Ilango Arasiyal

தா பாண்டியனின் தீவிர ஆதரவாளர்
ஸ்ரீவில்லிபுத்தூர் எம்.எல்.ஏ பொன்னுப்பாண்டி
அதிமுகவுக்கு கட்சி தாவினார்!
--------------------------------------------------------------------------
தா பாண்டியனின் தீவிர ஆதரவாளர் பொன்னுப்பாண்டி
எம்.எல்.ஏ. இவர் ஜெயலலிதா முன்னிலையில்
அதிமுகவில் இணைந்தார்.

தா பாண்டியன்  இந்தியக் கம்யூனிஸ்ட் கட்சியை உடைத்து,
மீண்டும் UCPI கட்சியை ஆரம்பிக்க முயற்சி செய்கிறார்
என்பதை ஏற்கனவே அம்பலப் படுத்தி இருந்தோம்.
நமது கட்டுரையைப் படித்து விட்டு, குய்யோ முறையோ
என்று குதித்த CPI கட்சியினர் இப்போது எங்கு போய்
முகத்தை வைத்துக் கொள்வார்கள்?

ஜெயலலிதாவைப் பிரதமர் ஆக்குவோம் என்று ஏ.பி.
பரதன், நல்லகண்ணு, தா பாண்டியன் ஆகிய தலைவர்கள்
கூறியதால், அதனால் உத்வேகம் பெற்று, தாம் அதிமுகவில்
இணைந்ததாக பொன்னுப்பாண்டி தெரிவித்தார். 

மேலும், தா பாண்டியனின் உள்ளக் கிடக்கைக்கு ஏற்பவே
தாம் அதிமுகவில் சேர்ந்துள்ளதாகவும்
நெருங்கிய நண்பர்களிடம் பொன்னுப்பாண்டி தெரிவித்துள்ளார்.

இன்குலாப் ஜிந்தாபாத்!
புரட்சித் தலைவி ஜிந்தாபாத்!
----------------------------------------------------------------------------------------------------