Ilango Arasiyal

(4) சையது சுஜா என்பவர் EVMஐ ஹேக் பண்ணவில்லை!
ஹேக் பண்ணியதாகக்  கூறுவது பொய்!
மின்னணு வாக்குப் பதிவு எந்திரங்களில்
மோசடி செய்ய இயலாது!
கட்டுரைத் தொடரின் நான்காவது கட்டுரை!
---------------------------------------------------------------------------------
நியூட்டன் அறிவியல் மன்றம்
--------------------------------------------------------------------------
லண்டனில் ஒரு கூட்டம்  அண்மையில் ஏற்பாடு
செய்யப் பட்டது. சையது சுஜா என்பவர் இக்கூட்டத்தில்
பங்கேற்று, இந்தியத் தேர்தல் ஆணையத்தின்
EVMஐ ஹேக் (hack) செய்து காட்டப் போவதாக ஆரவாரமான அறிவிப்புக்கள் வெளியாயின.

ஆனால் திரு சையது சுஜா அந்தக் கூட்டத்திற்கு
வரவில்லை;  லண்டனுக்கே வரவில்லை. மாறாக
அமெரிக்காவில் இருந்து கொண்டு ஸ்கைப்
தொலைபேசி மூலம் பேசினார்.அவ்வளவுதான்.

இதை வைத்துக் கொண்டு திரு சையது சுஜா
இந்தியத் தேர்தல் ஆணையத்தின் EVMஐ ஹேக்
செய்து விட்டதாக பொய்ச் செய்திகள் உலா
வந்தன.

திரு சையது சுஜாவோ அல்லது வேறு யாருமோ
இந்தியத் தேர்தல் ஆணையத்தின் EVMஐ இந்த
நிமிடம் வரை ஹேக் செய்யவில்லை. ஹேக்
செய்யவும் எவராலும் இயலவில்லை. இதுதான்
உண்மை.

மாறாக, திரு சையது சுஜா என்பவர் EVMஐ ஹேக்
செய்து காட்டி விட்டதாக நம்புபவர்கள் தமிழ்
நாட்டில் கணிசமாக இருக்கிறார்கள். இவர்கள்
முட்டாள்களின் சொர்க்கத்தில் வாழ்கிறவர்கள்.
(They live in Fool's paradise).

இப்படிப்பட்டவர்கள் EVMகளால் ஆபத்து என்று
கூச்சல் இடுகிறார்கள். சிரிப்புத்தான் வருகிறது!
அந்தக் காலத்துப் பட்டிக்காட்டுக் கிழவிகள்
நம்பியாரால் எம்ஜியாருக்கு ஆபத்து என்று
பதறுவதைப் போல இவர்களும் பதறுகிறார்கள்.

திரு சையது சுஜா லண்டனுக்கு வர வேண்டாம்,
இந்தியாவுக்கும் வர வேண்டாம். இருக்கும்
இடத்திலேயே அவர் இருந்து கொண்டு, இந்தியத்
தேர்தல் ஆணையத்தின் EVMஐ ஹேக் செய்வதற்கு
உரிய algorithmஐ பகிரங்கமாக வெளியிடலாமே!
(algorithm = step by step commands, அதாவது கணினியில்
படிப்படியாகச் செய்ய வேண்டிய உத்தரவுகளின்
(தொகுப்பு).

அல்லது லண்டனில் அவர் செய்து காட்டப் போவதாக
அறிவித்த EVM hackingஐ, அவர் காமிரா முன்பாக
செய்து காட்டி, அதை யூடியூபில் வீடியோவாக
வெளியிடலாமே! அதை யாரும் தடுக்கவில்லையே!

நியூட்டன் அறிவியல் மன்றம் திரு சையது சுஜா
அவர்களிடம் இவ்விரு கேள்விகளையும் கேட்கிறது.

1) EVM hacking செய்வது பற்றிய algorithmஐ
வெளியிடுங்கள்.

2) அல்லது EVM hackingஐ நீங்களே உங்கள் நண்பர்கள்
முன்னிலையில் செய்துகாட்டி, அதை காமிராவில்
படமெடுத்து யூடியூப் வீடியோவாக வெளியிடுங்கள்.

உண்மையிலேயே EVM hacking செய்ய முடிந்த
ஒருவரால், இந்த இரண்டையும் வெகு சுலபமாகச்
செய்ய முடியும். இது  எலக்ட்ரானிக் யுகம். ஒரு
மொபைல் போன் இருந்தால் போதும். மொபைல்
போனில் உள்ள காமிராவில் EVM hackingஐ படம்
எடுத்து யூடியூபில் வீடியோவாக வெளியிடலாம்.
தன்னை ஒரு எலக்ட்ரானிக் நிபுணர் என்று
சொல்லிக் கொள்ளும் திரு சையது சுஜாவுக்கு
இந்த எளிய வழிமுறைகூடத் தெரியாதா?   

ஆனால் திரு சையது சுஜா இதைச் செய்யவில்லை;
செய்ய முன்வரவும் இல்லை. இதிலிருந்தே
திரு சையது சுஜா ஒரு மோசடிப் பேர்வழி என்பது
நிரூபணம் ஆகிறது.

திரு சையது சுஜா ஏதோ மலையைப் புரட்டி
விட்டதாக ஆர்ப்பாட்டம் செய்யும் அவரின் திடீர்
ரசிகர்கள், அவர் ஏன் தனது ஹேக்கிங்கை (hacking)
வீடியோவாக வெளியிடவில்லை என்று
சிந்தித்தாலே உண்மை விளங்கும்.

இந்தியா ஒரு அறிவியல் தற்குறி தேசம்
(scientifically illiterate nation). அழுகிப் போன
நிலவுடைமைச் சமூகத்தின் பிற்போக்குச்
சிந்தனைகளில் இருந்து விடுபடாத, விடுபட
முயலாத மக்களைக் கொண்டுள்ள தேசம்.
எனவே திரு சையது சுஜா போன்ற மோசடிப்
பேர்வழிகள், இங்கு எந்த நச்சை வேண்டுமானாலும்
விதைத்து விட்டுப் போக முடியும்.

எப்பொருள் யார்யார்வாய்க் கேட்பினும் அப்பொருள்
மெய்ப்பொருள் காண்ப(து) அறிவு.      .
******************************************************