ஒரு நாட்டின் பிரதமர், மாநில முதல்வர், சுதந்திரப் போராட்ட தியாகிகள் மறைவுக்கு அந்தந்த நாட்டின் தேசியக் கொடியை போர்த்தி மரியாதை செய்வார்கள்.
ஆனால் ஒரு இந்தியரின் மறைவுக்கு அந்த மனிதருக்கு உலகில் மூன்று பெரும் அரசுகள் தங்கள் தேசியக் கொடியை போர்த்தி தங்கள் கொடிகளை அரைக்கம்பத்தில் பறக்கவிட்டு துக்க நாளாக கடைபிடித்ததை இதற்கு முன்பு நீங்கள் கேள்விப்பட்டு இருக்கிறீர்களா ?
பிஜு (பிஜயனந்தா) பட்நாயக் (1916 - 1997) ஒருவர் மட்டுமே இந்தியாவில் மூன்று நாடுகளின் தேசியக் கொடிகளால் உடல் போர்த்தப் பட்டவர். இந்தியா, ரஷ்யா மற்றும் இந்தோனேசியா.
பிஜு 2 முறை ஒடிசாவின் முதல்வராகவும் இருந்திருக்கின்றார். அவருடைய மகன் நவீன் பட்நாயக் தான் தற்போதைய ஒடிசா முதல்வர்.
பிஜு பட்நாயக் ஒரு விமானி.
இரண்டாம் உலகப் போரின்போது சோவியத் யூனியன் சிக்கலில் இருந்தபோது, டகோட்டா என்ற போர் விமானத்தில் பறந்து ஹிட்லரின் படைகளைக் குண்டுவீசித் தாக்கினார், அது ஹிட்லரை பின்வாங்கச் செய்தது. சோவியத் யூனியனால் அன்றைய சோவியத்தின் மிக உயர்ந்த விருது மற்றும் குடியுரிமை வழங்கப்பட்டது.
1947 ஆம் ஆண்டு அக்டோபர் 27 ஆம் தேதி பாகிஸ்தானியர்கள் காஷ்மீரைத் தாக்கியபோது, டெல்லியில் இருந்து ஸ்ரீநகருக்கு ஒரு நாளைக்கு பல முறை விமானத்தில் பறந்து வீரர்களை ஸ்ரீநகருக்கு அழைத்துச் சென்றவர் பிஜு பட்நாயக்.
இந்தோனேசியா ஒரு காலத்தில் டச்சுக்காரர்களின் காலனியாக இருந்தது, அதாவது ஹாலந்து டச்சுக்காரர்கள் இந்தோனேசியாவின் ஒரு பெரிய பகுதியை ஆக்கிரமித்தனர். டச்சு வீரர்கள் இந்தோனேசியாவைச் சுற்றியுள்ள கடல் முழுவதையும் தங்கள் கட்டுப்பாட்டில் வைத்திருந்தனர் மற்றும் அவர்கள் எந்த இந்தோனேசியர்களையும் நாட்டை விட்டு வெளியேற அனுமதிக்கவில்லை.
1945 இல் டச்சுக்காரர்களிடமிருந்து இந்தோனேஷியா விடுவிக்கப்பட்டது, மீண்டும் ஜூலை 1947 இல் பி.எம். சுதன் ஸ்ஜஹ்ரிர் டச்சுக் காரர்களால் வீட்டுக் காவலில் வைக்கப்பட்டார். அவர்கள் இந்தியாவின் உதவியை நாடினர். அப்போது இந்தோனேசிய பிரதமர் ஸ்ஜஹ்ரிரை இந்தியாவுக்கு மீட்டு வருமாறு பிஜு பட்நாயக்கிடம் நேரு கேட்டுக் கொண்டார்.
1947 ஆம் ஆண்டு ஜூலை 22 ஆம் தேதி, பிஜு பட்நாயக்கும் அவரது கோபைலட் மனைவியும் உயிரைப் பொருட்படுத்தாமல் டகோட்டா விமானத்தை எடுத்துக்கொண்டு, டச்சுக்காரர்களின் கட்டுப்பாட்டுப் பகுதியில் பறந்து இந்தோனேசிய மண்ணில் தரையிறங்கினர்.
அப்போது ரேடியோவில் உங்கள் விமானத்தை சுட்டுத்தள்ளி விடுவோம் என்று எச்சரிக்கை விடுத்த டச்சுக்காரர்களிடம் "இந்தோனேசியாவை டச்சுக்காரர்கள் ஆக்கிரமித்து இருப்பதை இந்தியா அங்கீகரிக்கவில்லை. எனது விமானத்தை சுட்டு வீழ்த்தினால் இந்தியா மீது பறக்கும் ஒவ்வொரு டச்சு விமானத்தையும் சுட்டு வீழ்த்துவோம்" என்று எச்சரிக்கை விடுத்தார். அதையும் மீறி டச்சு ராணுவம் தாக்குதல் தொடுத்தது. அந்த தாக்குதலில் இருந்து சாமர்த்தியமாக விமானத்தை ஓட்டி ஜகார்த்தாவில் தரை இறக்கினார்.
இந்தோனேசியப் பிரதமரை பாதுகாப்பாக சிங்கப்பூர் வழியாக. இந்தியாவுக்கு அழைத்து வந்தனர். இந்தச் சம்பவம் இந்தோனேசியர்களுக்குள் அபாரமான ஆற்றலை வளர்த்து, டச்சு வீரர்களைத் தாக்கி, இந்தோனேஷியா ஒரு சுதந்திர நாடாக மாறியது.
பின்னர், இந்தோனேசிய அதிபர் சுகர்னோவின் மகள் பிறந்ததும், பிஜு பட்நாயக்கையும் அவரது மனைவியையும் அழைத்து குழந்தைக்குப் பெயர் சூட்டும்படி வேண்டினார். அப்போது பிஜு பட்நாயக்கும் அவரது மனைவியும் இந்தோனேசியா அதிபரின் மகளுக்கு மேகவதி என்று பெயர் சூட்டினர். மேகவதி பின்னாளில் இந்தோனேசியாவின் 5வது அதிபரானார்.
இந்தோனேசியா 1950 இல் பிஜு பட்நாயக்குக்கும் அவரது மனைவிக்கும் தங்கள் நாட்டின் கௌரவக் குடியுரிமை விருதான 'பூமி புத்ரா' வழங்கியது. பின்னர் அவருக்கு அவர்களின் 50 வது ஆண்டு சுதந்திரத்தின் போது இந்தோனேசியாவின் மிக உயர்ந்த கவுரவ விருதான 'பிண்டாங் ஜசா உத்மா' விருது வழங்கப்பட்டது.
அவருடை சேவையை பாராட்டி சுகார்த்தோ 100 ஏக்கர் நிலங்களை பரிசாக கொடுத்த போது "கலிங்கத்து மன்னர்கள் தன் குடிமக்களிடம் பரிசுகள் பெற்றுக் கொள்வதில்லை" என்று கண்ணியமாக மறுத்து விட்டார். அன்றைய கலிங்கம்தான் இப்போதைய ஒடிசா.அன்றைய கலிங்கத்தின் ஆளுகையின் கீழ் இந்தோனேசியா இருந்தது என்பது குறிப்பிடத்தக்கது.
பிஜு பட்நாயக்கின் மறைவுக்குப் பிறகு, இந்தோனேசியாவில் ஏழு நாட்கள் அரசு துக்கம் அனுசரிக்கப்பட்டது, ரஷ்யாவில் ஒரு நாள் அரசு துக்கமும் அனுசரிக்கப்பட்டு அனைத்து கொடிகளும் இறக்கப்பட்டன.
நமது வரலாற்றுப் புத்தகங்கள் நமக்குச் சொல்லாத எத்தனையோ வீரம் செரிந்த கதைகளில் இதுவும் ஒன்று.
கருத்துகள் இல்லை:
கருத்துரையிடுக