Ilango Arasiyal

அறிவியல் வழி நிரூபணமே இப்போதைய தேவை!
----------------------------------------------------------------------------------
மறைமலை அடிகள் தலைமையில், முத்தமிழ்க் காவலர்
கி ஆ பெ விசுவநாதன் உள்ளிட்ட தமிழறிஞர்கள் ஒன்றுகூடி,
விவாதித்து, தை முதல் நாளே தமிழ்ப் புத்தாண்டு என்று
முடிவெடுத்தனர். அம்முடிவை முத்தமிழறிஞர்
கலைஞர் ஏற்றுச் சட்டம் செய்தார்.
**
இவ்வளவுக்கும் பின்னர் இதில் யான் தலையிட்டுச்
சொல்வதற்கு எதுவும் இல்லை. மறைமலை அடிகளை விட,
கி ஆ பெ விசுவநாதன் அவர்களை விட, கலைஞரை விட
யான் தமிழறிஞன் இல்லை.
**
அவர்கள் கூறியதற்கு மேல் யான் கூற முற்படுவது,
ஏற்கனவே நீர் நிறைந்துள்ள குடத்துள் மேலும் நீரை
ஊற்றுவது போல் அமையும்.
**
எனவே தமிழ் மரபு, இலக்கியம், கலை, பண்பாடு ஆகியவை
சார்ந்து இதில் பேசுவதை அறவே தவிர்க்கிறேன். நவீன
அறிவியல் என்ன கூறுகிறது என்பதை மட்டுமே
இக்கட்டுரையில் சான்றுகளுடன் எடுத்துக் காட்ட
விரும்புகிறேன்.
**
இது நியூட்டன் அறிவியல் மன்றம் எழுதுகிற கட்டுரை.
அறிவியல் வழியில், சித்திரை புத்தாண்டு அல்ல என்பதை
நிரூபிக்கிற கட்டுரை. எனவே கணிதமும் அறிவியலுமே
இக்கட்டுரையின் அடிப்படைகள். அவற்றைத் தவிர்த்து
விட்டு இக்கட்டுரையை எழுத இயலாது. இதை வாசகர்கள்
கணக்கில் கொள்ளுமாறு வேண்டுகிறோம்.