நீள்வட்டம் பற்றிய அறிவைப் பெற வேண்டும்!
----------------------------------------------------------------------
நியூட்டன் அறிவியல் மன்றம்
---------------------------------------------------------------
சராசரி மனிதன் ஒரு வட்டத்தை நன்கு புரிந்து
கொண்டுள்ளான். ஆனால் அவனுக்கு நீள்வட்டம்
பற்றிய புரிதல் கிடையாது.
(வட்டம் = circle; நீள்வட்டம் = ellipse)
நீள்வட்டம் பற்றிய புரிதல் இல்லாமல் ஒரு மனிதன்
வாழ முடியாது. நீள்வட்டம் பற்றிய புரிதல்
அடிப்படைப் புரிதல் ஆகும். எனினும் அறிவியல்
தற்குறிகளின் தேசமான இந்தியாவில்
(scientifically illiterate) நீள்வட்டம் பற்றிய புரிதலை
அரசானது மக்களுக்கு ஏற்படுத்தவில்லை.
நீள்வட்டத்தைப் புரிந்து கொள்வது எளிது. அது
ஒன்றும் கடினமானதல்ல. 11ஆம் வகுப்பு
கணிதப் பாடப் புத்தகத்தில் conics பற்றிப்
பாடம் உள்ளது. conics என்பது பேரபாலா,
எல்லிப்ஸ், ஹைப்பர்போலா பற்றிய படிப்பு.
எனவே ஒவ்வொருவரும் 11ஆம் வகுப்பு கணிதப்
புத்தகத்தை வாங்க வேண்டும். அதைப் படிக்க
வேண்டும். புரியாதுதான்! மீண்டும் மீண்டும்
படிக்க வேண்டும். ஆயிரம் முறை படித்தாலும்
புரியாதுதான். எனவே ஏதாவது ஒரு டியூஷன்
ஆசிரியரிடம் சென்று படிக்கவும். யாராவது
சொல்லிக் கொடுக்காமல் கணிதத்தைக் கற்றுக்
கொள்ள இயலாது.
படிக்காமல் அறிவைப் பெற இயலாது. வேறு
குறுக்கு வழி இல்லை. எல்லிப்ஸ் பற்றிய
அறிவு இல்லாமல் அறிவியலை அறிந்து கொள்ள
முடியாது. வானியலை அறிந்து கொள்ள முடியாது.
அறிவியல் கட்டுரைகளைப் படிக்காமல்; ஆனால்
மண்டையில் ஏறாது. நிற்க.
இங்கு ellipse, eccentricity இரண்டையும் பற்றிய அறிவைப்
பெற வேண்டும். இவ்விரண்டுக்கும் இடையிலான
தொடர்பை அறிந்து கொள்ள வேண்டும்.
சூரியனைச் சுற்றி வரும் பூமியானது, சூரியனில்
இருந்து அதிகத் தொலைவில் இன்று (ஜூலை 4, 2022)
இருப்பது பற்றி இரண்டு காத்திரமான கட்டுரைகளை
எழுதி இருந்தேன். எத்தனை பேர் அதைப்
படித்தீர்கள்? எத்தனை பேருக்கு அது புரிந்தது?
நீள்வட்டம் (ellipse) பற்றிய புரிதல் இல்லாமல்
அக்கட்டுரைகளைப் புரிந்து கொள்ள இயலாது.
இக்கட்டுரையுடன் கொடுக்கப்பட்ட படங்களைப்
பாருங்கள். Ellipseக்கும் eccentricityக்கும் உள்ள
உறவை அறிந்து கொள்ளுங்கள்.
*****************************************
கருத்துகள் இல்லை:
கருத்துரையிடுக