Ilango Arasiyal

புலன் வழி இயங்கும் மானுட மனம். அவ்வாறு இயங்குகையில்,
தீயவழியில் சென்று விடாமல் ஐந்து புலன்களையும் காத்து
நிற்கும் ஆற்றல் உடையவர்களின் முன்,
அகன்று விரிந்த விசும்பின் கீழ் வாழும் மாந்தர்களின்
தலைவனான ஆற்றல் மிக்க இந்திரனே
பணிந்து நிற்பான்.
**
இதுவே குறித்த குறளுக்கு உரிய மெய்யுரை என்க.
ஈண்டு, ஐம்புலன்களையும் அடக்கிய ஐந்தவித்தாரின்
ஆற்றலும், இந்திரனின் ஆற்றலும் ஒப்பிடப் படுகின்றன.
படைவலிமையும் வையத் தலைமையும் கொண்ட
இந்திரனே பணிவான் என்பதன் மூலம்,  ஐந்தவிக்கும்
ஆற்றலே பேராற்றல் என்கிறார் வள்ளுவர்.
**
இந்திரனே என்பதில் உள்ள ஏகாரத்தைக் கருதுக.
உரை: கலையியல் நிறைஞர் புலவர் வீரை பி
இளஞ்சேட்சென்னி.
-----------------------------------------------------------------------------------------------