத்தொடர்புத்துறையின் சார்பில் மாவட்ட
மாநில அளவில் சதுரங்கப் போட்டிகளில்
பங்கேற்றுள்ளார். சதுரங்கப் போட்டி நடுவராகவும்
(Arbiter) தொலைத்தொடர்பு மாவட்ட அளவில்
இருந்துள்ளார்.
12) தமிழ் இலக்கியங்களை ஆழ்ந்து கற்றவர்.
இலக்கியம், தத்துவம், மார்க்சியம், அறிவியல் ஆகிய
நான்கு துறைகளில் பங்களித்து வருபவர். சிறந்த
மொழிபெயர்ப்பாளர்.
*****************************************
-----------------------------------------------------------------------------------------------------------------------
பிரியா பு.ம.பா
அணில் ஆணி இலை ஈக்களைத் தாண்டாத அரிச்சுவடி மார்க்சியம்!
மார்க்சியம் கற்க ஆங்கிலம் தேவையா?
-------------------------------------------------------------------------
நியூட்டன் அறிவியல் மன்றம்
-------------------------------------------------------------------------
மார்க்சும் எங்கல்சும் கம்யூனிஸ்ட் அறிக்கையை
எழுதிய 1848ஆம் ஆண்டையே கம்யூனிசத்தின்
தொடக்கமாகக் கொள்ளலாம். அப்படியானால்
உலகில் கம்யூனிசம் தோன்றி 170 ஆண்டுகள்
ஆகிவிட்டன. இந்தியாவிலும் கம்யூனிஸ்ட்
இயக்கத்தின் வயது நூறை நெருங்குகிறது.
எனினும் மார்க்சியக் கல்வியானது அரிச்சுவடி
நிலையைத் தாண்டவில்லை. மார்க்சியர்கள்
என்போரின் மார்க்சிய அறிவு அணில் ஆணி இலை
ஈக்கள் என்ற மட்டத்திலேயே தேங்கி நிற்கிறது.
1960-1980 காலக்கட்டத்தில் NCBH நிறுவனம் 5 காசு
10 காசு விலையில் காத்திரமான மார்க்சிய
நூல்களை வழங்கியது. ஒரு ஐந்து ரூபாய்
செலவில் ஓராண்டு முழுவதும் படிப்பதற்குத்
தேவையான புத்தங்கங்களை NCBH வழங்கியது.
மார்க்சிய நூல்களை மட்டுமின்றி, பெருமளவிலான
அறிவியல் நூல்களையும் NCBH வழங்கியது.
இவை அனைத்தும் மாஸ்கோவில் உள்ள முன்னேற்றப்
பதிப்பகத்தில் அச்சடித்து சோவியத் ஒன்றியத்தால்
இலவசமாக வழங்கப்பட்ட நூல்களாகும்.
பெரல்மான் எழுதிய பொழுதுபோக்குப் பௌதிகம்
என்ற அறிவியல் நூல் இன்று 200 ரூபாய். அன்று
10 காசுக்கு கிடைத்தது. அதுதான் பொற்காலம்.
அ) 1990களில் சோவியத்தின் வீழ்ச்சி, ஆ) பின்னர் சீனத்தின்
வீழ்ச்சி, இ) தொடர்ந்து இந்தியாவில் நக்சல்பாரி
இயக்கம் பின்னடைந்தும் பிளவுபட்டும் பல்வேறு
குழுக்களாகச் சிதறியமை, ஈ) NGO எனப்படும்
ஏகாதிபத்தியத் தொண்டு நிறுவனங்களின் பெருக்கம்,
உ) பின்நவீனத்துவம் இந்தியாவில் அறிமுகமாகி
செல்வாக்குப் பெற்றது உள்ளிட்ட பல்வேறு காரணங்களால்
மார்க்சியம் செல்வாக்கு இழந்தது.மார்க்சியச் செயல்பாடுகள் குறைந்தன. கூடவே மார்க்சியக் கல்வியும் வீழ்ந்தது.
எனினும் 90களில் நம் நாட்டில் இணையம் பரவலாகத்
தொடங்கியது. இந்த மில்லேனியத்தின் தொடக்கத்தில்
மின்னஞ்சல், மொபைல் பேசி, முகநூல் உள்ளிட்ட
சமூக வலைத்தளங்கள் பெருகி, மார்க்சியக்
கல்விக்கான புதிய வாசல்களைத் திறந்தன.
வலைத்தளங்கள் (web sites), தேடுபொறிகள், கூகுள்,
விக்கிப்பீடியா, யூடியூப் உள்ளிட்ட இணைய வசதிகள்
மார்க்சியக் கல்விக்கான புதிய வாய்ப்புகளை நல்கின.
மார்க்ஸ் எங்கல்ஸ் லெனின் உள்ளிட்ட மூல ஆசான்களின்
நூல்கள், பிற மார்க்சிய இலக்கியங்கள், மார்க்சியத்
திறனாய்வு நூல்கள், கட்டுரைகள், மற்றும் அறிவியல்
நூல்கள் கட்டுரைகள் வீடியோக்கள் ஆகியவை
இணையத்தில் கணக்கு வழக்கின்றி இலவசமாகக்
கிடைக்கின்றன. உதாரணமாக, எங்கல்சின்
" இயற்கையின் இயக்கவியல்" என்ற நூல்
இணையத்தில் இலவசமாகக் கிடைக்கிறது.
மார்க்சியத்தின் அடிப்படை நூல்களில் முக்கியமான
நூலாகும் இது. ஆனால் இந்நூல் ஆங்கிலத்தில்
மட்டுமே கிடைக்கிறது.
இது மட்டுமின்றி, வேண்டிய எந்த மார்க்சிய நூலும்
இணையத்தில் இலவசமாக ஆனால் ஆங்கிலத்தில்
கிடைக்கிறது. மார்க்சியம் கற்க விரும்புவோர்க்கு
இது ஒரு வரப் பிரசாதம் என்றாலும், இந்த வாய்ப்பை
அனுபவிக்க, ஆங்கிலம் தெரிந்திருப்பது அவசியமாகிறது.
இங்கு ஆங்கிலம் தெரிந்திருத்தல் என்பது ஆழமான
ஆங்கிலப் புலமையை மட்டுமே குறிக்கிறது.
ரயில் நிலையத்தில் டிக்கட் வழங்கும் பொறுப்பில்
உள்ள ஒரு அரசு ஊழியர்க்கோ அல்லது வங்கியில்
உங்களின் அக்கவுண்டில் இருந்து பணம் தரும் வங்கி
ஊழியர்க்கோ தெரிந்திருக்கும் ஆங்கிலம்
மார்க்சியம் கற்கப் போதாது. மார்க்சிய
இலக்கியங்களை ஆங்கிலம் வழி கற்க விரும்பும்
எவர் ஒருவருக்கும் ஆழமான ஆங்கிலப் புலமை
தேவை என்பது கண்டிப்பான முன்நிபந்தனை ஆகும்.
உதாரணமாக, 1980-90களில் சோவியத்தில் கோர்பச்சேவ்
கொண்டு வந்த கிளாஸ்நாஸ்ட், பிரஸ்டோரிக்கா
(Glasnost and Perestroika) ஆகிய சீர்திருத்தங்களைப்
பற்றி அறிந்திட, இணையத்தில் தேடினால், இலவசமாக
100 நூல்களும் 10,000 கட்டுரைகளும் ஆங்கிலத்தில்
கிடைக்கின்றன.(பிரெஞ்சு, ரஷ்யன், ஜெர்மனி,
இத்தாலி ஆகிய ஐரோப்பிய மொழிகளிலும்
கிடைக்கின்றன). ஆனால் தமிழில் இப்பொருளில்
என்ன கிடைக்கிறது என்று பார்த்தால் ஏமாற்றமே
மிஞ்சும். ஒன்றிரண்டு கட்டுரைகள் கிடைத்தாலே
மிகவும் அபூர்வம்.
சுருங்கக் கூறின், மார்க்சியக் கல்விக்கான
பிரம்மாண்டமான வாய்ப்புகளை இணையம்
வழங்கினாலும், அவற்றை அறிவுஜீவிகளே
பயன்படுத்த முடியும் என்ற நிலையே உள்ளது.
SSLC, ப்ளஸ் டூ அல்லது அதற்கும் குறைவாகப்
படித்தவர்களால், ஆங்கிலத்தில் மட்டுமே உள்ள
மார்க்சிய இலக்கியங்களைக் கற்க இயலாது என்பது
கள யதார்த்தம் ஆகும்.
ஆக இணையமானது அறிவாளிகளை மேலும்
அறிவாளிகள் ஆக்குவதற்கும், படிக்காதவர்களை
முட்டாள்களாகவே வைத்திருப்பதற்கும் மட்டுமே
பயன்படுகிறது. ஆங்கிலம் தெரியாதவர்கள்
இணையம் வழி அடையும் பயன் என்னவெனில்,
ஒன்றிண்டு நீலப்படங்களை (Blue Films) பார்த்துக்
கிளர்ச்சி அடைய முடியும் என்பதே. இந்த அவல
நிலையை மாற்ற வேண்டியது கம்யூனிஸ்ட் கட்சிகளின்
பொறுப்பாகும். மார்க்சிய நூல்களைத் தமிழில்
கிடைக்கச் செய்யும் பெரும் பொறுப்பு கம்யூனிஸ்ட்
கட்சிகளுக்கே உண்டு.
அறிவியலுக்கு எதிராக உள்ள மார்க்சியர்கள்!
----------------------------------------------------------------------------------
"மார்க்சியம் ஒரு விஞ்ஞானம்; அது விஞ்ஞானங்களுக்கு
எல்லாம் விஞ்ஞானம்" என்று மார்க்சியர்கள் பலரும்
கூறுவதுண்டு. ஆனால் இப்படிக் கூறும் பலரும்
அறிவியலுக்கு எதிராகவே இருப்பது கண்கூடு.
மார்க்சியக் கல்வி என்பது பெருமளவுக்கு அறிவியல்
கல்வியே ஆகும். இயங்கியல், பொருள்முதல்வாதம்
ஆகியவற்றை அறிவியலின் துணை இல்லாமல் கற்க
முடியாது. அறிவியலற்ற மார்க்சியக் கல்வி என்பது
அர்த்தமற்றது.
ஆனால் தமிழ்நாட்டில் கட்சி அணிகளுக்கு வழங்கப்பட்ட மார்க்சியக் கல்வி என்பது அதன்
தொடக்கம் முதலே அறிவியலில் இருந்து முற்றிலும்
துண்டித்துக் கொண்டதாகவே இருந்து வந்தது.
இன்றும் இதே நிலை மாற்றமின்றி நீடிக்கிறது.
1950,60களில் தமிழ்நாட்டில் SSLC என்னும் 10ஆம் வகுப்பு
வரை படிப்பதே பெரிய படிப்பாகக் கருதப்பட்டது.
படிப்பறிவு குறைந்த தொழிலாளி, விவசாயி
வர்க்கங்களில் இருந்துதான் கம்யூனிஸ்ட் கட்சிகள் உறுப்பினர்களைப் பெறும். அப்படிச் சேர்பவர்களுக்கு
ஏற்ற விதத்தில் மார்க்சியக் கல்வியானது மிகவும் எளிமையுடனும் கணிதம் அறிவியலைத்
தவிர்த்தும் வழங்கப்பட்டது.
இன்றைய தமிழ்நாட்டில் ஒவ்வொரு ஆண்டிலும்
ஒரு லட்சம் பேர் பொறியியல் படிப்பில் சேருகின்றனர்.
அறிவியல் பட்டப் படிப்புகளில் பெறுவோர் இதுபோல
ஒரு லட்சம் ஆகும். கடந்த ஆண்டில் (2017) மட்டும்
ஒன்பது லட்சம் பேர் ப்ளஸ் டூ (XII std) தேர்வு எழுதி
உள்ளனர். இதில் 4 லட்சம் பேர் அறிவியல் பிரிவுப்
பாடங்களைப் படித்தவர்கள்.
தமிழக மக்கள்தொகை 2017ன் கணக்குப்படி
8 கோடி ஆகும். எழுத்தறிவு பெற்றோர் 80 சதம் ஆகும்.
தமிழக வாக்காளர்களின் எண்ணிக்கை 5.86 கோடி
ஆகும். எல்லாப் புள்ளி விவரங்களையும் ஆராய்ந்து
பார்த்தால், தமிழ்நாட்டில் அறிவியல் பாடங்களைப்
படித்தவர்கள் மட்டும், எவ்வளவு குறைத்து
மதிப்பிட்டாலும் 2 கோடி இருக்கும். இது மொத்த
வாக்காளர் எண்ணிக்கையில் மூன்றில் ஒரு
பங்கு ஆகும். ஒவ்வொரு மூன்று தமிழர்களிலும்
ஒருவர் அறிவியல் கற்றவர் என்பது இந்தியா போன்ற
ஏழை நாட்டில் மிகவும் அசாதாரணமானது.
1950ல் SSLC படிப்பே மிகப்பெரிய விஷயமாக இருந்த
நிலைக்கும், இன்று இந்த 2018ல் 1 லட்சம் பேர்
பொறியியலும் 1 லட்சம் பேர் அறிவியல் பட்டப்
படிப்பு படிப்பதுமான சூழலுக்கும் மலைக்கும்
மடுவுக்கும் உள்ள வேறுபாடு உள்ளது. இன்று
தெருவுக்கு நாலைந்து பேர் இஞ்சினியரிங்
படிக்கின்றனர். தடுக்கி விழுந்தால் யாராவது
ஒரு இன்ஜினியர் மீதுதான் விழ வேண்டி இருக்கிறது.
ஆக, அறிவியல் கல்வியைப் பொறுத்தமட்டில் தமிழகம்
ஒளிவீசும் மாநிலமாக உள்ளது. ஒவ்வொரு குடும்பத்திலும்
குறைந்தபட்சம் யாராவது ஒருவர் அறிவியல் படித்தவராக
இருக்கிறார்.
ஆனால் தமிழகத்தில் மார்க்சியக் கல்வியானது எவ்வித
மாற்றமும் அடையாமல், நூற்றாண்டு கால இருளிலேயே
மூழ்கிக் கிடக்கிறது. அறிவியலில் இருந்து முற்றிலுமாகத்
துண்டித்துக் கொண்ட, தற்குறித்தனமான மார்க்சியக்
கல்வியே கம்யூனிஸ்ட் கட்சிகளால் அணிகளுக்கு
வழங்கப் படுகிறது.
புறச்சூழலுக்கு முற்றிலும் எதிராகவும், மொத்த சமூகமும்
அறிவியல் கல்வியைப் பெற்றிருக்கிறது என்ற
உண்மையைப் பார்க்க மறுத்தும் கம்யூனிஸ்ட் கட்சிகள்
கண்ணை மூடிக் கொண்டுள்ளன.அறிவியலே
இல்லாத மார்க்சியக் கல்வியை இன்னும் எவ்வளவு
காலத்திற்கு இவர்கள் அணிகளுக்கு வழங்குவார்கள்?
இன்னும் எவ்வளவு காலம் அணிகளை இவர்கள்
தற்குறிகளாகவே வைத்து இருப்பார்கள்?
சமூகத்தின் அறிவை விட மார்க்சியர்களின் அறிவு
அதிகமாக இருந்தால் அல்லவா, மார்க்சியர்களால்
சமூகத்துக்குத் தலைமை தாங்க முடியும்! லெனின்
கூறியபடி, பாட்டாளி வர்க்கத்தின் முன்னணிப் படையாக மார்க்சியர்கள் இருக்க வேண்டுமென்றால்,
மார்க்சியர்கள் அறிவியலைக் கற்க வேண்டாமா?
"மார்க்சியம் என்பது இதுநாள் வரை மனித குலம்
சேகரித்து வைத்துள்ள அறிவுச் செல்வத்தின்
ஒட்டுமொத்தம்" என்று லெனின் கூறிய வரையறையை
மார்க்சியக் கட்சிகள் மதிக்க வேண்டாமா?
a plus b whole squared என்று மிகவும் தொடக்க நிலையிலான
கணிதத்தைச் சொன்னால், மொத்த சமூகமும்
புரிந்து கொள்ளும்போது, மார்க்சியர்கள் மட்டும்
மூர்ச்சை அடைவது ஏன்? இந்த அவலம் முடிவுக்கு
வர வேண்டாமா?
நியூட்டன் அறிவியல் மன்றம் வழங்கும்
அறிவியல்பூர்வமான மார்க்சியக் கல்வி!
------------------------------------------------------------------------
தமிழ்ச் சமூகத்தில் நியூட்டன் அறிவியல் மன்றம்
மட்டுமே கடந்த 20 ஆண்டுகளுக்கும் மேலாக
அறிவியல் பூர்வமான மார்க்சியக் கல்வியை
மக்களுக்கு வழங்கி வருகிறது. வேறு எவரும் அல்லது
எந்த அமைப்பும் அறிவியல் வழியிலான மார்க்சியக்
கல்வியை வழங்கவில்லை, வழங்குவது பற்றிச்
சிந்திக்கவும் இல்லை என்பதுடன், அவர்களால்
வழங்கவும் இயலாது என்ற உண்மையையும்
நியூட்டன் அறிவியல் மன்றம் அறிந்தே வைத்திருக்கிறது.
அச்சு ஊடகம், மின்னணு ஊடகம், சமூக ஊடகம்
(print electronic and social media) ஆகிய மூன்று ஊடகங்களிலும்
நியூட்டன் அறிவியல் மன்றம் அறிவியலையும்,
அறிவியல்பூர்வமான மார்க்சியத்தையும் பரப்பி
வருகிறது.
அறிவியலும் சரி, மார்க்சியமும் சரி மிகுதியும்
ஆங்கில மொழியிலேயே உள்ளன என்ற கசப்பான
உண்மையை உணர்ந்துள்ள நியூட்டன் அறிவியல்
மன்றம், தாய்மொழியாம் தமிழில் மார்க்சியத்தையும்
அறிவியலையும் பரப்பி வருகிறது.
தமிழ்ச் சமூகம் அறிந்திராத, தமிழக மார்க்சியர்கள்
அறிந்தே இராத பல்வேறு விஷயங்களை நியூட்டன்
அறிவியல் மன்றம் மட்டுமே அறிமுகப் படுத்தியது.
அயன் ராண்டு முதல் அன்வர் ஹோக்சா வரை
(Ayn Rand to Enver Hoxha) மார்க்சிய வாசகர்களுக்கு
அறிமுகப்படுத்தியது நியூட்டன் அறிவியல் மன்றமே.
இமானுவேல் கான்ட்டை ஒரு தத்துவஞானியாக
மட்டுமே அறிந்திருந்த மார்க்சியர்களுக்கு அவர் ஒரு
சிறந்த விஞ்ஞானியும்கூட என்ற உண்மையை
முதன் முதலில் தெரியப் படுத்தியது நியூட்டன்
அறிவியல் மன்றமே. மார்க்ஸாலஜி, மார்க்ஸாலஜிஸ்ட்
(Marxologist) என்ற கருத்தாக்கங்களை முதன் முதலில்
தமிழ்ச் சமூகத்திற்கு அறிமுகப் படுத்தியதே
நியூட்டன் அறிவியல் மன்றம்தான். இவ்வாறு சொல்லிக் கொண்டே போவதற்கு நிறைய விஷயங்கள் உள்ளன.
நியூட்டன் அறிவியல் மன்றத்தின் பணிகளுக்கு
எதிர்ப்பு இல்லாமல் இல்லை. பத்தாம் பசலி
மார்க்சியர்களும் மார்க்சியச் சிந்தனைக் குள்ளர்களும்
அறிவியல்பூர்வமான மார்க்சியத்தைக் கடுமையாக
எதிர்த்தனர். இவர்களின் அறிவு மட்டமான (level of intelligence)
அணில் ஆணி இலை ஈக்களுக்கு மேலாக எந்த ஒரு
துளி அறிவும் மார்க்சியர்களுக்குச் சென்று சேர்ந்து
விடக்கூடாது என்று இத்தற்குறிகள் விரும்பினர்.
நவீனப் பார்வையோ தேவையான மார்க்சிய அறிவோ
இல்லாத இக்கிணற்றுத் தவளைகள் தங்களைத்
தாங்களே மார்க்சியப் பேரறிஞர்களாக நினைத்துக்
கொண்டு அனுபவித்து வந்த சுயஇன்பம் எமது
அறிவியல் வழி மார்க்சியத்தால் முடிவுக்கு வந்தது.
வேறு சில குட்டி முதலாளித்துவ அற்பர்களின் கள்ள
மௌனம், கண்டு கொள்ளாமை, புறக்கணிப்பு
ஆகிய அனைத்தும் முடிவுக்கு வந்தன. அறிவியலின்
பிரம்மாண்டம் சகல குட்டி முதலாளித்துவப் பிற்போக்குக்
கசடுகளையும் எரித்துச் சாம்பலாக்கியது. எனவே
விண்ணதிரும் முழக்கங்களுடன் நியூட்டன் அறிவியல்
மன்றத்தின் அறிவியல் தேர் முன்னேறிச் செல்கிறது.
*************************************************************
--------------------------------------------------------------------------------------------------------------------------
நியூட்டன் அறிவியல் மன்றம்
---------------------------------------------------
பொருள்முதல்வாத இயங்கியல் வகுப்பில் (02.09.2018)
கூறப்பட்ட மேற்கோள்கள்:
------------------------------------------------------------------------------------
எனவே இயற்கை மனித சமூகம் என்னும் இரண்டின்
வரலாற்றில் இருந்துதான் இயங்கியலின் விதிகள்
உருவாக்கப்பட்டன.
இயங்கியலின் மூன்று விதிகளையும் கருத்துமுதல்வாத
பாணியில், சிந்தனையின் விதிகளாக மட்டுமே
உருவாக்கினார் ஹெக்கல்.
இயங்கியல் குறித்த ஒரு கையேட்டை எழுதுவது குறித்து
நாங்கள் அக்கறை கொள்ளவில்லை. ஆனால் இயங்கியலின்
விதிகள் மெய்யாகவே இயற்கையின் வளர்ச்சியின் விதிகள்
என்பதையும் எனவே கோட்பாட்டு ரீதியான இயற்கை
விஞ்ஞானத்துக்கும் அவை பொருந்தும் என்பதையும்
உணர்த்தவே நாங்கள் விரும்புகிறோம்.
இயற்கை, சமூகம், சிந்தனை இம்மூன்றின் வளர்ச்சிக்கான
பொது விதியானது சர்வாம்ச அளவில் செல்லத்தக்க விதியாக
முதன் முதலாக உருவாக்கப் பட்டுள்ளது. இது வரலாற்று
முக்கியத்துவம் வாய்ந்த ஒரு சாதனையாக என்றும்
நிலைத்திருக்கும்.
(பார்க்க எங்கல்ஸ் எழுதிய இயற்கையின் இயக்கவியல்
நூலின், 2ஆம் அத்தியாயம், தலைப்பு: இயக்கவியல்.)
----------------------------------------------------------------------------------------------------------------
மாவோவின் மேற்கோள்கள்:
------------------------------------------------
“It is good to have criticism. It would not be good to have no criticism, or to suppress
criticism. It is this mistake that Stalin committed. Stalin did a lot of good things, but he
also did some bad things. He confused the two; he used the methods that are for dealing
with the enemy to deal with the people, with contradictions among the people. He
wouldn’t let people say bad things about the government, or about the Communist Party;
if you said anything bad or if there were any rustling in the air, any movement in the grass,
he would say that you were a spy and have you arrested.”
—Speech at [a] Conference of Members and Cadres of Provincial-Level
Organizations of [the] CPC in Shandong (March 18, 1957),
The Writings of Mao Ze Dong volume II 1949 to 1976, pp. 419-420.
There were two sides to Stalin. One side was the elimination of true counterrevolutionaries;
that was the correct side. The other side was the incorrect killing of numerous people,
important people. For example, a high percentage of delegates to the Communist Party
[National] Congress were killed. How many in the Central Committee did he kill? He
seized and killed 80 percent of the Seventeenth Party Congress delegates, and he seized
and killed 50 percent of the Central Committee members elected at the Seventeenth
Congress [in 1934].”
—“On the Correct Handling of Contradictions among the People” (Speaking Notes),
(Feb. 27, 1957), The Secret Speeches of Chairman Mao: From the Hundred Flowers
to the Great Leap Forward, ed. by Roderick MacFarquhar, Timothy Cheek, &
Eugene Wu pp. 141-2, and footnote 11.
“Even in 1949 when we were about to cross the Yangtze River, someone [emphasis added]
still wanted to prevent us. According to him we should under no circumstances cross the
Yangtze. If we did so America would send troops to China and become directly involved
in China’s Civil War and the South and North dynasties would reappear in China.
“I did not listen to what they [sic] said. We crossed the Yangtze. America did not send
troops to China and there were no South and North dynasties. If we really had followed
his words surely there would be a situation of South and North dynasties.
“Later on I met that person who intended to prevent us from crossing the Yangtze.
His first words in our conversation were: ‘The victor bears no blame.’
“I had not listened to him. As a result he not only did not blame me. On the contrary,
he recognized me as the victor. It is very important that one should analyze and solve
problems on one’s own and always seek truth from facts.”
—Mao’s comments in 1957, as recorded by Wang Fangming of Beijing People’s University, People’s Daily, Jan. 2, 1979. English translation in NE, p. 15. The “someone”
referred to was obviously none but Stalin.
----------------------------------------------------------------------------------------------
***************************************************************************
நியூட்டன் அறிவியல் மன்றம்
-------------------------------------------------------
தோழர் பி இளங்கோ சுப்பிரமணியன் அவர்கள்
பற்றிய சிறு குறிப்பு!
-------------------------------------------------------------------------
டாக்டர் பி மனோகர்
-----------------------------------------------------------------------
1) தோழர் பி இளங்கோ சுப்பிரமணியன் அவர்கள்
மத்திய அரசின் தொலை தொடர்புத் துறையிலும்
பின்னர் BSNL நிறுவனத்திலும் பணியாற்றியவர்.
2) தொலைதொடர்புத்துறை தொழிற்சங்கத்தில்
(National Federation of Telecom Employees) முப்பது ஆண்டுகளுக்கும்
மேலாக பல்வேறு பொறுப்புகளில் செயல்பட்டவர்.
மாவட்டச் செயலாளர், மாநிலச் சங்க நிர்வாகி,
பேச்சு வார்த்தைக் கவுன்சில் உறுப்பினர், செயலாளர்
ஆகிய பொறுப்புகளில் திறம்படப் பணியாற்றியவர்.
3) துறை சார்ந்த உள்ளக விசாரணைகளில் (Domestic inquiry)
மத்திய அரசு மற்றும் மத்தியப் பொதுத்துறை
ஊழியர்களின் சார்பாக கணக்கற்ற வழக்குகளில்
வாதாடி,சஸ்பென்ஷன் வேலைநீக்கம் செய்யப்பட்ட
தொழிலாளர்களை மீண்டும் வேலையில் சேர்த்தவர் இவர்.
4) தொழில் தகராறுச் சட்டத்தில் வேலைநீக்கம்
செய்யப்பட்ட தனியார் நிறுவனத் தொழிலாளர்களுக்காக
பல்வேறு தாவாக்களில் (disputes ) தொழிலாளர் நல
ஆணையர் மற்றும் சமரச அதிகாரிகளிடம் (Labour conciliator)
வாதாடி தொழிலாளர்களுக்கு உரிய நிவாரணம் பெற்றுத்
தந்தவர் இவர்.
5) முப்பது ஆண்டுகளுக்கும் மேலான நெடிய
தொழிற்சங்க வாழ்க்கையில் பல்வேறு
போராட்டங்களை, குறிப்பாக பல்வேறு அகில
இந்திய அளவிலான வேலைநிறுத்தங்களை
வெற்றியுடன் ஒழுங்கமைத்து நடத்தியவர் இவர்.
6) தமது தொழிற்சங்க நடவடிக்கைகளுக்காக
இடமாற்றம், சஸ்பென்ஷன், சேவை முறிவு உள்ளிட்ட
நிர்வாகத்தின் பழிவாங்கல் நடவடிக்கைகளை
எதிர்கொண்டவர்.
7) தொழிற்சங்கப் போராட்டங்களில் பங்கேற்று
பலமுறை கைதானவர். ஒரு முறை தேசத் துரோகக்
குற்றச்சாட்டின்கீழ் 124A சட்டப் பிரிவின் கீழ்
கைது செய்யப்பட்டு சிறை சென்றார்.
8) தொழிற்சங்க நடவடிக்கைகள் மட்டுமின்றி
அறிவியல் பரப்பும் பணியிலும் ஈடுபட்டு வருபவர்
இவர். கடந்த 20 ஆண்டுகளாக நியூட்டன் அறிவியல்
மன்றம் என்ற அமைப்பின் வாயிலாக பரந்துபட்ட
மக்களிடம் அறிவியலைக் கொண்டு செல்பவர் இவர்.
9) இவரின் அறிவியல் பணிகளை இனங்கண்டு
பெரியார் திடலில் ஒரு விழா நடத்திப் பாராட்டிச்
சிறப்பித்தார் தி.க தலைவர் ஆசிரியர் கி வீரமணி அவர்கள்.
10) அறிவியல் ஒளி என்னும் அறிவியல் மாத இதழில்
தொடர்ந்து அறிவியல் கட்டுரைகளை எழுதி வருபவர்
இவர். இவரின் எழுத்துப் பணியைப் பாராட்டி
பிர்லா கோளரங்கத்தில் உள்ள தமிழ்நாடு அறிவியல்
தொழில்நுட்ப மையத்தில் நடைபெற்ற விழாவில்
நீதியரசர் ஹரி பரந்தாமன் அவர்கள் கேடயம் (shield)
வழங்கிச் சிறப்பித்தார்.
11) இவர் சதுரங்க விளையாட்டு வீரரும் ஆவார்.
தொலைத்தொடர்புத்துறையின் சார்பில் மாவட்ட
மாநில அளவில் சதுரங்கப் போட்டிகளில்
பங்கேற்றுள்ளார். சதுரங்கப் போட்டி நடுவராகவும்
(Arbiter) தொலைத்தொடர்பு மாவட்ட அளவில்
இருந்துள்ளார்.
12) தமிழ் இலக்கியங்களை ஆழ்ந்து கற்றவர்.
இலக்கியம், தத்துவம், மார்க்சியம், அறிவியல் ஆகிய
நான்கு துறைகளில் பங்களித்து வருபவர். சிறந்த
மொழிபெயர்ப்பாளர்.
*****************************************
-----------------------------------------------------------------------------------------------------------------------
பிரியா பு.ம.பா
கருத்துகள் இல்லை:
கருத்துரையிடுக