Ilango Arasiyal

(3) வாயில் கொழுக்கட்டை வைத்துக் கொண்டிருந்த
குட்டி முதலாளித்துவ உதிரிகள்!
தேர்தல் ஆணையத்தின் சவாலை ஏற்க நாதி இல்லை! 
மின்னணு வாக்குப்பதிவு எந்திரங்களில்
மோசடி செய்ய இயலாது! தொடர் கட்டுரை பகுதி-3.
----------------------------------------------------------------------------------------
நியூட்டன் அறிவியல் மன்றம்
----------------------------------------------------------------------------------
2017 பெப்ரவரி- மார்ச்சில்  இந்தியாவில் ஐந்து
மாநிலங்களின் சட்ட மன்றத் தேர்தல் நடைபெற்றது.
உத்தரப் பிரதேசம், உத்தரகாண்ட், பஞ்சாப்,
மணிப்பூர், கோவா ஆகிய ஐந்து மாநிலங்களே
அவை. உ.பியில் பாஜக ஆட்சியைப் பிடித்தது.
மாயாவதியும் அகிலேஷ் யாதவும் படுதோல்வி
அடைந்தனர்.

தங்களின் தோல்விக்குக் காரணம் EVMகளே என்று
அவர்கள் குற்றம் சாட்டினர். இதன் மூலம் EVMகளின்
நம்பகத் தன்மை மீது ஐயத்தை ஏற்படுத்தினர்.

எனவே EVMகளின் நம்பகத் தன்மையை உறுதி
செய்யவும், அரசியல் கட்சிகளின் ஐயங்களைப்
போக்கவும் இந்தியத் தேர்தல் ஆணையம் முன்வந்து
பின்வரும் நடவடிக்கைகளை மேற்கொண்டது.

அ) 12 மே 2017ல் நாட்டிலுள்ள தேசியக் கட்சிகளையும்
மாநிலக் கட்சிகளையும் அழைத்து EVM  குறித்து
விளக்கம் அளித்ததுடன் அவர்களின் ஐயங்களையும்
இந்தியத் தேர்தல் ஆணையம் கேட்டுத் தெரிந்து
கொண்டது. இதில் 42 கட்சிகள் பங்கேற்றன.
பெருவாரியான கட்சிகள் EVMகள் மீது  நம்பிக்கை
தெரிவித்தன.ஒரு சில கட்சிகள் மட்டுமே
ஐயங்களைக் கூறின. அனைவருக்கும் EVMகளின்
செயல்முறையை விளக்கியும், ஐயங்களைப்
போக்கியும் விளக்கங்கள் அளிக்கப்பட்டன

ஆ) 20 மே 2017ல் இந்தியத் தேர்தல் ஆணையம் ஒரு
செய்தியாளர் சந்திப்பை நடத்தியது. இச்சந்திப்பில்
EVM Challenge எனப்படும் EVM சவாலை
இந்தியத் தேர்தல் ஆணையம் அறிவித்தது.

இ) EVMகளில் மோசடி செய்ய முடியாது என்றும்
மோசடி செய்ய முடியுமானால் அதை நிரூபித்துக்
காட்டுமாறும் இந்தியத் தேர்தல் ஆணையம் சவால்
விடுத்தது. செய்தியாளர் சந்திப்பில் பகிரங்கமாக
விடப்பட்ட சவால் இது. இந்தச் சவாலில் பங்கேற்குமாறு
தேசிய, மாநிலக் கட்சிகளுக்கு அன்றைய தினமே
(20 மே 2017) அழைப்பு அனுப்பப் பட்டது.

ஈ) 2017 ஜூன் 3 தேதியானது சவாலுக்கான நாளாக
நிர்ணயிக்கப் பட்டது. சவாலில் பங்கேற்கும் அரசியல்
கட்சிகள் தங்கள் விருப்பத்தைத் தெரிவிக்க 26 ஜூன் 2017
மாலை 5 மணி வரை அவகாசம் வழங்கப் பட்டது.
எனினும் மார்க்சிஸ்ட் கட்சி (CPM), சரத் பவரின்
தேசியவாத (NCP) காங்கிரஸ் ஆகிய இரண்டு கட்சிகள்
மட்டுமே சவாலில் பங்கேற்க விருப்பம் தெரிவித்து
இருந்தன.

உ) நடந்து முடிந்த ஐந்து மாநிலத் தேர்தல்களில்
பயன்படுத்தப்பட்ட எந்தவொரு EVM எந்திரத்தையும்
சோதித்துப் பார்க்கலாம் என்று தேர்தல் ஆணையம்
அறிவித்து  இருந்தது. அதாவது  மேற்கூறிய ஐந்து
மாநிலங்களில் இருந்து எந்தத் தொகுதியில்,
எந்த பூத்தில் பயன்படுத்தப்பட்ட EVMஐயும்
சோதிக்கலாம் என்றும், எந்தெந்த EVMகள்
கொண்டுவரப் பட வேண்டும் என்று அரசியல்
கட்சிகள் விருப்பம் தெரிவிக்கலாம் என்றும்
இந்தியத் தேர்தல் ஆணையம் அறிவித்து இருந்தது.

ஊ) இருப்பினும் இன்னின்ன EVMகள் வேண்டும் என்று
எந்தக் கட்சியும் கோரவில்லை. எனவே தேர்தல்
ஆணையம்,  கட்டுக்காவல் மிகுந்த அறைகளில்
(strong rooms) சீலிடப்பட்டு பாதுகாப்பாக வைக்கப் பட்டிருந்த
EVMகளை முற்றிலும் தற்போக்கான முறையில்
தெரிவு செய்து (random selection) சவாலுக்கு முன்வைத்தது.
உ.பி, உத்தரகண்ட், பஞ்சாப் ஆகிய மூன்று
மாநிலங்களில் உள்ள 12 சட்ட மன்றத் தொகுதிகளில்
இருந்து மொத்தம் 14 EVMகள் இவ்வாறு கொண்டு
வரப்பட்டன.

எ) சவால் நாளான 3 ஜூன் 2017 அன்று, மார்க்சிஸ்ட்
கட்சி, தான் சவாலில் பங்கேற்க வரவில்லை என்றும்
தொழில்நுட்ப விவரங்களை அறிந்து கொள்ள
மட்டுமே வந்ததாகக் கூறியது.

ஏ) திருமதி வந்தனா சவான் தலைமையில் வந்த
தேசியவாத காங்கிரசும் அவ்வாறே கூறியது.
வந்திருந்த இவ்விரு கட்சிகளின் பிரதிநிதிகளுக்கும்
தேர்தல் ஆணையத்தின் தொழில்நுட்ப வல்லுநர்
குழுவினர் EVMகளின் செய்முறை விளக்கம்
அளித்தனர்.

(:ஆதாரம்: அ முதல் ஏ வரையிலான பத்திகளில்
கூறப்பட்ட விவரங்களுக்கான ஆதாரம், EVM சவால்
முடிவுற்ற உடன் (03 ஜூன் 2017) இந்தியத் தேர்தல்
ஆணையம் வெளியிட்ட பத்திரிகைக் குறிப்பு
மற்றும் செய்தியாளர் சந்திப்பு)

ஆக, வாக்குப் பதிவு எந்திரத்தில் மோசடி செய்ய
முடியும் என்று கூறியவர்கள்  எவரும் அதை நிரூபிக்க
முன்வரவில்லை. கொள்ளையடிப்பது, ஊழல்
செய்வது, பதவிச் சுகங்களை அநுபவிப்பது
ஆகியவை தவிர வேறெதிலும் அக்கறையற்ற
முற்றிலும் தற்குறிகளையும் கிரிமினல்களையும்
கொண்ட அரசியல் கட்சிகள் எவ்வளவு
பொறுப்பற்றவை என்பதையும் நம்பகத்தன்மை
துளியும் இல்லாதவை என்பதையும் EVM சவால் என்ற
இந்த நிகழ்வு நிரூபித்துள்ளது.

EVMகளை எதிர்த்து இன்று போர்க்கோலம் பூணும் குட்டி
முதலாளித்துவ உதிரிகள், அன்று தேர்தல் ஆணையம்
EVM சவாலை அறிவித்தபோது வாயில் கொழுக்கட்டை
வைத்துக் கொண்டிருந்தது ஏன்?

சமூக ஊடகங்களின் மூலம் உலகப் புரட்சியையே
நடத்தி முடிக்கும் குட்டி முதலாளித்துவச்
சுயஇன்பவாதிகள் அன்று ஏன் EVM சவாலைப்
பற்றி ஒரு TRENDING உருவாக்கவில்லை?

"எந்த மாநிலத்தில் பயன்பட்ட EVM வேண்டும்?
எந்தத் தொகுதியில் பயன்பட்ட EVM வேண்டும்?
எந்த பூத்தில் பயன்பட்ட EVM வேண்டும்?
சொல்லுங்கள், நீங்கள் கேட்கும் EVMஐத் தருகிறோம்,
அதை ஹேக் செய்து காட்டுங்கள்"  என்று இந்தியத்
தேர்தல் ஆணையம் அறிவித்தபோது, EVM
எதிர்ப்பாளர்கள் எந்த சாராயக் கடையில் போதை
ஏற்றிக் கொண்டிருந்தனர்?    

"எனக்கு லக்னோ தொகுதியில் 38ஆவது பூத்தில் உள்ள
EVM வேண்டும், எனக்கு பஞ்சாப்பில் லூதியானா
தொகுதியில் 62ஆவது பூத்தில் உள்ள EVM வேண்டும்"  என்று 
கேட்டு தாங்கள் சந்தேகப்படும் EVMஜக் கேட்டு வாங்கி
அதில் மோசடி செய்ய முடியும் என்று நிரூபிக்க
EVM எதிர்ப்பாளர்கள் ஏன் முன்வரவில்லை? ஏன்? ஏன்?ஏன்?

புழுவினும் இழிந்த, கிரிமினல்களாலும் தற்குறிகளாலும்
நிறைந்த அரசியல் கட்சிகளை நம்புவேன், ஆனால்
அறிவியலை நம்ப மாட்டேன் என்று கூறும் எவரும்
சரியானவர்கள் அல்ல.

இதற்கப்புறமும் EVMகளை ஹேக் செய்ய முடியும்
என்று நம்பும் அப்பாவிகள் உண்மையை உணர வேண்டும்.
--------------------------------------------------------------------------------
தொடரும்
-----------------------------------------------------------------

கணினி அறிவியல்

EVM என்னும் கணினி எந்திரத்தின் அறிவியலைப்
பேசுகிற தொடர் கட்டுரை இது. தங்களின் அறிவின்
எல்லைக்குள் இந்த அறிவியல் விஷயம் வராது.
தங்களால் இதைப் புரிந்து கொள்ள இயலாததில்
தவறில்லை.

Whether an EVM can be hacked or not என்ற அறிவியல்
கேள்விக்கு பதிலளிக்கும் கட்டுரை இது.
கணினி அறிவியலில் சற்று ஆழமான பரிச்சயம் 
(a robust literacy) உடையவர்களால் மட்டுமே இதைப்
புரிந்து கொள்ள முடியும் என்று ஏற்கனவே
குறிப்பிட்டுள்ளேன்.

கணினி அறிவியலில் எதுவும் தெரியாதவர்கள்
அருள்கூர்ந்து வேறிடம் செல்லவும்.

இந்தக் கட்டுரை எந்தக் கேள்விக்குப் பதிலளிக்கிறது
என்ற விஷயத்தைக் கூடப் புரிந்து கொள்ளாமல்
எதையாவது கூற வேண்டாம். அது உங்களின்
அறியாமையை வெளிப்படுத்துகிறது.. 
  
 

   .



.