Ilango Arasiyal: ஜூலை 2016

ஞாயிறு, 31 ஜூலை, 2016

நுட்ப நகரம் என்றால் என்ன?
அதாவது ஸ்மார்ட் சிட்டி (smart city) என்றால் என்ன?
தமிழ்நாட்டில் எவையெல்லாம் நுட்ப நகரங்கள்?
------------------------------------------------------------------------------------------
நியூட்டன் அறிவியல் மன்றம்
------------------------------------------------------------------------------------------
சகல நவீன வசதிகளையும் பெற்றதாக, வாழத்தக்கதாக
உள்ள நகரமே நுட்ப நகரம் ஆகும். மோடி அரசு
இந்தியாவில் 100 நகரங்களைத் தேர்ந்தெடுத்து
அவற்றை நுட்ப நகரங்களாக மாற்றும் ஒரு
திட்டத்தை அறிவித்துள்ளது.

இத்திட்டம் 98,000 கோடி ரூபாய் மதிப்பீட்டில்
அமையும் என்று மோடி அரசு அறிவித்துள்ளது.
இது மத்திய அரசின் நகர்ப்புற வளர்ச்சித் துறையின்
கீழ் வருகிறது. இப்போது இயல்பாக ஒரு கேள்வி
எழுகிறது. நகர்ப்புற வளர்ச்சித் துறை அமைச்சர்
யார்?

வெங்கையா நாயுடு என்று யாம் சொன்னால், அது
சரிதானா என்றும் நீங்கள் சொல்ல வேண்டியிருக்கும்.

1) நுட்ப நகரம் என்ற கோட்பாடு சரிதானா?
2) இது நகரம்-கிராமம் என்ற இடைவெளியை
அதிகரிக்குமா, அதிகரிக்காதா?

3) இங்கு விலைவாசி, வாழ்க்கைச்செலவு (cost of living)
ஆகியவை எப்படி இருக்கும்?
4) ஏழைகள், வீடற்றோர், பிளாட்பாரவாசிகள் ஆகியோர்
இங்கு வாழ அனுமதிக்கப் படுவார்களா?

6) நுட்ப நகரமாக மாற்றப்பட்ட பின், இங்கு ஒரு கிரவுண்டு
என்ன விலை போகும்?
7) ஒரு சிறிய வீட்டுக்கு வாடகை எவ்வளவு இருக்கும்?

8) நுட்ப நகரமான பின், ஏழை எளிய, கீழ் நடுத்தர
மக்கள் இங்கு தொடர்ந்து வாழ முடியுமா? அல்லது
ஊரை காலி செய்து விட்டு ஓட நேருமா? அல்லது
வாழ்க்கை உள்ளபடியே நன்றாக இருக்குமா?

9) மொத்தத்தில் இதை ஆதரிக்கலாமா எதிர்க்கலாமா?
10) இந்தியாவுக்கு நுட்ப நகரம் தேவையா,
தேவை இல்லையா?

இந்தக் கேள்விகளுக்கு நியூட்டன் அறிவியல் இப்போது
பதிலளிக்கப் போவதில்லை. அடையாள அரசியல்
கபோதிகள் முதலில் பதில் சொல்லட்டும்.

இப்போது இன்னொரு கேள்வி!
நுட்ப நகரங்கள் உருவாக்கத்திற்கு தமிழ்நாட்டில்
தேர்ந்தெடுக்கப் பட்டுள்ள நகரங்கள் எத்தனை?
எவை எவை?

24 மணி நேரமும் அடையாள அரசியல் பேசிக் கொண்டு
சமகால சமூகத்தின் பிரச்சினைகள் என்னவென்று கூட
தெரியாத அடையாள அரசியல் கபோதிகள் இதற்குப்
பதில் சொல்லக் கடமைப் பட்டவர்கள். ஆனால்
அவர்கள் பதில் சொல்ல மாட்டார்கள்.

எனவே சமூக அக்கறை உள்ள வாசகர்கள்
விடையளிக்குமாறு வேண்டுகிறோம்.
*****************************************************************

கருத்துக் கேட்கவே இல்லை! இல்லை!!இல்லை!!!
புதிய கல்விக் கொள்கை குறித்து இந்தியாவில்
எல்லா மாநிலங்களிலும் மக்களிடம் கருத்துக்
கேட்கப் பட்டது, தமிழ்நாட்டைத் தவிர, ஏன்?
----------------------------------------------------------------------------------------
நியூட்டன் அறிவியல் மன்றம்
----------------------------------------------------------------------------------------
புதிய கல்விக் கொள்கை குறித்து நாடு தழுவிய
அளவில், எல்லா மாநிலங்களிலும் கருத்துக்
கேட்புக் கூட்டங்கள் நடந்தன. தொடர்புடைய
அனைவரிடமும் (all stakeholders) கருத்துக் கேட்கப்
பட்டது.

ஸ்மிர்தி இரானி அம்மையார் அமைச்சராக இருந்தபோது
மார்ச் 2015இல் கருத்துக் கேட்கும் செயல்பாடுகளுக்கு
உத்தரவு பிறப்பிக்கப் பட்டது. அந்த உத்தரவின்படி,

1) 36 மாநிலங்களில் கருத்துக் கேட்க வேண்டும்.
2) 600க்கும் மேற்பட்ட மாவட்டங்களில் கருத்துக்
கேட்க வேண்டும்.
3) 6600 ஒன்றியங்களில் (blocks or mandals) கருத்துக்
கேட்க வேண்டும்.
4) இரண்டரை லட்சம் கிராமப் பஞ்சாயத்துகளில்
கருத்து கேட்க வேண்டும்.

ஆனால் தமிழ்நாட்டில் கருத்துக் கேட்புக் கூட்டங்கள்
நடைபெறவே இல்லை. இதற்கு காரணம் ஜெயலலிதா
நடத்தும் செயலற்ற அதிமுக அரசுதான்.

இந்தியாவின் எல்லா மாநிலங்களிலும் அந்தந்த
மாநில அரசுகள் மக்களிடமும், கல்வியாளர்களிடமும்,
ஆசிரியர்-மாணவர்களிடமும் கருத்துக் கேட்டன.
ஆனால் தமிழ்நாட்டில் ஜெயலலிதா அரசு எருமை
மாட்டின் மீது மழை பெய்தது போல சோம்பிக்
கிடந்தது.

கருத்துக் கேட்பு நடவடிக்கைகள் எவ்வாறு உள்ளன
என்பதை அறிய, அமைச்சர் ஸ்மிர்தி இரானி, பிராந்திய
வாரியாக காணொளி மாநாடு (vedio conference)
நடத்தினார். தென் பிராந்தியத்தைப் பொறுத்த மட்டில்,
இந்தக் காணொளி மாநாடு செப்டம்பர் 16, 2015 அன்று
நடந்தது.

அதில் பங்கேற்ற தமிழ அரசின் உயர் அதிகாரியிடம்
கருத்துக் கேட்பு நடவடிக்கைகளின்   நிலவரம் எப்படி
இருக்கிறது என்று அமைச்சர் கேட்டார். அதற்கு
தமிழக அரசின் உயர் அதிகாரி அளித்த பதில் இதோ:

"In Tamilnadu we have not been able to conduct consultation meetings
with the Local bodies because The Tamilnadu Panchayat Act does not provide
for it and this point was conveyed during the last video conference
which was held specifically to detail the consultations at the Local
body level"

"கருத்துக் கேட்புக் கூட்டங்களை நடத்த தமிழகப்
பஞ்சாயத்துச் சட்டத்தில் இடமில்லை" என்கிறார்
அரசு அதிகாரி.

உங்கள் கருத்துக்களை அனுப்புவதற்கான, தேசிய
அளவிலான கடைசித் தேதி (National deadline) 2015
அக்டோபர் இறுதி என்று கூறிய அமைச்சர் அதற்குள்
கூட்டங்களை நடத்தி, கருத்துக்களைக் கேளுங்கள்
என்கிறார்.

ஆனால் இறுதி வரை ஜெயலலிதா அரசு மக்களிடம்
கருத்துக் கேட்கவே இல்லை.

இருந்தாலும் ஜெயலலிதா அரசின் செயலற்ற
தன்மையைத் தட்டிக் கேட்க தமிழ்நாட்டில்
எந்த ஊடகமும் தயாராக இல்லை. எந்தக் கட்சியும்
தயாராக இல்லை.

மேலே கூறிய செய்திக்கான ஆதாரம் யூடியூப்
வீடியோவில் உள்ளது. இணைப்பு (link) இதோ.
**************************************************************
   .

இரா எட்வின்

41 mins

பொதுவாகவே அறமாக இருப்பினும் இலக்கணமாக இருப்பினும் குழந்தகளுக்கு சொல்லிக் கொடுக்கும் போதும் வினாத் தாள்களிலும், முதலாளிகளை புத்திக் கூர்மையானவர்களாகவும், யோக்கியர்களாகவும் வேலையாட்களை முட்டாள்களாகவும், திருடர்களாகவும் சித்தரிப்பதென்பது வழக்கமாக உள்ளது.

நேற்று பன்னிரண்டாம் வகுப்பு மாணவர்களுக்கு பழைய கேள்வித் தாள்களைக் கொண்டு நடத்திக் கொண்டிருந்த போது,

"The servant was faithless to his master. He stole his watch"

சனி, 30 ஜூலை, 2016

மூன்றாவது கூட்டம்! முக்கியமான கூட்டம்!!
புதிய கல்விக் கொள்கையும் சிறுபான்மையினரும்!
------------------------------------------------------------------------------------------
தலையங்க விமர்சனம் அமைப்பு புதிய கல்விக்
கொள்கை குறித்து நடத்தும் மூன்றாவது கூட்டம்
பின்வரும் தலைப்பில் நடைபெறும்.
"புதிய கல்விக் கொள்கையும் சிறுபான்மையினரும்"

நாள்: 31.07.2016 ஞாயிறு இரவு 7 மணி முதல் 9 மணி வரை.
இடம்: வங்கி ஊழியர் OBC நலச் சங்க அலுவலகம்,
6, மேற்கு அவென்யூ, கோடம்பாக்கம், சென்னை 24
மேனகா கார்ட்ஸ் எதிரில், கோடம்பாக்கம் ரயில்
நிலையம் அருகில்.

சிறப்புரை:
---------------------
பி இளங்கோ சுப்பிரமணியன்
தலைவர், நியூட்டன் அறிவியல் மன்றம்.

கூட்ட ஏற்பாடு: வே சோதிராமலிங்கம், ஊடகவியலாளர்,
தலையங்க விமர்சனம். செல்: 99417 47030.
******************************************************************

தங்களின் வாழ்த்துக்கு மிக்க நன்றி!

அனைவரின் வாழ்த்துக்கும் மிக்க நன்றி. பிறந்தநாள்
என்பதை இதுவரையில் கொண்டாடியதில்லை.
முகநூலில் இணைந்த பிறகு, அனைவரின்
வாழ்த்துக்களையும் பெறுகிறேன். என்றாலும் மிகவும்
கூச்சமாக இருக்கிறது. என்னை வளர்த்த இந்த சமூகத்தில்,
அந்தக் காலக் கட்டத்தில் பிறந்தநாள் என்ற கோட்பாடே
கிடையாது. இந்த நிமிடம் வரை என் தந்தையாரின்
பிறந்தநாள் என்ன என்று எனக்குத் தெரியாது.
**
பிறந்த நாளையும் அதற்கான வாழ்த்துக்களையும்
பிராமணப் பிள்ளை நண்டு பிடித்தது போலவே
கையாளுகிறேன். அனைவருக்கும் மிக்க நன்றி.

திராவிட இயக்கம் உண்மையில் அயோத்திதாசரிடம்
இருந்து தொடங்குகிறது.

கலைஞரை நள்ளிரவில் ஜெயா அரசு கைது செய்தபோது,
ஆசிரியர் வீரமணி கூறியதென்ன? "அவுங்க கூப்பிட்டா
இவர் போக வேண்டியது தானே" (அவுங்க = போலீசார்)

கோட்பாட்டு ரீதியாக, இடஒதுக்கீடு என்பது பாதுகாப்பு
கருதிய

சமஸ்கிருதம் எங்கள் மயிருக்குச் சமம்!
சொல்கிறார்கள் வெளிநாட்டுப் பல்கலைகளின்
வேந்தர்கள்! புதிய கல்விக் கொள்கை யாருக்காக?
சமஸ்கிருதப் பூச்சாண்டி எடுபடுமா?
-------------------------------------------------------------------------------------
நியூட்டன் அறிவியல் மன்றம்
-------------------------------------------------------------------------------------
மோடி அரசின் புதிய கல்விக் கொள்கை என்பது
இந்திய உயர்கல்வித் துறையில் அந்நிய நேரடி
முதலீட்டை அனுமதிப்பதும், வெளிநாட்டுப்
பல்கலைகளை இந்தியாவில் கல்வி வழங்க
அனுமதிப்பதும் ஆகும். இதுதான் புதிய கல்விக்
கொள்கையின் பிரதானமான குவிமையம் (focus) ஆகும்.

கல்விக்காக மொத்த GDPயில் 6 சதம் செலவழிக்க
புதிய கல்விக் கொள்கையில் உறுதி அளித்திருக்கிறது
மோடி அரசு. GDP என்றால் (Gross Domestic Product) ஒட்டு மொத்த
உள்நாட்டு உற்பத்தி என்று பொருள்.

இந்தியாவின் GDP எவ்வளவு? இது தெரிந்தால்தான்
இந்தியக் கல்வித் துறையில் எவ்வளவு பணம்
புழங்கப் போகிறது என்பதைத் தெரிந்து கொள்ள
முடியும்.

2015ஆம் ஆண்டின் GDP 2073 பில்லியன் அமெரிக்க டாலர்
ஆகும். இதை இந்திய ரூபாயில் மாற்றினால்,
ஒன்றேகால் கோடானுகோடி ஆகும். அதாவது
125 லட்சம் கோடி ஆகும். இப்போது புரிந்ததா?

இதில் 6 சதம் எவ்வளவு? 21 லட்சம் கோடி ஆகும்.
அதாவது, கல்விக்காக மத்திய அரசு செலவழிக்க
இருக்கிற தொகை ஆண்டொன்றுக்கு 21 லட்சம்
கோடி ரூபாய் ஆகும். இதில் உயர்கல்விக்கு
மட்டும் GDPயில் ஒரு சதம் செலவழிக்கப் படும்
என்று ஒரு மதிப்பீடு கூறுகிறது. அதன்படி
பார்த்தால், உயர்கல்விக்கு மட்டும் ஆண்டொன்றுக்கு
ஒரு லட்சத்து 25 ஆயிரம் கோடி செல்வழிக்கப்படும்.

ஆக இந்தியக் கல்வியின் சந்தை மதிப்பு மிகவும்
அதிகம். எனவே கல்வியில் அந்நிய நேரடி முதலீடு
வருவதற்கு அதிக வாய்ப்பு உள்ளது. இந்தியாவில்
கல்வித் துறையில் அந்நிய நேரடி முதலீட்டின் (FDI)
உச்ச வரம்பு 100 சதம் ஆகும்.

இப்போது சமஸ்கிருதத்திற்கு வருவோம்.
எந்த வெளிநாட்டுப் பல்கலையும் சமஸ்கிருதத்தை
பொருட்படுத்தப் போவதில்லை. ஏனெனில்
சமஸ்கிருதம் உற்பத்தியில் உள்ள மொழி அல்ல.
அது வெறும் பண்பாடு சார்ந்த மொழியாக மட்டுமே
எஞ்சியுள்ளதாக வெளிநாடுகள் கருதுகின்றன.

அறிவியல் போன்ற படிப்புகளில், வெளிநாட்டுப்
பல்கலைகளின் பார்வையில் சமஸ்கிருதம் பயனற்ற
ஒரு மொழி. அமெரிக்காவில் இருந்து இங்கு வந்து
அறிவியல் பட்டப் படிப்புகளை (BSc, MSc, PhD) வழங்கும்
எந்த வெளிநாட்டுப் பல்கலையும் சம்ஸ்கிருத
மீடியத்தில் கற்றுக் கொடுக்கப் போவதில்லை.
அவர்கள் சமஸ்கிருதத்தை ஒரு மொழியாகக்
கற்றுக் கொடுக்க முன்வந்தால் அது பெரிய விஷயம்.

மொழிப் பாடம் என்பதைப் பொறுத்த மட்டில்,
பிரெஞ்சு, ஜெர்மன், ஸ்பானிஷ் போன்ற மொழிகளுக்கே
வெளிநாட்டுப் பல்கலைகள் முக்கியத்துவம் கொடுக்கும்.
சமஸ்கிருதத்தை அவை சீந்தக் கூடச் செய்யாது.

எனவே இந்நிலையில் சமஸ்கிருதப் பூச்சாண்டி
காட்டும் முட்டாள்களின் உள்நோக்கம் என்ன என்பதை
ஆராய வேண்டும். அதை அடுத்த கட்டுரையில்
பார்ப்போம்.
********************************************************************

மார்க்சிய லெனினிய இயக்கத்தில் பணிபுரிந்த
முகிலனும், குட்டி முதலாளித்துவ அரைவேக்காடு
பியூஸ் மனுஷும் ஒன்றாகி விட முடியுமா?
மிகுந்த அர்ப்பணிப்புடன் சிறை வாழ்வை விரும்பி
ஏற்ற முகிலனும், குட்டி முதலாளித்துவ மேனாமினுக்கி
பியூஸ் மனுஷும் ஒன்றா?

இட ஒதுக்கீடு முடிவுக்கு வருகிறது!
புதிய கல்விக் கொள்கை இட ஒதுக்கீட்டுக்கு
சமாதி கட்டுகிறது!
------------------------------------------------------------------------------------
நியூட்டன் அறிவியல் மன்றம்
-------------------------------------------------------------------------------------
வெளிநாட்டுப் பல்கலைகள் இந்தியாவில் கல்வி
வழங்க புதிய கல்விக் கொள்கை வழி வகுக்கிறது.
ஆனால் மாணவர் சேர்க்கையின்போது இடஒதுக்கீடு
முறை பின்பற்றப் படாது.

SC, ST, BC, MBC மற்றும் முஸ்லீம் உள் ஒதுக்கீடு,
அருந்ததியர் உள் ஒதுக்கீடு ஆகிய எல்லா
விதமான சாதிய இடஒதுக்கீடும் வெளிநாட்டுப்
பல்கலைகளைப் பொறுத்த மட்டில் கிடையாது.

69 சதம் இடஒதுக்கீடு என்று யாராவது பேசினால்,
அப்படிப் பேசுகிறவர்களின் வாயில் சூடு போடப்படும்.

GATS ஒப்பந்தம் என்ற சர்வதேச அளவிலான ஒரு
ஒப்பந்தம் இருக்கிறது. General Agreement on Trade in Services
என்பதையே GATS என்கிறோம்.

இந்த ஒப்பந்தத்தில் கடந்த 19 டிசம்பர் 2015 அன்று
இந்தியா கையெழுத்து இட்டது. கையெழுத்திட்ட
இடம் கென்யாவின் தலைநகர் நைரோபி. அங்கு நடந்த
WTO மாநாட்டில் இந்திய வணிகத்துறை அமைச்சர்
நிர்மலா சீதாராமன் அம்மையார் இந்த ஒப்பந்தத்தில்
கையெழுத்திட்டார்.

ஏற்கனவே மன்மோகன்சிங் பிரதமராக இருந்தபோதே,
வெளிநாட்டுப் பல்கலைகள் இடஒதுக்கீடு வழங்கத்
தேவையில்ல என்று எழுத்து மூலம் சம்மதம்
தெரிவித்து இருந்தார் மன்மோகன் சிங்.

இப்போது எல்லாம் முடிந்து விட்டது. தந்தை
பெரியாருக்கும் அண்ணல் அம்பேத்காருக்கும்
மன்மோகன் அரசும் மோடி அரசும் உரிய
மரியாதையைச் செலுத்தி விட்டன.

ஒரு நடைமுறை உதாரணத்தைப் பார்ப்போம்.
அமெரிக்காவில் உள்ள அலாஸ்கா பல்கலைக்
கழகம் இந்தியாவில் தமிழ்நாட்டில் கல்வி
வழங்க அனுமதிக்கப் பட்டுள்ளது என்று வைத்துக்
கொள்ளுவோம்.

இந்தப் பல்கலையானது B.Sc Maths பட்டப் படிப்பில்
100 மாணவர்களை சேர்க்கிறது என்று வைத்துக்
கொள்வோம். இந்த 100 மாணவர்களும் தகுதி
அடைப்படையில் மட்டுமே (based on pure merit)
சேர்க்கப் படுவார்கள்.

ஆக, இடஒதுக்கீடு முடிவுக்கு வருகிறது.
**************************************************************

இன்று உயிருடன் இருக்கும் யாரும் தியாகய்யர்
பாடி, அதை நேரில் கேட்டிருக்க வாய்ப்பில்லை.
அதனால் கர்நாடக இசையானது தியாகையரோடு
நின்று விட்டது என்றோ தேங்கிப்போய் விட்டது
என்றோ கருதினால் அது அறியாமையே ஆகும்.
தமக்குப் பின்னும் தொடர்ந்து வளரப் போகிற
ஒரு உன்னதமான இசையைத்தான் தியாகய்யர்
விட்டுச் சென்றார்.
**
தியாகையருக்குப்பின், இசையில் அவர் அடைந்த
உச்சங்களை எவருமே பிற்காலத்தில் அடைய
முடியாது என்று கருதும் எவரும் சங்கீதத்தை
அவமரியாதை செய்கிறார்கள் என்றே கருத முடியும்.
உயிரோட்டமுள்ள எதுவும் வளரவே செய்யும். எனவே
தியாகையருக்குப் பின்னும் கர்நாடக இசை வளர்ந்து
கொண்டுதான் இருக்கிறது. இதை  ஏற்காதவர்கள்
கர்நாடக இசை மரித்து விட்டது என்று முடிவு
செய்தவர்களே.
**
எனவே, ராமநாதன், ஜி.என்.பி, பாலமுரளி கிருஷ்ணா,
டி .எம்.கிருஷ்ணா, சஞ்சய் சுப்பிரமணியன் ஆகிய
எல்லோருமே தியாகய்யர் இசையில் தொட்ட
உச்சங்களில் சில பலவற்றைத் தொட்டவர்கள்.
ஒரு ஈடுபாடு இல்லாமல், லயிப்பு இல்லாமல்
தொடர்ந்து கச்சேரி செய்து கொண்டும் சபாக்களில்
பாடிக் கொண்டும் இருக்க முடியாது. தேங்காய் மூடி
பாகவதர்கள் வேண்டுமானால் எந்த உச்சத்தையும்
அடையாமல் காலம் தள்ளலாம். ஆனால் முதல் தரப்
பாடகரான கிருஷ்ணாவை சுமாராகப் பாடுவார்
என்று சான்றிதழ் கொடுக்கும் எவரும் தமது
அருகதையை அறிந்து கொள்வது நல்லது.

வெள்ளி, 29 ஜூலை, 2016

அண்ணாவும் கலைஞரும் செயல்படுத்தியவை
அவர்களின் (திமுக) கொள்கைகளையே தவிர
பெரியாரின் கொள்கைகளை அல்ல. பெரியாரின்
கொள்கைகளுடன் கடுமையாக முரண்பட்டனர்
அண்ணாவும் கலைஞரும் பிற கழகத்தினரும்.
1) 1947 ஆகஸ்டு 15 சுதந்திர நாளை துக்க நாளாக
அனுசரிக்கச் சொன்னார் பெரியார். அண்ணா
ஏற்கவில்லை.
**
2) தமிழ் காட்டு மிராண்டி மொழி என்பதை அண்ணாவும் கலைஞரும் ஏற்கவில்லை.
3) இளம்வயது மணியம்மையைத் திருமணம் செய்தது
அண்ணாவுக்கும் கலைஞருக்கும் ஏற்புடைத்தல்ல.
இன்னும் நிறைய உள்ளன.
---------------------------------------------------------------------------------------------------
தோழரே, மகாத்மா காந்தி குறித்த உங்களின் பதிவு
அடிப்படை ஆதாரமற்றது. காந்தி பெரியார் உரையாடலுக்கு
குடியரசு ஏட்டின் ஆதாரம் உள்ளது. காந்தி குறித்து
பெரியாருக்கு நல்லெண்ணம் இருந்தமையால்தான்,
இந்தியாவுக்கு காந்தி நாடு என்று பெயர் வைக்கச் சொன்னார்பெரியார்.
தரவுகளைச் சரிபார்த்த பின்னர் எழுதவும்.
சொல்லுக சொல்லை பிறிதோர்சொல் அச்சொல்லை
வெல்லுஞ்சொல் இன்மை அறிந்து.

குண்டுச் சட்டிக்குள் குதிரை ஓட்டும்
குட்டி முதலாளித்துவம்!
------------------------------------------------------------------
நியூட்டன் அறிவியல் மன்றம்
-----------------------------------------------------------------
1) குட்டி முதலாளித்துவர்களின் அரசியல் பதிவுகள்
அனைத்துமே அடையாள அரசியல் பதிவுகளாக
மட்டுமே உள்ளன.

2) சமகாலப் பிரச்சினைகளை எந்தக் குட்டி முதலாளித்துவ
லும்பனும் எழுதுவதில்லை.

3) கூத்து பாட்டு இவற்றுக்கு எந்த ஒரு சமூகத்திலும்
இடம் உண்டு. கூத்தைத் தவிர்த்து விட்டு எந்த ஒரு
சமூகமும் இயங்க முடியாது. என்றாலும் கூத்தாடிகளை
எல்லாம் புரட்சிக்காரர்களாக, மக்கள் நாயகர்களாக
வரித்துக் கொள்ளும் மனநோய் தமிழர்களிடம்
முற்றிப் போய் உள்ளது.

4) புரட்சித் தலைவர், புரட்சித் தலைவி, புரட்சிக் கலைஞர்,
புரட்சித் தமிழன் என்றெல்லாம் கூத்தாடிகள்
கொண்டாடப்படும் இடம் தமிழ்நாடுதான்.

5) அரசியல் தவிர்த்த பிற பதிவுகளை ஆராய்ந்தால்,
அவ்வளவும் சுயஇன்பப் பதிவுகளாகவே உள்ளன.

6) சமகாலப் பிரச்சினைகள் குறித்து குட்டி
முதலாளித்துவம் கவலையே கொள்வதில்லை.
புதிய கல்விக் கொள்கை குறித்து எவரும் அக்கறை
கொள்ளவில்லை.

7) NGO அமைப்புகள் மீதான அரசின் நியாயமான
கட்டுப்பாடுகள் குறித்து எவருக்கும் கருத்து இல்லை.

8) இன்னும் சொல்லிக் கொண்டே போகலாம்.

9) அடையாள அரசியலின் இடத்தில் அறிவியலை
வைக்கிறது நியூட்டன் அறிவியல் மன்றம். எமது
அரசியல் பதிவுகள் சமகால சமூகத்தின்
பிரச்சனைகளை அகல்விரிவாகவும் ஆழமாகவும்
எடுத்து வைப்பவை.

10) குட்டி முதலாளித்துவக் கிணற்றுத் தவளைகள்
திருந்துவார்களா? எவ்வளவு காலம்தான் குண்டுச்
சட்டிக்குள் குதிரை ஓட்ட முடியும்? பார்ப்போம்!
****************************************************************

இக்கட்டுரை ஸ்டென்ட் கருவிகளின் விலைகளை
ஒப்பிட்டு, சந்தையின் ஏற்ற இறக்கங்களை அலசும்
வணிகம் சார்ந்த கட்டுரை அல்ல. இது அறிவியல்
கட்டுரை. கலாம் கண்டுபிடித்த, மக்களுக்குப்
பயன் தருகிற, ஒரு அறிவியல் கருவியின் கண்டுபிடிப்பு
பற்றிய கட்டுரை. இக்கண்டுபிடிப்பு மக்களுக்கு
எவ்வளவு தூரம் பயனுள்ளது என்பதை உணர்த்தும்
கட்டுரை.
**
சந்தையில் ஒரு பொருளின் விலைஏற்றம் அல்லது
இறக்கம் பற்றி ஆய்வு நடத்திக் கட்டுரை எழுதுவது
நியூட்டன் அறிவியல் மன்றம் மேற்கொள்கின்ற
பணி அல்ல.

1967 தேர்தலை திமுக ஆட்சியைப் பிடிக்கும் என்று
அறிஞர் அண்ணா கனவிலும் நினைக்கவில்லை.
அண்ணா தென்சென்னை தொகுதியில் நாடாளுமன்றத்திற்குத்தான் போட்டியிட்டார்.
அண்ணா மட்டுமல்ல, கலைஞரோ நாவலரோ
மதியழகனோ கூட கழகம் ஆட்சியைப் பிடிக்கும்
என்று நினைக்கவில்லை.
**
1) எதிர்பாராத விதமாக
ஆட்சியைப் பிடித்து விட்ட நிலையில், 2) தேர்தல்
முடிவு வந்த சில நாட்களிலேயே ராஜாஜியுடனான
உறவு கசந்து விட்ட நிலையில், 3) எதிர்ப்புகள் பெருகி
விடுவதற்கு இடமளிக்கக் கூடாது என்று முடிவெடுத்த
அண்ணா, பெரியாருடன் சமரசமாகச் செல்வது என்று
முடிவு செய்தார். 1949இல் இருந்து பெரியாரின்
தீவிரமான எதிர்ப்பைச் சந்தித்து வந்த அண்ணா,
ஆட்சிக்கு வந்த பிறகும் பெரியாரின் எதிர்ப்பு
தொடருமேயானால், ஆட்சிப் பொறுப்பைச் சரிவர
நிறைவேற்ற முடியாது என்று கருதினார். எனவே
பெரியாருடன் சமரசமாகச் செல்வது என்று தீர்மானித்து,
தமது ஆட்சியைப் பெரியாருக்கு காணிக்கை
ஆக்குவதாக அறிவித்தார்.
**
அன்பில் தர்மலிங்கம் மூலமாக திருச்சியில் இருந்த
பெரியாரை தம் அமைச்சரவை சகாக்களுடன் நேரில்
சென்று சந்தித்தார். பெரியாரும் இந்த சமரசத்தை
மனப்பூர்வமாக ஏற்றுக் கொண்டார். அவருக்கும்
அண்ணாவுடனான சமரசம் தேவைப் பட்டது.
**
ஆக, அரசியல் நிர்ப்பந்தகளே அண்ணா-பெரியார்
இருவரையும் சமரசத்திற்கு இட்டுச் சென்றது.
பின்னர் கலைஞர் முதல்வராக வந்த பின்பும்
அவருக்கும் பெரியாரின் ஆதரவு தேவைப் பட்டது.
ஏனெனில் திமுகவின் உயர்சாதித் தலைவர்களை
எதிர்த்துக் கொண்டு கலைஞர் முதல்வரானார்.
பெரியாரின் ஆதரவு கலைஞருக்கும் தேவை.
காரணம் அரசியல் நிர்ப்பந்தம்.
**

மதிப்பை இழந்து கொண்டே இருக்கும் இயந்திரம்!
-------------------------------------------------------------------------------------------
நியூட்டன் அறிவியல் மன்றம்
-------------------------------------------------------------------------------------------

ஒரு இயந்திரத்தின் அடக்க விலை ரூ 5,00,000/-.
தேய்மானம் உள்ளிட்ட பல காரணிகளின் விளைவாக
அதன் மதிப்பு, முதலாம் ஆண்டில் 15%, 2ஆம் ஆண்டில்
13.5%, மற்றும் 3ஆம் ஆண்டில் 12% என்ற வீதத்தில்
குறைந்து கொண்டே வருகிறது. அப்படியானால்,
10 ஆண்டுகளின் இறுதியில் அந்த இயந்திரத்தின்
மதிப்பு என்ன?
*******************************************************************

மருக்காற் புன்னைப் புதுநிழல் வெண்-
மணற்கால் மருங்கு நிலவு எறிப்ப,
மாடம் சமைத்துக் குடி புகுந்து
மணிக்கால் இப்பி அடுப்பேற்றிக்
குருக்கால் செம்பொற் சிறுசுளகால்
கொழிக்குந் தளந்தேன் உலைப்பெய்து
குடவால் வளை வெண் குழிசி பொங்கக்
குழற்கால் ஆம்பல் நெருப்பமைத்து
முருக்கால் வெல்ல முடியாவாய்
முகிழ்த்துக் கவிழ்த்துக் கிடந்தூதி
முகம் வேர்த்தனம்; நீ குறும்பிழைத்தால்
முற்றும் தரமோ முக்காலும்
திருக்கால் பிடித்துக் கும்பிட்டோம்
சிறியேம் சிற்றில் சிதையேலே
தேவே இலஞ்சிச் சினவேலாய்
சிறியேம் சிற்றில் சிதையேலே.

(மருக்கு - மலர்; மணற்கால் - மணல்திட்டில்; மருங்கு - அருகே; எறிப்ப - ஒளிவீச; மணிக்கால் இப்பி - மணிபோன்று கால்களை உடைய சிப்பி; குருக்கால் - குருக்கத்திப் பூவாலான; சுளகால் - முறத்தால் : சுளகு என்பது முறத்திற்கான நெல்லை வட்டாரச் சொல்; தளந்தேன் - பரவிய தேன்; குடவால் வளை - வளைந்த சங்கு; குழிசி - குழிந்த பாத்திரம்; முருக்கால் - முருங்க இலையால்; குழற்கால் ஆம்பல் - துளைகொண்ட தண்டையுடைய ஆம்பல்: இது சிவப்புநிற மலர்; முகிழ்த்து - மூடி; வேர்த்தனம் - வேர்த்தோம்; தரமோ - தகுமோ; சிறியேம் - சிறியவர்கள்; சிற்றில் - சிறிய வீடு; சிதையேலே - சிதைக்காதே).

புன்னைமரம் பூத்துப் புதுநிழல் வீசும் வெண்மணற்பரப்பில் நிலவொளி வீசும் இரவு. நாங்கள் மணலில் மாடம் கட்டி, சங்குச் சிப்பிப் பாத்திரத்தை அடுப்பில் ஏற்றி, குருக்கத்திப் பூவாலான சின்னப் பொன் சுளகில் தேனெடுத்து உலை வைத்தோம். உலை பொங்கி வர, முருங்கை இலையைக் கவிழ்த்து மூடிபோட்டு, ஆம்பல்பூத் தீயைக் கவிழ்ந்து படுத்து ஊதி ஊதி முகம் வேர்த்துக் கிடக்கிறோம். நீ குறும்பு செய்வது நியாயமா? காலைப் பிடித்துக் கும்பிடுகிறோம். வேலில் மட்டும் சினத்தை ஏந்தி இலஞ்சியில் நிற்கும் எம் தேவா, சின்னவர்கள் கட்டிய சிறிய வீட்டை சிதைத்து விடாதே.

- திருவிலஞ்சி முருகன் பிள்ளைத்தமிழ் என்ற 19ம் நூற்றாண்டுப் பிரபந்தத்திலிருந்து ஒரு அழகிய பாடல்.

இந்த நூலின் பாட்டுடைத்தலைவன் கோயில் கொண்டுள்ள இலஞ்சி செங்கோட்டை தென்காசி மார்க்கத்தில் குற்றாலத்திற்கு அருகிலுள்ள இயற்கை எழில் கொஞ்சும் ஒரு சிற்றூர். இந்த மார்க்கத்தில் சில முறைகள் சென்றும் முருகனைக் காணும் பேறு இதுவரை கிட்டியதில்லை. அடுத்தமுறை தவறவிடக் கூடாது. இந்த நூலின் ஆசிரியர் கவிராச பண்டாரத்தையா அப்பகுதியில் மரியாதைக்குரிய பெரும் தமிழ்ப்புலவராகவும் சமய குருவாகவும் இருந்திருக்கிறார். நூலின் பல பாடல்களில் அவரது

இடதுசாரி முதல்வரின் வலதுசாரி ஆலோசகர்!
பினராயி விஜயன்--அச்சுதானந்தன் ரோஷமான
ஆங்கிலக் குத்துச் சண்டைப் போட்டி!
-----------------------------------------------------------------------------------------
மார்க்சிய சிந்தனைப் பயிலகம்
-------------------------------------------------------------------------------------------
கேரள மாநிலத்தின் மார்க்சிஸ்ட் முதல்வர் பினராயி
விஜயன் அவர்கள் (வயது 70) தமக்கு ஒரு பொருளாதார
ஆலோசகரை நியமித்துள்ளார். ஹார்வர்டு பல்கலையில்
பயின்ற மலையாளிப் பெண்மணியான பொருளியல் பேராசிரியர் கீதா கோபிநாத் அவர்களே
கேரள முதல்வரின் பொருளாதார ஆலோசகர்.
(இணைக்கப்பட்ட படத்தில் உள்ளவர் இவரே)

பினராயி விஜயனின் போட்டியாளரும் தற்குறியுமான
வி எஸ் அச்சுதானந்தன் இதற்கு எதிர்ப்புத் தெரிவித்து
மார்க்சிஸ்ட் பொதுச் செயலாளர் சீத்தாராம் எச்சூரிக்கு
கண்டனக் கடிதம் எழுதி உள்ளார்.

ஏ.கே.கோபாலன் பவனில் இருந்து நமக்குக் கிடைத்த
தகவல்களின்படி, தற்குறி அச்சுதானந்தனின் கடிதத்தை
யெச்சூரி அவர்கள் குப்பைத் தொட்டியில் வீசி எறிந்து
விட்டதாகத் தெரிகிறது. இதற்கு முன்னிலை வகித்தவர்
மதிப்பிற்குரிய பிரகாஷ் காரத் அவர்கள்.

(ஏ.கே.கோபாலன் பவன் என்பது புது டில்லியில் உள்ள
மார்க்சிஸ்ட் கட்சியின் தலைமைச் செயலகம்
(head quarters) ஆகும்.)

பினராயி விஜயன் அவர்கள் ஒரு பொருளியல் நிபுணரோ
சட்ட நிபுணரோ அல்ல. கல்வியைப் பொறுத்த மட்டில்
அவர் ஒரு சராசரிப் பட்டதாரி. முதல்வர் பொறுப்பை
ஏற்றிருக்கும் நிலையில் அவருக்கு பொருளாதார
விஷயங்களில் ஆலோசனை தேவைப் படும். எனவே
அவர் அதற்காக ஒரு ஆலோசகரை நியமித்துக்
கொள்கிறார். இதில் என்ன தவறு? எனவே  முதல்வர்
பதவிக்கு அவருடன் போட்டியிட்டுத் தோற்ற
தற்குறி அச்சுதானந்தன் ஆட்சேபம் தெரிவிப்பதில்
ஒரு ரோமமும் நியாயம் இல்லை.

ஆலோசகரான கீதா கோபிநாத் அம்மையார்
தாராளவாதப் பொருளாதாரத்தை ஆதரிப்பவராம்;
எனவே அவர் எப்படி ஒரு மார்க்சிஸ்ட் முதல்வருக்கு
ஆலோசகராக இருக்க முடியும் என்கிற அறிவுஜீவித்
தனமான கேள்வியைச் சிலர் கேட்கிறார்கள்.
அடுத்து வரும் பத்திகள் (paras) அவர்களுக்கு
விடையளிக்கும்.

இந்தியாவில் நூற்றுக் கணக்கான அரசியல் கட்சிகள்
உள்ளன. இவை தவிர ஆயிரக் கணக்கான சிறு, குறு,
மற்றும் பெயர்ப் பலகை அமைப்புகள் மற்றும்
கட்சிகள் உள்ளன. என்றாலும் இந்தக் கூட்டத்தில்,
பொருளாதாரக் கொள்கைகளைக் கொண்ட கட்சிகள்
மூன்றே மூன்றுதான். அவை:

1) காங்கிரஸ் 2) பாஜக 3) மார்க்சிஸ்ட் கட்சி
(மார்க்சிஸ்ட் கட்சி என்பதில் CPI, CPM கட்சிகள்
இரண்டும் அடங்கும்).

வேறு எந்தக் கட்சிக்கும் பொருளாதாரக் கொள்கைகளே
கிடையாது. உதாரணமாக திமுக, அதிமுக, லல்லு கட்சி,
முலாயம் கட்சி, மாயாவதி கட்சி, திரிணமூல் காங்கிரஸ்,
அகாலிதளம், தெலுங்கு தேசம் முதலிய எந்த ஒரு மாநிலக் கட்சிக்கும் தனித்த பொருளாதாரக் கொள்கைகள்
கிடையாது. மத்திய ஆளும் கட்சி அல்லது ஆளும்
வர்க்கக் கட்சிகளின் கொள்கைகளே இக்கட்சிகளின்
கொள்கை ஆகும். இக்கட்சிகள் யாவும் அடையாள
அரசியல் கட்சிகளே.

கொள்கைகளைக் கொண்டிருக்கும் காங்கிரஸ்,
பாஜக கட்சிகளைப் பொறுத்தமட்டில், இரண்டு
கட்சிகளுக்கும் ஒரே பொருளாதாரக் கொள்கைகள்தான்.
கொள்கை வேற்றுமை கிடையாது. இவ்விரு
கட்சிகளின் பொருளாதாரக் கொள்கைகளை
எதிர்ப்பதாகக் கூறிக் கொள்ளும் மார்க்சிஸ்ட்
கட்சியானது, இவற்றுக்கு எதிராக வேறு எந்த
மாற்றுப் பொருளாதாரக் கொள்கைகளையும்
முன்வைக்கவில்லை. மாறாக தாங்கள் ஆளும்
மாநிலங்களில், காங்-பாஜகவின் அதே கொள்கைகளைத்
தீவிரமாகச் செயல்படுத்தினர் என்பது வரலாறு.

இதற்கு உதாரணம் புத்ததேவ் ஆட்சியின்போது,
மேற்கு வங்கத்தில் டாட்டாவுக்கு ஆதரவாக
நந்தி கிராமம், சிங்கூர் போன்ற இடங்களில் மக்கள்
மீது இவர்கள் தொடுத்த வன்முறை.

ஆக, காங்கிரஸ் கட்சியும், மார்க்சிஸ்ட் கட்சியும்
ஒரே பொருளாதாரக் கொள்கையைக்
கொண்டிருக்கும்போது, ஹார்வர்டு பேராசிரியரை
தமது ஆலோசகராக பினராயி விஜயன் வைத்துக்
கொள்வதில் என்ன தவறு இருக்க முடியும்?
--------------------------------------------------------------------------------------------------
பின்குறிப்பு:
முந்திய பத்திகளில் கூறப்பட்ட அரசியல் கட்சிகள்
என்பது நாடாளுமன்றத் பாதையை ஏற்றுக் கொண்ட
அரசியல் காட்சிகளை மட்டுமே குறிக்கும். ஏற்றுக்
கொள்ளாத மாவோயிஸ்ட் மற்றும் மார்க்சிய-லெனினியக்
கட்சிகளைக் குறிக்காது.
*********************************************************************

இசைமேதை டி.எம்.கிருஷ்ணா மீது
தோழர் ஜெயமோகன் கடும் தாக்கு!
------------------------------------------------------------------
டி.எம்.கிருஷ்ணா மிக மிகச் சுமாரான பாடகர் என்ற
ஜெயமோகனின் மதிப்பீடு சரியில்லை. இசையின்
உச்சத்தைத் தொட்டவர்களில் அவரும் ஒருவர் என்பதை
ஏற்க மறுப்பது நாணயமற்ற செயல்.

டி.எம்.கிருஷ்ணாவின் அரசியல் புரிதல் நுனிப்புல்
தன்மை வாய்ந்ததாக இருந்து விட்டுப் போகட்டும்.
அதை வைத்துக் கொண்டு அவரின் இசையை
மதிப்பிடுவது என்ன நியாயம்?

தி ஹிண்டு அய்யங்காரியப் பின்னணிதான்
டி.எம்.கிருஷ்ணாவுக்கு மக்சேசே விருதைப்
பெற்றுத் தந்துள்ளது என்ற ஜெயமோகனின் கணிப்பு
சரியானதே. ஆனால் பிராமணன் என்ற சுய
அடையாளத்தை கிருஷ்ணா மறைக்க முயல்கிறார்
என்று கூறும் ஜெயமோகன் அவர்களே, அதை
மறைக்க வேண்டிய அவசியம் கிருஷ்ணாவுக்கு
என்ன உள்ளது? கிருஷ்ணா அரசியலில் குதிக்கப்
போகிறாரா, இல்லையே.

இசையில் தியாகையர் தொட்ட உச்சங்களில்
சிலவற்றையாவது கிருஷ்ணா தொட்டுள்ளார்
என்பது அசைக்க முடியாத உண்மை.

ஜெயமோகன் அவர்கள் மனச்சாந்தி அடையும் பொருட்டு
டி.எம்.கிருஷ்ணா பாடியுள்ள தியாகையரின்
"எந்தரோ மஹானு பாவுலு" என்ற கீர்த்தனையை
ஜெயமோகன் அவர்களுக்குச் சமர்ப்பிக்கிறேன்.
மற்றப் பாடகர்களைப் போலன்றி, இக்கீர்த்தனையை
தாழ்ந்த ஸ்தாயியிலும் மெதுவாகவும் கிருஷ்ணா
பாடியுள்ளார். இதைக் கேட்கும் எவராயினும்,
ஜெயமோகன் உட்பட, ஓர் அமைதியை ஸ்தாபித்துக்
கொள்ள முடியும்.
-------------------------------------------------------------------------------------------------------

புதன், 27 ஜூலை, 2016

தமிழ் தமிழ் என்று பேசும் ஒவ்வொருவரும்
இந்தக் கேள்விக்குச் சரியான விடையளிக்க
வேண்டும்! இக்கேள்விக்கு விடை தெரியாதவன்
தமிழன் என்று பேசும் அருகதை இல்லாதவன்!
--------------------------------------------------------------------------------------
நியூட்டன் அறிவியல் மன்றம்
------------------------------------------------------------------------------------
தமிழ்நாட்டில் ஒரு சட்டம் இருக்கிறது. இந்தச்
சட்டத்தின்படி, தமிழ்நாட்டில் உள்ள பள்ளிகளில்
(அரசு மற்றும் தனியார்) தமிழ் ஒரு மொழிப் பாடமாகக்
கற்றுத் தரப்பட வேண்டும். இது கட்டாயம்.

இச்சட்டத்தின் பெயர் "தமிழ் மொழி கற்றல் சட்டம்"
(Tamil Language Learning Act). இச்சட்டம் CBSE மற்றும் ICSE
பள்ளிகளையும் கட்டுப் படுத்தும்.

இச்சட்டத்தை எதிர்த்து பல கயவர்கள் நீதிமன்றம்
சென்றனர்; தோல்வி கண்டனர். மிகப்பெரும்
முயற்சிகளின் பின்னர் இச்சட்டம் முழுமையாக
நடைமுறைக்கு வந்து விட்டது.

இப்போது கேள்வி இதுதான்!
இந்தச் சட்டத்தைக் கொண்டு வந்த தமிழக
முதல்வர் யார்? விடை அளியுங்கள்!

பொருத்தமான விடையைத் தேர்ந்தெடுக்கவும்.
----------------------------------------------------------------------------------------
அ) கலைஞர் கருணாநிதி
ஆ) ஜெயலலிதா
இ) எம்.ஜி.ராமச்சந்திர மேனன்
ஈ) அறிஞர் அண்ணா.

பின்குறிப்பு: எந்த ஆண்டு இச்சட்டம் கொண்டு வரப்
பட்டது என்றும் வாசகர்கள் விடையளிக்க வேண்டும்.
-----------------------------------------------------------------------------------------------
(புதிய கல்விக் கொள்கை பற்றி சென்னையில்
நடைபெற்ற (24.07.2016) கருத்தரங்கில் பேசுகையில்
நியூட்டன் அறிவியல் மன்றத் தலைவர் தோழர் பி இளங்கோ
அவர்கள் அவையோரிடம் கேட்ட கேள்வி.)
**************************************************************
விடை கண்டறிய ஒரு குறிப்பு (CLUE):
-----------------------------------------------------------------
சரியான விடை: அவர். கொடுக்கப்பட்ட நால்வரில்
இருவர் அவரை விட வயதில் மூத்தவர்கள்.
---------------------------------------------------------------------------------------------

எல்லாம் கலைக்கப் படுகின்றன!
இனி இன்ஸ்பெக்சன் என்பதே கிடையாது!
மன்மோகன்- நரேந்திர மோடி கூட்டுத் தயாரிப்பான
புதிய கல்விக் கொள்கையின் முன்னேற்பாடுகள்!
--------------------------------------------------------------------------------------------
நியூட்டன் அறிவியல் மன்றம்
-----------------------------------------------------------------------------------------------
1) கபாலி எனப்படும் குஷ்ட ரோகமும் அடையாள அரசியல்
எனப்படும் க்ஷய ரோகமும் எட்டுக்கோடித் தமிழ்
மக்களைப் பீடித்திருக்கும் இந்த நேரத்திலும்
ஊதுகின்ற சங்கை ஊதி வைக்க வேண்டிய கடமை
நியூட்டன் அறிவியல் மன்றத்துக்கு இருப்பதால்
இந்தக் குறும் பதிவை வெளியிடுகிறோம்.

2) UGC எனப்படும் பல்கலை மானியக் குழு கலைக்கப்
படுகிது. AICTE எனப்படும் அகில இந்திய டெக்னிக்கல்
கவுன்சில் கலைக்கப் படுகிறது. MCI எனப்படும்
மெடிக்கல் கவுன்சில் ஆஃப் இந்தியா கலைக்கப்
படுகிறது.

3) இந்த அமைப்புகள் ஏன் கலைக்கப் படுகின்றன?
இவை இன்ஸ்பெக்சன் ராஜ்யத்தை (Inspection Raj)
நடத்துபவை. அதாவது மருத்துவக் கல்லூரிகள்,
பொறியியல் கல்லூரிகளை அடிக்கடி ஆய்வு செய்து,
போதிய ஆய்வக வசதி உள்ளதா, ஆசிரியர்கள்
உள்ளனரா என்றெல்லாம் ஆய்வு  நடத்துபவை.

4) வெளிநாட்டுப் பல்கலைகள் இங்கு வந்து தொழில்
நடத்தும்போது, இத்தகைய ஆய்வுகள் நடத்தப்
படுவதை வெளிநாடுகள் விரும்புவதில்லை.
எனவே இவ்வாறு ஆய்வு நடத்தும் அமைப்புகளை
எல்லாம் பலிபீடத்தில் பலி கொடுக்க வேண்டும்
என்பது மன்மோகன் அவர்களின் கனவாகும்.
அதை மோடி அவர்கள் நனவாக்குகிறார்.

5) இந்த அமைப்புகளைக் கலைத்து விட்டு, அவற்றின்
இடத்தில் இன்ஸ்பெக்சன் அதிகாரம் இல்லாத,
ஒழுங்குபடுத்தும் அதிகாரம் இல்லாத, பல் பிடுங்கப்
பட்ட புதிய அமைப்புகள் உருவாக்கப் படும்.

6) ஆங்கில செய்தி சானல்கள் ( NDTV, CNN-IBN, NEWS X,
HEADLINES TODAY, TIMES NOW) பார்க்கிற வழக்கம்
உண்டா? கிடையாது. ஆங்கிலச் செய்திகளில்
இவற்றைச் சொல்கிறார்கள்.

7) இன்றைய இந்து ஆங்கில ஏடு ( 27 ஜூலை 2016, பக்-14)
இச்செய்தியை வெளியிட்டுள்ளது. தலைப்பு:High level
panel to recast UGC, AICTE. படியுங்கள்.
**************************************************************

திங்கள், 25 ஜூலை, 2016

Affirmative action என்றால் என்ன?
Affirmative action அடிபட்டுப் போகிறதாமே, உண்மையா?
கபாலித் தொழுநோயாளிகள் உணர்வார்களா?
------------------------------------------------------------------------------------------
நியூட்டன் அறிவியல் மன்றம்
-------------------------------------------------------------------------------------------
WTO என்னும் உலக வர்த்தகக் கழகம் குறித்துப்
பேசுகிறபோதெல்லாம் Affirmative action என்பது
குறித்தும் பேச நேர்கிறது. குறிப்பாக புதிய கல்விக்
கொள்கை குறித்துப் பேசும்போதெல்லாம்
Affirmative action குறித்தும் அது அடிபட்டுப் போகும்
என்பது குறித்தும் பேச வேண்டிய தேவை எழுகிறது.

Affirmative action என்றால் என்ன? அது ஏன் எப்படி
அடிபட்டுப் போகிறது? அதாவது பாதிப்பு அடைகிறது?
புதிய கல்விக் கொள்கைக்கும் Affirmative actionக்கும்
என்ன தொடர்பு? அப்படியே Affirmative action அடிபட்டுப்
போனால்தான் என்ன? அதனால் என்ன குடியா
முழுகி விடப் போகிறது?

இந்தக் கேள்விகளுக்கெல்லாம் எட்டுக் கோடித்
தமிழர்களுக்கும் விடை தெரிய வேண்டும்.
ஆனால் அடையாள அரசியல் என்னும் க்ஷய ரோகமும்
கபாலித் தொழுநோயும் பீடித்திருக்கக்
கூடிய தமிழ்ச் சமூகத்தில் இதைப்பற்றி அக்கறை
கொள்ள நாதி கிடையாது.

சமூக ரீதியாக மிகவும் வறுமையிலும் பின்தங்கிய
நிலையிலும் இருக்கிற பிரிவினருக்கு சில
சலுகைகள் வழங்குவதன் மூலமாக, அவர்களை
உயர்த்தும் நடவடிக்கைகளே Affirmative action எனப்படும்.
தீவிர முயற்சி என்று தமிழில் கூறலாம்.

எடுத்துக் காட்டாக SC, ST வகுப்பினருக்கு, இன்ன
பிறருக்கு மத்திய மாநில அரசுகள் இட ஒதுக்கீடு
வழங்குகின்றன. இந்த இட ஒதுக்கீடு Affirmative action
ஆகும்.

அண்மையில், IIT படிப்புக்கான கல்விக் கட்டணத்தை
(TUTION FEES) ரூ 90,000 இல் இருந்து ரூ இரண்டு லட்சமாக
மத்திய அரசு உயர்த்தியது. ஆனால் இந்தக் கட்டண
உயர்வு SC,ST மாணவர்களுக்கு கிடையாது என்றும்
அவர்கள் பழைய கட்டணத்தையே செலுத்தலாம்
என்றும் அரசு கூறியது. இது Affirmative actionக்கு
நல்ல உதாரணம் ஆகும்.
***************************************************************
(சென்னையில் நடைபெற்ற (24.07.2016, ஞாயிறு மாலை)
புதிய கல்விக் கொள்கை பற்றிய கருத்தரங்கில்
நியூட்டன் அறிவியல் மன்றத் தலைவர் தோழர்
பி இளங்கோ சுப்பிரமணியன் அவர்கள் பேசியது)
--------------------------------------------------------------------------------------------------

சரியான விடை:
---------------------------
1) இட ஒதுக்கீட்டைப் பின்பற்ற வேண்டும் என்று
உத்தரவு போட்டவர் பிரதமர் வாஜ்பாய்.
(ஆண்டு 2000)
2) வாஜ்பாய் போட்ட உத்தரவை ரத்து செய்து
இடஒதுக்கீடு வேண்டாம் என்று உத்தரவு
போட்டவர் மன்மோகன் சிங் ( ஆண்டு 2005)
3) இதற்கான காரணங்கள்:
---------------------------------------------------
வாஜ்பாய் அரசில் வணிக அமைச்சராக இருந்தவர்
முரசொலி மாறன். அவர் வாஜ்பாயிடம் கூறி
இடஒதுக்கீட்டைப் பின்பற்ற வேண்டும் என்று
உத்தரவு போடுவதில் பங்காற்றினார்.
**

இது வரலாறு. நேற்றைய கருத்தரங்கில்
பேசும்போது இதைக் கூறினேன்.
2004-2009 காலக்கட்டத்தில் கமல்நாத் வணிகத்துறை
அமைச்சராக இருந்தார். பின்னர் ஆனந்த் சர்மா
வணிகத்துறை அமைச்சராக இருந்தார். UPA-1
ஆட்சியின்போது மன்மோகனும் கமல்நாத்தும்
இணைந்து இடஒதுக்கீட்டை ரத்து செய்து
வெளிநாட்டுப் பல்கலைகளுக்கு சலுகை
செய்தனர்.
Can anybody disprove this? Nobody on earth can do.

நான் இங்கு எழுதி இருக்கிற விஷயம் கலைஞருக்கே
கூட, தெரியாமல் இருக்க வாய்ப்பு உண்டு. முரசொலி
மாறன் இடஒதுக்கீட்டில் நம்பிக்கை உடையவர்.
அவர் சம்பந்தப்பட்ட துறையின் (வணிகத்துறை)
அமைச்சராக இருந்தார். அவர் வாஜ்பாய் அவர்களின்
இசைவைப் பெற்று இடஒதுக்கீட்டை இடம் பெறச்
செய்தார். இதில் திமுக வுக்கு இந்தப் பங்கும் இல்லை.
எல்லாப் புகழும் முரசொலி மாறனையே சாரும்.
**
அடுத்து UPA-1, UPA-2 காலக்கட்டத்தில் வணிகத்துறை
அமைச்சராக திமுகவினர் யாரும் இல்லை.
அப்படியே இருந்தாலும் அவர்கள் முரசொலி மாறன்
போன்று பெரிய ஆளுமையாக இருக்கவில்லை.
எனவே வெளிநாட்டுப் பல்கலைகளுக்கு இடஒதுக்கீடு
என்னும் சுமை இல்லாமல் பார்த்துக் கொண்டார்
மன்மோகன்.

யாரோ அவர் யாரோ?
விடை சொல்லுங்கள்!
சரியான விடை சொன்னால் கௌரவம்!
-----------------------------------------------------------------------
நியூட்டன் அறிவியல் மன்றம்
----------------------------------------------------------------------
இந்தியாவில் LPG கொள்கைகள்
(தனியார்மயம் தாராளமயம் உலகமயம்)
செயல்பட்டு வருகின்றன. உலக வர்த்தகக்
கழகத்தில் (WTO) இந்தியா சேர்ந்துள்ளது.
நரசிம்மராவ் பிரதமராகவும் பிரணாப் முகர்ஜி
வணிகத் துறை அமைச்சராகவும் இருந்தபோது
இது நடந்தது. இப்போது கேள்வி இதுதான்!

கேள்வி-1: வெளிநாட்டுப் பல்கலைக் கழகங்கள்
இந்தியாவில் கல்வி வழங்கும்போது, இந்தியாவில்
நடைமுறையில் உள்ள, SC, ST, BC இட  ஒதுக்கீடு
முறையைக் கண்டிப்பாகப் பின்பற்ற வேண்டும்
என்று உத்தரவிட்ட இந்தியப் பிரதமர் யார்?
சரியான விடையைத் தேர்ந்தெடுக்கவும்:
-----------------------------------------------------------------------
அ) நரசிம்மராவ்
ஆ) வி.பி.சிங்
இ) வாஜ்பாய்
ஈ)தேவகவுடா
--------------------------------------------------------------------------------------------
கேள்வி-2: அந்த உத்தரவை ரத்து செய்து, வெளிநாட்டுப்
பல்கலைகள் இட  ஒதுக்கீடு வழங்கத் தேவையில்லை
என்று உத்தரவிட்ட இந்தியப் பிரதமர் யார்?
சரியான விடையைத் தேர்ந்தெடுக்கவும்.
-------------------------------------------------------------------------
அ) நரேந்திர மோடி
ஆ) வாஜ்பாய்
இ) ராஜிவ் காந்தி
ஈ) மன்மோகன் சிங்.

விடைகளைச் சொல்லுங்கள்!
---------------------------------------------------------------------------------------------------
(சென்னையில் நடைபெற்ற (24.07.2016) புதிய கல்விக்
கொள்கை குறித்த கருத்தரங்கில் பேசும்போது,
நியூட்டன் அறிவியல் மன்றத் தலைவர் அவையோரிடம்
கேட்ட கேள்வி இது.)
*********************************************************************

அடையாள அரசியல் சார்ந்த எதிர்ப்பு
மூடத்தனமானது! பயனற்றது!!
புதிய கல்விக் கொள்கை 2016!
----------------------------------------------------------------------
நியூட்டன் அறிவியல் மன்றம்
-----------------------------------------------------------------------
தேசிய கல்விக் கொள்கை இன்னும் மக்களைச் சென்றடையவில்லை. யானை பார்த்த குருடர்களைப்
போல, பலரும் அதன் ஒட்டு மொத்தத் தன்மையை
விட்டு விட்டு, ஒரு சில முக்கியத்துவம் குறைந்த
அம்சங்களை எடுத்துச் சொல்லிக் கொண்டு
இருக்கிறார்கள். அதன் மீதான எதிர்ப்பும் கூட,
மிகவும் சிறுபிள்ளைத் தனமானதாகவும்,
பிற்போக்கான அடையாள அரசியல் சார்ந்ததாகவுமே
இருக்கிறது.

தேசிய கல்விக் கொள்கையை அதன் பொருளாதார
அரசியல் அம்சங்கள் சார்ந்து எதிர்ப்பது என்ற
பேச்சுக்கே இந்தியாவில் இடமில்லை என்று
தோன்றுகிறது. பின்நவீனத்துவத்தால் வளர்த்து
எடுக்கப்பட்ட அடையாள அரசியலானது சர்வ
வியாபகமாய் இருப்பதால் நேரிடும் தீவினை இது.

இந்நிலையில் சென்னையில் நேற்று (24.07.2016)
நடைபெற்ற புதிய கல்விக் கொள்கை குறித்த
ஒரு கருத்தரங்கில் நியூட்டன் அறிவியல் மன்றமானது
புதிய கல்விக் கொள்கையின் ஏகாதிபத்தியப்
பின்னணி குறித்தும், லாப நோக்குடன், கோடிகள் புரளும்
இந்திய உயர்கல்விச் சந்தையைக் கைப்பற்றத்
திட்டமிடும் WTOவின் திட்டங்கள் குறித்தும்,
அதற்கு உடந்தையாக இருப்பதற்கென்றே
உருவாக்கப் படும் புதிய கல்விக் கொள்கை
குறித்தும் அகல்விரிவானதும் ஆழமானதுமான
ஒரு விளக்கத்தை முன்வைத்தது.

ஏறக்குறைய ஒன்றரை மணி நேரம் என்கிற
அளவில் சொற்பொழிவு நீண்டது.  எதிர்பார்த்த
அளவு கூட்டம்  வரவில்லை. என்றாலும், புதிய
கல்விக் கொள்கை குறித்த முழுநிறைவான
பார்வையை, தமிழ்ச் சமூகத்தில் முதன் முறையாக
முன்வைத்தது நியூட்டன் அறிவியல் மன்றமே
என்பது குறிப்பிடத் தக்கது.
******************************************************************

ஞாயிறு, 24 ஜூலை, 2016

CBCS என்றால் என்ன?
CBCS பற்றி நாம் ஏன் தெரிந்து கொள்ள வேண்டும்?
---------------------------------------------------------------------------------------
நியூட்டன் அறிவியல் மன்றம்
---------------------------------------------------------------------------------------
என்ன சார் நீங்க, CBCS பற்றி நான் ஏன் தெரிந்து கொள்ள
வேண்டும் என்கிறான் குட்டி முதலாளித்துவ விடலை.
கபாலியில் இருந்து என் மூளையை வெளியே
எடுக்கவில்லை; நீங்கள் CBCS பற்றிப் பேசினால்

எவனும் கேட்க மாட்டான் என்கிறான் கு.மு.விடலை.

ஆனாலும் CBCS பற்றி நாம் தெரிந்து கொள்ளத்தான்

வேண்டும். புதிய கல்விக் கொள்கையை ஓரளவேனும்

புரிந்து கொள்ள இது உதவி செய்யும்.

CBCS என்றால் Choice Based Credit System என்று பொருள்.

இது கடன் வாங்கும் விவகாரம் அல்ல. இது

கல்வித் துறையில் (academic) புழங்கும் ஒரு சொல்.

வெளிநாடுகளில், அதுவும் வளர்ந்த நாடுகளில்

மட்டுமே புழங்கும் இந்தச் சொல்லை மன்மோகன் சிங்

அவர்களும் மோடி அவர்களும் இந்திய மக்களுக்கு

அறிமுகப் படுத்துகிறார்கள்.

சென்னை லயோலா கல்லூரியில் BSc Maths பட்டப்

படிப்பு படிக்க விரும்பி அதற்கான விண்ணப்பத்தை

வாங்குகிறீர்கள். படிப்பு குறித்த பின்வரும் தகவல்கள்

உங்களுக்குத் தெரிய வருகிறது.

1) BSc Maths படிப்பு ஆறு செமஸ்டர்களைக் கொண்டது:

2) மூன்று ஆண்டு காலம் படிக்க வேண்டும்.

3) Maths majorக்கு Physics மற்றும் Statistics பாடங்கள் உண்டு.

இவை allied subjects (அல்லது ancillary) ஆகும்.

மேற்கூறிய தகவல்களை அறிந்து கொள்கிறீர்கள்.

CBCS என்றால் மாணவன் தன்னுடைய விருப்பத்தின்

பேரில் பாடங்களையும், கால அளவையும்

(COURSE DURATION) தேர்ந்தெடுக்கலாம். இம்முறை

மேனாடுகளில் உள்ளது.

உதாரணமாக, B.Sc Maths படிப்பில் சேர விரும்பும்

மாணவன், allied subjects பிரிவில் வழக்கமாக உள்ள

இரண்டு பாடங்களோடு சேர்த்து, தான் விரும்பும்

History, Literature ஆகிய பாடங்களையும் பயில

முடியும். ஆறு செமஸ்டர்-மூன்று ஆண்டுகள்

என்பதற்குப் பதிலாக, 4 ஆண்டுகள்-8 செமஸ்டர்

என்று எடுத்துக் கொள்ளலாம்.

இங்கு படிக்கும் courseஐ மாணவன் தேர்வு செய்கிறான்.

எனவே இது choice based முறை ஆகும். மதிப்பெண்களுக்குப்

பதிலாக grades வழங்கப்படும். outstanding, excellent, good

போன்ற கிரேடுகள் வழங்கப்படும். மாணவன் எடுத்த

மார்க்குகள் (அதாவது கிரேடுகள்) தொடர்ந்து

அவன் கணக்கில் வரவு வைக்கப்படும்; அதாவது

கிரிடிட் செய்யப் படும். எனவே இது வரவு வைக்கும்

முறையும் ஆகும். இவ்வாறு வரவு வைக்கப்பட்ட

மதிப்பெண்களைக் கொண்டு, மாணவன் வேறு

எந்தப் படிப்பையும் தொடர முடியும். ஆகவே

இம்முறை CBCS ( Choice Based Credit System) என

அழைக்கப் படுகிறது.

வெளிநாட்டுப் பல்கலைக் கழகங்களில் இந்த

முறைதான் கடைப்பிடிக்கப் படுகிறது. மோடி

அரசின் புதிய கல்விக் கொள்கையில், வெளிநாட்டுப்

பல்கலைகள் இந்தியாவில் அனுமதிக்கப் படுகின்றன.

வெளிநாட்டுப் பல்கலைகள் இங்கு வரும்போது,

அவர்களுக்குத் தக்கவாறு நம்மை மாற்றிக்

கொள்ள வேண்டும் அல்லவா?! அதற்காக CBCS

முறையை மோடி அரசு அறிமுகப் படுத்துகிறது.

இது போன்ற விஷயங்களில் மோடி அரசு ஒரு

கத்துக்க குட்டி அரசே. மன்மோகன் சிங்கின்

அடிச்சுவட்டில் மிகவும் விசுவாசமாக மோடி

அரசு பயணம் செய்கிறது.

---------------------------------------------------------------------------------------

புதிய கல்விக் கொள்கை பற்றிய கருத்தரங்கில்

(ஞாயிறு 24.07.2016, சென்னை) நியூட்டன் அறிவியல்

மன்றத் தலைவர் தோழர் பி இளங்கோ பேசியது.

********************************************************************