Ilango Arasiyal

துரைமுருகன்-சுத்தீஷ் ரகசிய சந்திப்பு!
உள்மர்மம் என்ன?
----------------------------------------------------------------------
நேற்று மாலை திமுக மூத்த தலைவர் துரைமுருகனை
ரகசியமாகச் சந்தித்துள்ளார் விஜயகாந்தின்
மச்சான் சுத்தீஷ். இந்த சந்திப்பு துரைமுருகனின்
உறவினர் ஒருவர் வீட்டில் நடந்துள்ளது.

என்ன சுத்தீஷ், சொல்லுங்க  என்ன விஷயம் என்று
துரைமுருகன் கேட்ட உடனேயே, அவரின் காலில்
விழுந்து வணங்கிய சுத்தீஷ் தேம்பித் தேம்பி
அழுதிருக்கிறார்.

சற்று நேரம் அவரை அழவிட்டு ரசித்த துரைமுருகன்,
சரி சரி, போதும், இப்ப அழுது என்ன பிரயோஜனம்,
உப்பத் தின்னவன் தண்ணி குடிச்சுத்தானே
ஆகணும், விஷயத்துக்கு வாங்க என்று சுத்தீஷை
அதட்டி இருக்கிறார்.

ஐயா, எங்களுக்கு எதிர்காலமே இல்ல, கலைஞரைச்
சந்தித்து அவர் கால்ல விழுந்து மன்னிப்புக் கேட்கனும்னு
அக்காவும் மாமாவும் பிரியப் படறாங்க, அதுக்கு
நீங்கதான் ஏற்பாடு பண்ணனும் என்று நாத்தழுதழுக்கக்
கூறிய சுத்தீஷ் மீண்டும் துரைமுருகன் காலில்
விழுந்திருக்கிறார்.

ஒங்க அக்கா ரொம்பவும் ஓவராப் போயிட்டாங்க,
கலைஞர் மன்னிக்கலாம், ஆனால் ஒன்றரைக்கோடி
திமுக தொண்டன் ஒங்க அக்காவ மன்னிக்கவே
மாட்டான் என்று கூறிய துரைமுருகன், கொஞ்சம்
பொறுங்க, முதல் சட்டமன்றக் கூட்டத்தொடர்
முடியட்டும், அதற்கு அப்புறம் வந்து கலைஞரைப்
பாருங்க என்று  கூறி சுத்தீஷை அனுப்பி
வைத்துள்ளார்.

வைகோவின் மக்கள் நலக்கூட்டணி எப்படியெல்லாம்
சந்தி சிரிக்கிறது பாருங்கள்!
**********************************************************************