புதன், 28 ஜனவரி, 2015

பித்தகோரஸ் தேற்றத்தை ஏன் படிக்கவில்லை என்று 
எல்.கே.ஜி பையனை அடிப்பதா?
IT IS OUT OF SYLLABUS FOR HIM!
-------------------------------------------------------------------------------------
மார்க்சும் எங்கல்சும் தங்களின் கம்யூனிஸ்ட் அறிக்கையில் 
உலகப் பாட்டாளிகளே ஒன்று படுங்கள் என்று அறைகூவல் விடுத்தனர். 
அந்த அறைகூவலை ஏற்று, உலகின் பல்வேறு நாடுகளிலும் 
பாட்டாளி வர்க்கக் கட்சிகள் அமைக்கப் பட்டன. அதுபோலவே  
1925இல் (அல்லது 1920இல்) இந்தியாவில் அமைக்கப்பட்ட கட்சிதான் 
கம்யூனிஸ்ட் கட்சி.
இந்தியாவில் ஆயிரம் கட்சிகள் தோன்றியும் மறைந்தும் நிலைத்தும் 
உள்ளன. ஆதி முதல் கட்சியான காங்கிரஸ் முதல், நேற்றுத் 
தொடங்கப்பட்ட ஜி.கே.வாசன் கட்சி வரை. இக்கட்சிகள் யாவும் பாட்டாளி வர்க்கக் கட்சிகள் அல்ல. அவ்வாறு அவை உரிமை கோருவதும் இல்லை.
இக்கட்சிகள் மார்க்சின் கம்யூனிஸ்ட் அறிக்கையைத் தங்கள் 
வேலைத்திட்டமாகக் கொண்ட கட்சிகள் அல்ல. எனவே அவை 
டாட்டா பிர்லா எதிர்ப்புக் கட்சிகள் அல்ல. 

சுருங்கக் கூறின், CPI, CPM, CPIML ஆகிய மூன்று கட்சிகளைத் தவிர,
இந்தியாவில் வேறு எந்தக் கட்சியும் பாட்டாளி வர்க்கத்தை 
அடிப்படையாகக் கொண்டும், கம்யூனிஸ்ட் அறிக்கையை 
வேலைத் திட்டமாகவும் கொண்டு அமைக்கப்பட்ட கட்சிகள் அல்ல.

எனவே இக்கட்சிகள், கண்டிப்பாக டாட்டா-பிர்லா-அம்பானி 
கூட்டத்தைக் கண்டிப்பாக எதிர்க்க வேண்டும்.  அப்படி எதிர்க்கத் 
தவறினால் அது விமர்சனத்துக்கு உள்ளாவது இயற்கை.

மற்றக் கட்சிகள் மீது, இந்த விமர்சனத்தை வைக்க முடியாது.
ஏனெனில் அவை டாட்டா-பிர்லா எதிர்ப்புக் கட்சிகள் அல்ல. 
இவை எல்லாம் மார்க்சிய பாலபாடம்.

திமுகவின் பொருளாதாரக் கொள்கையை அறிஞர் அண்ணா, தமது 
பணத்தோட்டம் என்ற படத்தில் விளக்கி உள்ளார். ( எம்.ஜி.ஆர் 
நடித்த படம் அல்ல, அதற்கும் முந்தியது). அண்ணா திமுகவின் 
பொருளாதாரக் கொள்கையை "அண்ணாயிசம்" என்று எம்ஜிஆர் 
விளக்கினார். மதிமுகவின் பொருளாதாரக் கொள்கை 
திமுகவில் இருந்து வேறுபட்டது அல்ல. இந்த மூன்று 
திராவிடக் கட்சிகளின் கொள்கைகளும் முதலாளித்துவ 
எதிர்ப்புக் கொள்கைகள் அல்ல. 

எனவே, முதலாளித்துவ எதிர்ப்பைக் கொள்கையாகக் கொண்டிராத 
கட்சிகளிடம் போய், "நீ ஏன் டாட்டாவை எதிர்க்கவில்லை?"என்று 
கேட்பது பேதைமையுள் எல்லாம் பேதைமை ஆகும்.

ஆக, கொண்ட கொள்கையை ஒழுங்காகக் கடைப்பிடியுங்கள் 
என்று கம்யூனிஸ்ட் கட்சிகளைத் தான் கேட்க முடியும்.
கடைப்பிடிக்கத் தவறும்போது கேள்வி கேட்கவும் முடியும்.

பித்தகோரஸ் தேற்றத்தை ஏண்டா படிக்கல என்று எட்டாங்கிளாஸ் 
பையனை அடிக்கலாம். எல்.கே.ஜி பையனிடம் போய் 
பித்தகோரஸ் தேற்றத்தை ஏண்டா படிக்கல என்று அடிப்பது 
மடமை. ஏனெனில், அவனுக்கு அது அவுட் ஆப் சிலபஸ்.
OUT OF SYLLABUS!

*************************************************888888888888888888888   
    

      

கருத்துகள் இல்லை:

கருத்துரையிடுக