Ilango Arasiyal

நெல்லை எக்ஸ்பிரஸில் நிகழ்ந்த
திடுக்கிடும் சம்பவம்!
ரயில் பயணிகளின் கனிவான கவனத்திற்கு!
----------------------------------------------------------------------------------
நியூட்டன் அறிவியல் மன்றம்
----------------------------------------------------------------------------------
நெல்லை எக்ஸ்பிரஸில் நேற்றிரவு பயணம்!
நெல்லையில் இருந்து சென்னைக்கு வந்து கொண்டு
இருக்கிறேன். பொழுது நன்கு புலர்ந்து விட்டது.
பலரும் இறங்கி விட்டதால் வண்டியில்
கூட்டம் குறைவு!  விழுப்புரம் தாண்டி வண்டி
நன்கு வேகம் எடுத்து விட்டது. வேகம் மணிக்கு
80 கி.மீ.

எஸ்-8 கம்பார்ட்மெண்டின் கதவருகில் காற்று
வாங்கிக்  கொண்டு நான் நிற்கிறேன். இப்போது
வண்டியில் இருந்த ஒருவர் கையில் ஒரு பந்துடன்
அங்கு வருகிறார். நல்ல காத்திரமான பந்து என்பது
பார்த்தாலே தெரிகிறது.

கிடைமட்டமாகவும் ரயில் வண்டிக்குச்
செங்குத்தாகவும்  அவர் அந்தப் பந்தை வீசுகிறார்.
பந்தை வீசிய வேகம் மணிக்கு 60 கி.மீ.

வீசப்பட்ட பந்தின் வேகம் என்ன என்று என்னிடம்
கேட்கிறார். 100 கி.மீ என்றேன் நான் சட்டென்று.

 நான் சொன்ன விடை  சரிதானா?
வாசகர்கள் பதில் கூறுமாறு வேண்டுகிறேன்.

ஆங்கிலத்தில் சொல்வதானால்..........
---------------------------------------------------------------------
A man seated in a train throws a ball horizontally and perpendicular
to the train with a velocity of 60 kmph. If the velocity of the train is
80 kmph, find the velocity of the ball immediately after the throw.
(This is a very simple sum in Mechanics.)

கடினமான கணக்குகளையே நியூட்டன் அறிவியல்
மன்றம் கொடுக்கிறது என்று குறைப்பட்டுக்
கொள்கிறவர்கள், இந்தக் கணக்கைப் பார்த்ததும்
தங்களின் குறை தீர்ந்தது என்று மகிழ்ச்சி கொள்ளலாம்.
*********************************************************************