நான் ஏன் மூர்ச்சை ஆனேன்?
கயாஸ் தியரி கூறுவது என்ன?
---------------------------------------------
நியூட்டன் அறிவியல் மன்றம்
--------------------------------------------
இந்தியாவில் VPN எனப்படும் தொழில்நுட்ப
வலைப்பின்னல் தடை செய்யப் படக்கூடும்.
இது அண்மைச் செய்தி.
உள்துறைக்கான நாடாளுமன்றக்
குழுவானது VPN பற்றி விவாதித்து
VPNகளைத் தடை செய்ய வேண்டும்
என்று முடிவு எடுத்து, பிரதமருக்கு
அனுப்பி உள்ளது. இதில் பிரதமர்
மோடி முடிவு எடுப்பார். அவர் தமது
அமைச்சரவையைக் கூட்டி முடிவு எடுப்பார்.
அதிர்ஷ்டவசமாக தொலைதொடர்புத்
துறையின் தற்போதைய அமைச்சராக
இருப்பவர் அஸ்வினி வைஷ்ணவ் அவர்கள்.
He is an IITian. கான்பூர் ஐஐடியில் எம் டெக்
பட்டம் பெற்றவர்.நல்லதொரு தொழில்நுட்ப
அறிஞர். (அவர் ஐ ஏ எஸ் தேர்வில் தேறி,
ஐ ஏ எஸ் அதிகாரியாகப் பணியாற்றியதும்
அமெரிக்கா சென்று வணிக மேலாண்மை
பயின்றதும் கூடுதல் தகவல்கள்).
எனவே VPNகளைத் தடை செய்ய வேண்டுமா
வேண்டாமா என்பது பற்றி யாரினும்
கூடுதலாக அமைச்சர் அஸ்வினி வைஷ்ணவ்
நன்கறிவார். எனவே நாம் கவலைப்பட
வேண்டியதில்லை. நிற்க.
முன்பெல்லாம் VPN தேவைப்படும்
நிறுவனங்களுக்கு BSNL, AIRTEL போன்ற
சேவை வழங்குநர்களே, VPNஐ வழங்கி
வந்தனர். இன்று அப்படியா?
ஏகப்பட்ட FREE VPNகள் இணையத்தில்
இலவசமாகக் கிடைக்கின்றன.
CBSE பாடத்தில் ப்ளஸ் டூவில் கம்ப்யூட்டர்
சயன்ஸ் படித்த ஒரு மாணவன், இன்று
இணையத்தில் கிடைக்கும் இலவச VPNஐ
பயன்படுத்தி பங்குச் சந்தையில் பங்குகளை
வாங்குகிறான். தான் செலுத்த வேண்டிய
PAYMENTS அனைத்தையும் PUBLIC WiFi spots
மூலம் அரசாங்கம் வழங்கும் இலவச WiFiஐ
பயன்படுத்தி, தனக்கு கிடைத்த free VPN
வழியாக மிகவும் பாதுகாப்பான இணைய
வழிப் பயணத்தை மேற்கொள்ளுகிறான்.
10,12 ஆண்டுகளுக்கு முன்பு, 2010ல் என்று
நினைக்கிறேன், எங்கள் BSNL அலுவலகத்துக்கு
வந்த ஒரு பெரும் தனியார் நிறுவன அதிகாரி,
(HDFC என்பதாக ஞாபகம்) எங்களின் VPN TARIFF
எவ்வளவு என்று கேட்டபோது, TARIFFஐ
நான் அவரிடம் கூறியதையும், அவர்
மூர்ச்சை அடைந்து விழுந்ததையும் இப்போது
எண்ணிப் பார்க்கிறேன்.
என் பக்கத்து வீட்டில் ஒரு சைவப்
பிள்ளைமார் குடும்பம். திருநெல்வேலிக்
காரர்கள். அவர்கள் வீட்டுப் பையனிடம்
கேட்டபோது, அவன் இலவச VPNஐ
பயன்படுத்துவதாகக் கூறினான்.
இப்போது மூர்ச்சையாக வேண்டியது
என்னுடைய டர்ன். எனவே நான்
மூர்ச்சையானேன்.
என்னை மூர்ச்சையடைய வைத்த பையன்
வேறு யாருமல்ல; முன்னர் எங்கள்
அலுவலகத்துக்கு வந்து VPN TARIFFஜக் கேட்டு
மூர்ச்சையானாரே, ஒரு HDFC அதிகாரி!
அவரின் மகன்தான் இவன் என்கிறது
கயாஸ் தியரி. நிற்க.
இந்திய அரசானது பின்வருமாறு
முடிவெடுக்கும் என்று நான் கருதுகிறேன்;
1) dark webஐ முழுமையாகத் தடை
செய்யும்.
2) VPNஐ selectiveஆகத் தடை செய்யும்.
இதற்கேற்ற ஒரு மெக்கானிஸத்தை
அரசு உருவாக்கும்.
****************************************
கருத்துகள் இல்லை:
கருத்துரையிடுக